ສົກ 2014-2015 ຈັງຫວະການຂະຫຍາຍຕົວຂອງເສດຖະກິດນະຄອນ ຫລວງວຽງຈັນຈະບັນລຸ 12%

ໃນພິທີພົບປະສອງຝ່າຍລະຫວ່າງການນຳຂັ້ນສູງຂອງນະຄອນຫລວງວຽງຈັນ ແລະ ນະຄອນໂຮຈີມິງ ໃນວັນທີ 7 ເມສານີ້, ທ່ານ ສົມວັນດີ ນາຖາວົງ ຮອງເຈົ້າຄອງນະຄອນຫລວງວຽງຈັນໄດ້ລາຍງານ ກ່ຽວກັບສະພາບ ການພັດ ທະນາຢູ່ນະ ຄອນຫລວງວຽງຈັນວ່າ:ໂດຍລວມເຫັນວ່າພື້ນຖານເສດຖະກິດຂອງນະ ຄອນຫລວງວຽງ ຈັນ ຍັງ ສືບຕໍ່ຂະຫຍາຍຕົວຕໍ່ ເນື່ອງ, ເຊິ່ງຄາດວ່າລວມຍອດຜະລິດຕະພັນພາຍໃນ(GDP) ຂອງສົກປີ 2014-2015 ຈະຢູ່ໃນລະດັບ 12%, ສະເລ່ຍລາຍ ໄດ້ປະມານ 4.390 ລ້ານໂດລາສະຫະລັດ  ໂດຍສະເລ່ຍລາຍຮັບ ຂອງພົນ ລະເມືອງຈະໄດ້ 35 ລ້ານກີບຕໍ່ຄົນຕໍ່ປີ, ສ່ວນ ການຜະລິດເຂົ້າປະຕິບັດໄດ້ 97%, ພືດຜັກ 94% ຂອງແຜນການ ແລະ ການສະໜອງທາດຊີ້ນ-ປາໃຫ້ສັງຄົມກໍສາ ມາດຮັບປະກັນຄວາມຕ້ອງການໄດ້ໂດຍພື້ນຖານ.

ສຳລັບດ້ານວັດທະນາທຳ-ສັງຄົມ, ມາຮອດປັດຈຸບັນມີຄອບຄົວວັດທະນາທຳຫລາຍກວ່າ 105 ພັນຄອບ ຄົວ, ມີ 356 ບ້ານວັດທະນາທຳ, ເຊິ່ງຄາດວ່າຈະສູ້ຊົນປະກາດລຶບລ້າງຄອບຄົວທຸກຍາກໃນທ້າຍປີນີ້. ຄຽງຄູ່ກັບ ການພັດທະນາ ຄືດັ່ງກ່າວກໍເຫັນວ່າມີຂໍ້ຫຍຸ້ງຍາກ ແລະ ສິ່ງທ້າທາຍຫລາຍດ້ານຄື: ການຈັດເກັບລາຍຮັບງົບປະມານ ບໍ່ໄດ້ຕາມແຜນ,

ໂດຍສະເພາະ 6 ເດືອນສົກປີນີ້ໄດ້ພຽງແຕ່ 31,35% ຂອງແຜນການ, ການສະໜອງງົບປະມານ ແລະ ການລະດົມທຶນ ຮອນເຂົ້າໃນການພັດທະນາຍັງບໍ່ທັນພຽງພໍ, ນອກຈາກນີ້ຍັງມີບັນຫາຄວາມບໍ່ສະອາດ, ຄວາມ ບໍ່ເປັນລະບຽບຮຽບ ຮ້ອຍໃນຕົວເມືອງ, ຖະໜົນຫົນທາງ, ບັນຫາຢາເສບຕິດ, ໄພສັງຄົມ ແລະ ປະກົດການຫຍໍ້ ທໍ້ອື່ນໆ, ເຊິ່ງພວກເຮົາຈ ະຕ້ອງໄດ້ເອົາໃຈໃສ່ແກ້ໄຂຢ່າງແຂງແຮງເພື່ອໃຫ້ບັນຫາດັ່ງກ່າວຫລຸດໜ້ອຍລົງ.