ອຸຕຸເຕືອນສະພາບອາກາດຈະໜາວລົງອີກ 5-7 ອົງສາ
ກົມອຸຕຸນິຍົມ ແລະ
ອຸທົກກະສາດ
ເຕືອນວ່າ: ມວນອາກາດທີ່ໜາວເຢັນຈາກ ສປ ຈີນ
ຈະແຜ່ລົງມາປົກຄຸມຢູ່ທົ່ວທຸກພາກຂອງລາວ ດ້ວຍກຳລັງແຮງໃນໄລຍະວັນທີ 23-27 ມັງກອນນີ້, ເຊິ່ງຈະເຮັດໃຫ້ອຸນຫະພູມອາກາດຈະໜາວເຢັນລົງຕື່ມອີກ 5-7 ອົງສາ ໃນແຕ່ລະພາກ, ພ້ອມຈະມີຝົນຕົກ ແລະ ລົມພັດແຮງຢູ່ບາງທ້ອງຖິ່ນ, ໂດຍສະເພາະເຂດພູສູງ, ພູດອຍ,
ບັນດາແຂວງພາກເໜືອ, ໄຊສົມບູນ, ເມືອງດາກຈຶງ ແລະ ເຂດພູພຽງບໍລະເວນປາກຊ່ອງອາກາດຈະໜາວເຢັນຫລາຍ. ດັ່ງນັ້ນ ຈຶ່ງຂໍເຕືອນໃຫ້ປະຊາຊົນ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ ຈົ່ງມີສະຕິກຽມພ້ອມຮັບມືກັບສະພາບການປ່ຽນແປງຂອງອາກາດໜາວ, ຊຶ່ງອາດຈະມີຜົນກະທົບຕໍ່ສຸຂະພາບ ໂດຍສະເພາະແມ່ນເດັກນ້ອຍ ແລະ ຜູ້ເຖົ້າອາດຈະເຈັບປ່ອຍໄດ້ງ່າຍ. ຂໍໃຫ້ຕິດຕາມການລາຍງານສະພາບອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງເປັນປົກກະຕິເພື່ອສາມາດຮັບມືກັບວະພາບການແປງປ່ຽນຂອງດິນຟ້າອາກາດດັ່ງກ່າວ.
No comments:
Post a Comment