ຜົນສຳເລັດການຢ້ຽມຢາມ ສສ ຫວຽດນາມ ຢ່າງເປັນທາງການຂອງຮອງປະທານປະເທດ ບຸນຍັງ ວໍລະຈິດ

ໂດຍຕອບສະໜອງຕາມຄຳ ເຊີນຂອງ ສະຫາຍ ນາງ ຫງວຽນ ທິ ຢວານ ຮອງປະທານປະເທດ ແຫ່ງ ສາ ທາລະນະລັດ ສັງຄົມນິຍົມ ຫວຽດນາມ, ສະຫາຍ ບຸນຍັງ ວໍລະຈິດ ຮອງປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະຜູ້ ແທນຂັ້ນສູງພັກ-ລັດ ສປປ ລາວ ໄດ້ຢ້ຽມຢາມ ສສ ຫວຽດ ນາມຢ່າງ ເປັນທາງການແຕ່ວັນທີ 06-09 ກໍລະກົດ 2015.

ຕອນເຊົ້າວັນທີ 07 ກໍລະກົດ 2015, ສະຫາຍ ບຸນຍັງ ວໍລະຈິດ ຮອງປະທານປະເທດ ແຫ່ງ ສປປ ລາວພ້ອມດ້ວບຄະນະໄດ້ເຂົ້າຮ່ວມ ພິທີຕ້ອນຮັບຢ່າງເປັນທາງການທີ່ ຈັດຂຶ້ນຢ່າງສົມກຽດທີ່ສຳນັກງານປະທານປະເທດໂດຍມີສະຫາຍ ຮອງປະທານປະເທດ ຫງວຽນ ທິ ຢວານ ພ້ອມດ້ວຍບັນດາສະຫາຍ ໃນຄະນະລັດຖະບານ ແລະ ພະນັກ ງານຂັ້ນສູງຈາກຂະແໜງການ ຕ່າງໆຂອງຫວຽດນາມເຂົ້າຮ່ວມ.

ພາຍຫຼັງສິ້ນສຸດພິທີຮັບຕ້ອນ ຢ່າງເປັນທາງການແລ້ວ, ຄະນະ ຜູ້ແທນຂັ້ນສູງທັງສອງຝ່າຍກໍໄດ້ ພົບປະຢ່າງເປັນທາງການ. ໃນການ ພົບປະຄັ້ງນີ້, ສະຫາຍ ບຸນຍັງ ວໍລະຈິດ ແລະ ສະຫາຍ ນາງ ຫງວຽນ ທິ ຢວານ ໄດ້ແຈ້ງໃຫ້ກັນຊາບສະ ພາບການທີ່ພົ້ນເດັ່ນພາຍໃນປະເທດຂອງຕົນ; ແລກປ່ຽນທັດສະນະ ແລະ ຄຳຄິດຄຳເຫັນຕໍ່ກັບສະພາບ ການສາກົນ ແລະ ພາກພື້ນທີ່ຕ່າງ ຝ່າຍຕ່າງມີຄວາມສົນໃຈ; ໄດ້ທົບ ທວນຄືນການຮ່ວມມືສອງຝ່າຍໃນໄລຍະຜ່ານມາພ້ອມທັງໄດ້ເປັນເອ ກະພາບກັນ ແລະ ຕີລາຄາສູງມູນ ເຊື້ອແຫ່ງສາຍພົວພັນມິດຕະພາບ, ຄວາມສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງສອງ ພັກ, ສອງລັດ ແລະ ປະຊາຊົນ ສອງຊາດລາວ-ຫວຽດນາມໃນ ໄລຍະຜ່ານມາ.

ໃນການພົບປະ, ສະຫາຍ ຮອງປະທານປະເທດ ບຸນຍັງ ວໍ ລະຈິດ ໄດ້ສະແດງຄວາມຂອບໃຈ ຢ່າງຈິງໃຈມາຍັງພັກ, ລັດຖະບານ ແລະ ປະຊາຊົນ ຫວຽດນາມ ທີ່ໄດ້ ໃຫ້ການຕ້ອນຮັບຄະນະຜູ້ແທນຂັ້ນ ສູງຂອງລາວຢ່າງສະໜິດສະໜົມ, ສົມກຽດ ແລະ ອົບອຸ່ນຖານສະ ຫາຍອ້າຍນ້ອງ ແລະ ສະແດງ ຄວາມຊົມເຊີຍຕໍ່ຜົນສຳເລັດອັນສຳຄັນ, ຮອບດ້ານ, ໃຫຍ່ຫຼວງໃນການ ພັດທະນາເສດຖະກິດ-ສັງຄົມ ທີ່ປະ ຊາຊົນຫວຽດນາມ ອ້າຍນ້ອງ ຍາດມາໄດ້ໃນໄລຍະທີ່ຜ່ານມາອັນ ເປັນການປະກອບສ່ວນສຳຄັນ ເຂົ້າໃນການຍົກສູງຖານະບົດບາດຂອງ ຫວຽດນາມຢູ່ເວທີສາກົນ ແລະ ພາກພື້ນຢ່າງບໍ່ຢຸດຢັ້ງ.

