ກົມຄຸມຄອງມົນລະພິດ, ກະຊວງຊັບພະຍາກອນທໍາມະຊາດ ແລະ
ສິ່ງແວດລ້ອມໄດ້ອອກມາຮຽກຮ້ອງຜ່ານສື່ມວນຊົນເມື່ອບໍ່ດົນນີ້, ໂດຍຂໍໃຫ້ທຸກພາກສ່ວນສັງຄົມຢຸດຕິການສວຍໂອກາດຖິ້ມຂີ້ເຫຍື້ອແບບຊະຊາຍສ້າງຄວາມເປີະເປື້ອນ ແລະ ທໍາລາຍສະພາບແວດລ້ອມໃນຕົວເມືອງ.
ທ່ານຫົວໜ້າກົມດັ່ງກ່າວໃຫ້ຮູ້ວ່າ: ຂີ້ເຫຍື້ອມີຫລາຍປະເພດທີ່ເກີດຈາກຫລາຍແຫລ່ງເຊັ່ນ: ຈາກຄົວເຮືອນ,
ໂຮງແຮມ, ຮ້ານອາຫານ, ຕະຫລາດ ແລະ
ຫົວໜ່ວຍທຸລະກິດຕ່າງໆ, ນອກຈາກນີ້ຍັງມີຂີ້ເຫຍື້ອປະເພດເປັນພິດອັນຕະລາຍຈາກໂຮງໝໍ ແລະ ຄລີນິກ,
ຂະນະທີ່ຂີ້ເຫຍື້ອບາງປະເພດກໍສາ ມາດນໍາກັບມາໃຊ້ຄືນໄດ້, ສ່ວນການແບ່ງຄວາມຮັບຜິດຊອບໃນການຈັດເກັບຂີ້ເຫຍື້ອໂດຍສະເພາະໃນຕົວເມືອງ
ແມ່ນອົງການພັດທະນາ ແລະບໍລິຫານຕົວເມືອງ(ອພບຕ)
ເປັນຜູ້ຮັບຜິດຊອບ, ຊຶ່ງແຕ່ລະຄອບຄົວ,
ຫ້າງຮ້ານ, ຫົວໜ່ວຍທຸລະກິດຕ້ອງໄດ້ເຮັດສັນຍາຈ່າຍຄ່າບໍລິການຈັດເກັບຂີ້ເຫຍື້ອຢ່າງເປັນປະຈຳມາແລ້ວ
ແຕ່ເຫັນວ່າ: ສະພາບຄວາມເປັນຈິງຂອງບັນຫາຂີ້ເຫຍື້ອໃນປັດຈຸບັນແມ່ນມີປະລິມານເພີ່ມຂຶ້ນເລື້ອຍໆຈົນເກີນຄວາມສາມາດໃນການຂົນອອກໄປໃຫ້ທ່ວງທັນເວລາຍ້ອນພາຫະນະຂົນຂີ້ເຫຍື້ອມີຈໍາກັດຄວາມຕື່ນຕົວຂອງຄົນໃນສັງຄົມມີໜ້ອຍ, ຈຶ່ງເກີດສະພາບຂີ້ເຫຍື້ອຕົກຄ້າງຫລາຍຕາມຈຸດຊຸມຊົນໃນຕົວເມືອງ ແລະ ກໍໃຫ້ເກີດມົນລະມິດທາງອາກາດເປັນຕົ້ນ: ສົ່ງກິນເໝັນ,
ຂະນະດຽວກັນມີຄົນຈໍານວນໜຶ່ງມັກງ່າຍຫລືບໍ່ຢາກເສຍເງິນຄ່າຂີ້ເຫຍື້ອກໍສວຍໂອກາດເອົາໄປຖິ້ມຕາມແຄມທາງ
ຕ່າງໆໃນຍາມຄໍ່າຄືນຈຶ່ງເຮັດໃຫ້ເກີດມີສະພາບຂີ້ເຫຍື້ອຖືກຖີ້ມຢ່າງຊະຊາຍໃນຕົວເມືອງຄືດັ່ງເຫັນນໍາກັນໃນທຸກວັນນີ້. ສະນັ້ນ ຢາກແກ້ໄຂບັນຫາດັ່ງກ່າວໃຫ້ໝົດໄປ, ກ່ອນອື່ນຕ້ອງໄດ້ເພີ່ມທະວີການໂຄ ສະນາປູກຈິດສໍານຶກໃຫ້ສັງຄົມມີສະຕິຕື່ນຕົວປະກອບສ່ວນໃນການກໍາຈັດຂີ້ເຫຍື້ອໃຫ້ມີປະສິດທິຜົນ, ໂດຍສະເພາະແມ່ນປະຕິບັດນະໂຍບາຍ ສ ສະອາດ
ຂອງນະຄອນຫລວງວຽງຈັນວາງອອກຢ່າງເຂັ້ມງວດ, ປັບປຸງຂອດບໍລິການຈັດເກັບຂີ້ເຫຍື້ອໃຫ້ວ່ອງໄວ ແລະ ຕ້ອງປະຕິບັດມາດຕະການອັນເດັດຂາດຕໍ່ຜູ້ທີ່ຖິ້ມຂີ້ເຫຍື້ອຊະຊາຍດັ່ງກ່າວ, ຈຶ່ງຈະເຮັດໃຫ້ຕົວເມືອງມີຄວາມສະອາດຈົບງາມ, ມີສະພາບແວດລ້ອມທີ່ສົດຊື່ນ ແລະ ປະກອບສ່ວນເຮັດໃຫ້ນະໂຍບາຍ 6 ສ ຂອງນະຄອນຫລວງປາກົດຜົນເປັນຈິງ.
No comments:
Post a Comment