ຄວນຫລຸດຜ່ອນຊື້ຫວຍ

ປັດຈຸບັນນີ້, ສັງເກດເຫັນວ່າຢູ່ໃນສັງຄົມເຮົາແມ່ນມັກຈະພາກັນແລ່ນເຮີ່ນຳ ເລກນຳ ຫວຍ ເພື່ອຫວັງລວຍຢ່າງແຜ່ຫລາຍ, ມີບາງຄົນຊື້ງວດໜຶ່ງໝົດເງິນເປັນແສນ ເປັນ ລ້ານ ບາງຄອບຄົວມີອາຊີບຫາເຊົ້າກິນຄ່ຳ, ເຂົ້າຂາດແລງ ແກງຂາດໝໍ້ ແຕ່ກໍຍັງເມົາ ມົວນຳການຫລິ້ນເລກຫລິ້ນເບີຈົນໝົດເນື້ອໝົດຕົວ, ຊຶ່ງເກີດສະພາບຄອບຄົວຜົວ ເມຍຜິດຖຽງກັນ ແລະ ປະລະກັນກໍມີຫລາຍ, ຊຶ່ງບັນ ຫານີ້ພວມເປັນສະພາບພົ້ນ ເດັ່ນໃນສັງຄົມເຮົາປັດຈຸບັນ ມັນສະແດງໃຫ້ເຫັນວ່າ: ໃນທຸກໆວັນອັງຄານ ແລະ ວັນສຸກຂອງແຕ່ລະອາທິດ, ຊຶ່ງແມ່ນມື້ເລກຫວຍອອກກໍຈະເຫັນມີການຕັ້ງໂຕະ ຂາຍເລກຢັ່ງຢາຍຕາມສາຍທາງຕ່າງໆຂອງນະຄອນຫລວງວຽງຈັນຢ່າງເປີດແປນທີ່ມີລັກສະນະເບື່ອເມົາ ແລະ ຊັກຊວນໃຫ້ ມວນຊົນຫັນມາສ່ຽງໂຊກກັບໃບຫວຍດັ່ງກ່າວນັບມື້ຫລາຍຂຶ້ນ, ທັງສ້າງຄວາມບໍ່ເປັນລະບຽບຈົບງາມໃຫ້ແກ່
ບ້ານເມືອງ. ຜູ້ຂຽນຍົກບັນຫານີ້ຂຶ້ນມາກໍບໍ່ໝາຍວ່າຈະຫ້າມບໍ່ໃຫ້ຊື້ຫວຍ, ແຕ່ພຽງຢາກເຕືອນໃຫ້ຄົນ ທີ່ຍັງມົວເມົາກັບການຫລິ້ນຫວຍມີສະຕິຕື່ມ,ຄືດັ່ງພວກເຮົາຮູ້ນຳກັນແລ້ວວ່າປັດຈຸບັນສະພາບເສດ ຖະກິດຂອງປະເທດກໍມີຫລາຍອັນຫຍຸ້ງຍາກຟືດເຄືອງ, ຊຶ່ງພັກ ແລະ ລັດຖະບານກໍຮຽກຮ້ອງໃຫ້ທຸກຄົນ ໃນທົ່ວສັງຄົມໄດ້ເພີ່ມທະວີຄວາມປະຢັດມັດທະຍັດ, ໂດຍສະເພາະກໍແມ່ນບໍ່ໃຫ້ໃຊ້ຈ່າຍຫລີ້ນກິນຟູມ ເຟືອຍໃນຖັນແຖວພະນັກງານລັດຖະກອນ, ທະຫານ, ຕຳຫລວດ, ກຳມະກອນກໍຄືຜູ້ທີ່ມີລາຍຮັບ ໜ້ອຍຕ້ອງໄດ້ພະຍາຍາມຫລຸດຜ່ອນການໃຊ້ຈ່າຍທີ່ໄຮ້ປະໂຫຍດຕ່າງໆ.