ສະຫາຍຮອງປະທານປະ ເທດ ຫງວຽນ ທິ ຢວານ ໄດ້ສະ ແດງຄວາມຊົມເຊີຍສະຫາຍ ຮອງ ປະທານປະເທດ ບຸນຍັງ ວໍລະຈິດ ທີ່ໄດ້ມາຢ້ຽມຢາມ ຫວຽດນາມ ຢ່າງເປັນທາງການ ໃນຄັ້ງນີ້ ຊຶ່ງຈະ ເປັນການປະກອບ ສ່ວນສຳຄັນເຂົ້າໃນການເພີ່ມທະວີ ແລະ ເສີມຂະ ຫຍາຍສາຍພົວພັນມິດຕະພາບ ທີ່ມີມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ. ສະຫາຍຮອງ ປະທານປະເທດ ຫວຽດນາມ ຍັງ ໄດ້ຕີລາຄາສູງບັນດາຜົນສຳເລັດ ອັນໃຫຍ່ຫລວງ ແລະ ສຳຄັນ ຂອງ ສປປ ລາວ ໃນການພັດທະນາເສດ ຖະກິດ-ສັງຄົມທີ່ຍາດມາໄດ້ໃນໄລຍະທີ່ຜ່ານມາ ແລະ ອວຍພອນໃຫ້ ສປປ ລາວ ມີຜົນສໍາເລັດໃນການ ປະຕິບັດບັນດາມະຕິຂອງກອງປະ ຊຸມໃຫຍ່ຂອງພັກ ປປ ລາວ ຄັ້ງທີ IX ແລະ ແຜນການພັດທະນາເສດ ຖະກິດ-ສັງຄົມ 5 ປີ ຄັ້ງທີ່ 7 ແລະ ກ້າວໄປເຖິງການຈັດຕັ້ງກອງປະ ຊຸມໃຫຍ່ຂອງພັກ ປປ ລາວ ຄັ້ງທີ່ X ຢ່າງມີຜົນສໍາເລັດ ໃນຕົ້ນປີ 2016.

ການນຳສອງປະເທດໄດ້ຢືນຢັນຄືນເຖິງຄວາມສຳຄັນໃນການ ເພີ່ມທະວີ ແລະ ເສີມຂະຫຍາຍ ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງ ສອງ ພັກ, ສອງລັດ ແລະ ປະຊາຊົນ ສອງຊາດ ລາວ-ຫວຽດນາມ ແລະ ຖືອັນນີ້ເປັນມໍລະດົກອັນລໍ້າຄ່າທີ່ ປະຊາຊົນສອງຊາດຈະຕ້ອງໄດ້ພ້ອມ ກັນຖະໜຸຖະໜອມເພື່ອສືບທອດໃຫ້ລູກຫລານຕໍ່ໆໄປ. ສອງຝ່າຍມີ ຄວາມເພີງພໍໃຈເປັນຢ່າງຍິ່ງທີ່ເຫັນວ່າການຮ່ວມມືລະຫວ່າງສອງປະເທດໃນທຸກຂົງເຂດ: ການເມືອງ, ປ້ອງກັນຊາດ, ປ້ອງກັນຄວາມສະຫງົບ, ເສດຖະ ກິດ-ການຄ້າ, ການ ລົງທຶນ, ສຶກສາ, ວັດທານະທຳ ແລະ ການຕ່າງປະເທດພວມໄດ້ ຮັບການເສີມຂະຫຍາຍຢ່າງບໍ່ຢຸດ ຢັ້ງ, ເປັນຮູບປະທຳ ແລະ ຕ່າງ ຝ່າຍຕ່າງມີຜົນປະໂຫຍດຫຼາຍຂຶ້ນ.

