ທະນາຄານນະໂຍບາຍພວມເລັ່ງເກັບໜີ້ຕາມເປົ້າ

    ພະແນກສີນເຊື່ອທະນາຄານ ນະໂຍບາຍ (ທນບ) ໃຫ້ຮູ້ວ່າ: ໃນ 3 ເດືອນທ້າຍປີ 2014 ນີ້ຈະເລັ່ງ ເກັບໜີ້ນັບທັງຕົ້ນທຶນ ແລະ ດອກ ເບ້ຍນຳລູກຄ້າໃນ 68 ເມືອງ, 64 ຈຸດສຸມລັດຖະບານ ແລະ ເປົ້າໝາຍສາມສ້າງໃຫ້ໄດ້ 110,2 ຕື້ກີບ, ຂະນະທີ່ ແຜນປ່ອຍ ສິນເຊື່ອໃນທ້າຍປີມີປະມານ 244 ຕື້ກວ່າ ກີບ, ໃນນັ້ນຢູ່ 68 ເມືອງທຸກຍາກ ປະມານ 180 ຕື້ກວ່າກີບ, 64 ຈຸດສຸມລັດຖະບານ 30 ຕື້ກວ່າກີບ ແລະ ເປົ້າໝາຍທົດລອງສາມ ສ້າງ 33 ຕື້ກວ່າກີບ, ເຊິ່ງສາເຫດ ທີ່ເຮັດໃຫ້ທະນາຄານ ຕ້ອງມີມາດຕະການ ແລະ ກຳນົດຕົວເລກ ເກັບໜີ້ຂອງຕົນສູງໃນໄລຍະເວ ລາອັນຈໍ້ນັ້ນ, ກໍເນື່ອງຈາກວ່າ ບັນຫາໜີ້ສີນ ແລະ ສະພາບດອກ ເບ້ຍຂອງລູກຄ້າມີ ລັກສະນະເພີ່ມຂຶ້ນຫລາຍຍ້ອນປະຊາຊົນຫລາຍບ້ານ, ຫລາຍຄອບຄົວທີ່ໄດ້ກູ້ຢືມ ເງິນແມ່ນບໍ່ໃຫ້ການຮ່ວມມື ແລະ ບໍ່ມີຄວາມຈິງ ໃຈໃນການຊຳລະໜີ້, ໂຄງການຜະລິດສີນຄ້າຈຳ ນວນໜຶ່ງທີ່ທະນາຄານ ລົງທຶນກໍບໍ່ມີປະສິດທິຜົນ, ເນື່ອງຈາກ ການນຳໃຊ້ເງີນກູ້ບໍ່ ຖືກເປົ້າໝາຍ, ໂດຍສະເພາະໂຄງການທີ່ຢູ່ນອກເມືອງເປົ້າໝາຍ. ຊຶ່ງບັນຫາດັ່ງກ່າວໄດ້ກາຍເປັນຈຸດອ່ອນ ແລະ ຂໍ້ຄົງຄ້າງຂອງທະ ນາຄານມາໂດຍຕະຫລອດ ແລະ ອາດກາຍເປັນບັນຫາທີ່ຈະ

ຕ້ອງໃຊ້ເວລາດົນນານເພື່ອແກ້ໄຂ, ເນື່ອງຈາກປະຊາຊົນກໍຄືກະສິກອນ ທີ່ເປັນລູກຄ້າຂອງທະນາຄານສ່ວນຫລາຍແມ່ນ ຢູ່ເຂດທຸກຍາກຫ່າງໄກສອກຫລີກ ແລະ ອັນສຳຄັນແມ່ນກະສິກອນຈ ຳນວນບໍ່ ໜ້ອຍໄດ້ປະສົບກັບໄພທຳມະ ຊາດທຳລາຍ ຜົນລະປູກເປັນຈຳນວນຫລາຍໃນແຕ່ລະປີ, ນອກຈາກນີ້, ກະສິກອນບາງເຂດກໍຖືກ ນາຍທຶນຕົວະຕົ້ມ ແລະ ຕິດໜີ້ຄ່າຜົນ ລະປູກເປັນຈຳນວນ ຫລາຍດັ່ງກໍລະນີກະສິກອນປູກມັນຕົ້ນສະໜອງໃຫ້ໂຮງງານຜະລິດ ແປ້ງມັນຕົ້ນບໍລິສັດລາວ-ອິນໂດ ຊາຍນາຢູ່ເຂດຫລັກ 46, ເມືອງປາກງື່ມນະຄອນຫລວງວຽງຈັນທີ່ມີກະສິກອນຈຳນວນບໍ່ໜ້ອຍ ຍັງເປັນໜີ້ກັບທະນາຄານ ອນກູ້ຢືມທຶນມາປູກມັນຕົ້ນ.