ແຂວງຫົວພັນ ແລະ ຊຽງຂວາງ ດໍາເນີນກອງປະຊຸມສະພາປະຊາຊົນແຂວງຂອງຕົນ

          ໃນວັນທີ 15 -16 ມິຖຸນານີ້, ແຂວງຊຽງຂວາງ ແລະ ແຂວງພົວພັນ ຕ່າງກໍໄດ້ດໍາເນີນກອງປະຊຸມຄັ້ງປະຖົມມະລຶກສະພາປະຊາຊົນຂັ້ນແຂວງຂອງຕົນດ້ວຍຄວາມຮັບຜິດຊອບສູງ, ສໍາລັບຢູ່ແຂວງຊຽງຂວາງໂດຍການເປັນປະທານຂອງສະຫາຍ ສົມກົດ ມັງໜໍ່ເມກ ກຳມະ ການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆຊຽງຂວາງ ເປັນກຽດເຂົ້າຮ່ວມມີສະຫາຍນາງ ປານີ ຢາທໍ່ຕູ້ ກຳມະ ການກົມການເມືອງສູນກາງພັກ, ປະທານສະພາແຫ່ງຊາດ, ມີການນຳຂັ້ນແຂວງ, ສະມາ ຊິກສະພາແຂວງ, ພະນັກງານອາວຸໂສ, ເຈົ້າເມືອງ-ຮອງເຈົ້າເມືອງ ຕະຫລອດຮອດແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.ສ່ວນແຂວງຫົວພັນພາຍໃຕ້ການເປັນປະທານຂອງທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາຄະນະບໍລິຫານງານພັກແຂວງເຈົ້າ ແຂວງຫົວພັນ, ມີທ່ານ ພົນ
ຈັດຕະວາ ຄຳສຸກ ວິອິນທະວົງ ຄະນະປະຈຳສະພາແຫ່ງຊາດ, ປະທານຄະນະກຳມາທິການປ້ອງກັນຊາດ, ປ້ອງກັນຄວາມສະຫງົບສະພາແຫ່ງຊາດ, ມີບັນດາອະດີດການນຳຂອງແຂວງ, ນັກປະຕິວັດອາວຸດໂສບຳນານ, ຜູ້ຊົງຄຸນວຸດທິ, ອາດີດສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8, ການນຳຂອງແຂວງ ແລະ ນັກທຸລະກິດເຂົ້າຮ່ວມທັງໝົດ 110 ທ່ານ, ຍິງ 18 ທ່ານ. ເພື່ອສຸມໃສ່ພິຈາລະນາບັນຫາສຳຄັນ ທີ່ເປັນບັນຫາພື້ນຖານຂອງແຂວງ ເປັນຕົ້ນແມ່ນ ຮັບຟັງການລາຍງານຜົນຂອງການເລືອກຕັ້ງ ແລະ ຢັ້ງຢືນຄຸນລັກສະນະຂອງສະມາຊິກສະພາປະຊາຊົນແຂວງ, ຮັບຮອງເອົາຜົນການເລືອກຕັ້ງເອົາປະທານ, ຮອງປະທານ, ກຳມະການຄະນະປະຈຳສະພາປະຊົນຂັ້ນແຂວງ, ພິຈາລະນາຮັບ ຮອງເອົາໂຄງປະກອບກົງຈັກ ຂອງສະພາປະຊາຊົນແຂວງ, ຮັບ ຮອງເອົາການແຕ່ງຕັ້ງປະທານ, ຮອງປະທານ, ຄະນະກຳມະການ ແລະ ເລຂາທິການ ສສຂ, ຮັບ ຮອງການແຕ່ງຕັ້ງເອົາເຈົ້າແຂວງ, ຮອງເຈົ້າແຂວງ, ຫົວໜ້າພະແນກການ, ຫົວໜ້າອົງການລັດທຽບເທົ່າພະແນກ ແລະ ຮັບຮອງເອົາໂຄງປະກອບກົງຈັກ ການຈັດຕັ້ງຂອງການປົກຄອງແຂວງ, ຮັບຮອງເອົາຜົນການແຕ່ງຕັ້ງປະທານສານປະຊາຊົນ ແລະ ຫົວໜ້າອົງການໄອຍະການປະຊາຊົນ, ຄົ້ນຄວ້າພິຈາລະນາຮັບຮອງເອົາວິໄສທັດແຕ່ນີ້ ຮອດປີ 2030, ຍຸດທະສາດຮອດປີ 2025 ແລະ ແຜນພັດທະ ນາເສດຖະກິດ-ສັງຄົມ 5 ປີ ຄັ້ງທີ VIII ປີ 2016-2020, ຮັບຮອງເອົາແຜນງົບປະມານແຫ່ງລັດ 5 ປີ 2016-2020 ແລະ ຄົ້ນຄວ້າພິຈາລະນາເອົາທິດທາງແຜນການ 5 ປີ 2016 - 2020 ຂອງສະ ພາປະຊາຊົນຂັ້ນແຂວງ.