ໃນການພົບປະສອງຝ່າຍ ເຫັນດີເປັນເອກະພາບຈະສືບຕໍ່ເພີ່ມທະວີການແລກປ່ຽນການຢ້ຽມ ຢາມຂອງການນຳຂັ້ນສູງສອງປະ ເທດດ້ວຍຫລາຍຮູບແບບ ແລະ ຈະປະສານສົມທົບກັນເພື່ອຈັດຕັ້ງ ຜັນຂະຫຍາຍບັນດາຂໍ້ຕົກລົງຂອງການນຳຂັ້ນສູງຂອງສອງພັກ, ກໍຄື ຂໍ້ຕົກລົງທີ່ໄດ້ເຊັນໃນກອງປະຊຸມ ຄັ້ງທີ່່ຂອງຄະນະກຳມາທິການ ຮ່ວມມືລາວ-ຫວຽດນາມ; ພ້ອມກັນສະເຫລີມສະຫລອງວັນສຳຄັນ ຂອງປະເທດ ໃນປີ 2015 ໃນນັ້ນ ມີການສະເຫລີມສະຫລອງວັນຊາດ ລາວ ຄົບຮອບ 40, ສະເຫລີມສະ ຫລອງວັນຊາດຫວຽດນາມ ຄົບ ຮອບ 70; ສະ ເຫລີມສະຫລອງວັນ ຄ້າຍວັນເກີດປະທານໄກສອນ ພົມ ວິຫານ ຄົບຮອບ 95 ປີ ແລະ ກະ ກຽມກອງປະຊຸມໃຫຍ່ຂອງພັກທັງ 2.

ໃນໂອກາດດຽວກັນ, ສະ ຫາຍ ຮອງປະທານປະເທດ ບຸນຍັງ ວໍລະຈິດ ໄດ້ເຂົ້າພົບປະສະຫາຍ ນາຍົກລັດ ຖະມົນຕີ ຫງວຽນ ເຕິນ ຢຸງ, ພົບປະເຮັດວຽກກັບສະຫາຍ ຜູ້ປະຈຳການຄະນະເລຂາທິການ ສູນກາງພັກ ເລ ຮົ່ງ ແອັງ, ສະຫາຍ ໂຕຮຸຍເຣືອ, ກຳມະການກົມການ ເມືອງ, ຫົວໜ້າຄະນະຈັດຕັ້ງສູນ ກາງພັກ, ໃນການພົບປະກັບບັນ ດາການນຳຂອງຫວຽດນາມ, ທັງ ສອງຝ່າຍໄດ້ຢືນຢັນຈະພ້ອມກັນ ສືບຕໍ່ເສີມຂະຫຍາຍສາຍພົວພັນທີ່ພິເສດຫາຍາກລະຫວ່າງລາວ- ຫວຽດນາມໃຫ້ນັບມື້ມີ ປະສິດທິຜົນ ສູງຂຶ້ນ.

ສະຫາຍປະທານປະເທດ ເຈືອງເຕິນຊາງ ໄດ້ຮັບຕ້ອນການ ເຂົ້າຢ້ຽມຂ່ຳນັບຂອງສະຫາຍ ບຸນ ຍັງ ວໍລະຈິດ ພ້ອມດ້ວຍຄະນະ ເຊິ່ງ ສະຫາຍ ບຸນຍັງ ວໍລະຈິດ ໄດ້ແຈ້ງ ໃຫ້ປະທານປະເທດຫວຽດນາມ ຊາບກ່ຽວກັບຜົນການພົບປະເຮັດ ວຽກກັບບັນດາການນຳຂອງ ຫວຽດນາມໃນສອງວັນແຫ່ງການຢ້ຽມ ຢາມ. ໃນຕອນເຊົ້າຂອງວັນທີ 9 ກໍລະກົດ 2015 ສະຫາຍຮອງ ປະທານປະເທດ ບຸນຍັງ ວໍລະຈິດ ໄດ້ພົບ ປະກັບສະຫາຍປະທານສະ ພາແຫ່ງຊາດ ຫງວຽນ ຊິງ ຮຸ່ງ, ໂດຍທັງສອງຝ່າຍໄດ້ຕີລາຄາສູງ ການພົວພັນ ຮ່ວມມືລະຫວ່າງສອງຝ່າຍກໍຄືການພົວພັນລະຫວ່າງສະ ພາແຫ່ງຊາດທັງສອງ.

ໃນໄລຍະຢູ່ຢ້ຽມຢາມຫວຽດນາມ ຄະນະໄດ້ໄປວາງພວງມາລາ ຢູ່ອະນຸສາວະລີນັກຮົບນິລະນາມ ແລະ ສຸສານປະທານໂຮ່ຈີມິນ, ພົບປະກັບນັກສຶກສາລາວທີ່ກຳລັງສຶກສາ ແລະ ຄົ້ນຄວ້າຢູ່ຫວຽດນາມ ແລະ ໄດ້ພົບປະກັບການນຳຂອງຄະນະປະສານງານ, ອະດີດອາສາ ສະໝັກ ແລະ ຊ່ຽວຊານທະຫານ ຫວຽດນາມ ທີ່ເຄີຍປະຕິບັດໜ້າທີ່ຢູ່ ສປປ ລາວ ອີກດ້ວຍ.