ທ່ານ ແສງອາລຸນ ແສງອາພອນ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ ໄດ້ລາຍງານວ່າ: ເພື່ອປະຕິບັດຕາມກົດໝາຍວ່າດ້ວຍການປົກປ້ອງຜູ້ຊົມໃຊ້ ແລະ ຂໍ້ຕົກລົງຂອງ ທ່ານເຈົ້າແຂວງບໍລິຄຳໄຊ ວ່າດ້ວຍການແຕ່ງຕັ້ງຄະນະກຳມະການປົກປ້ອງຜູ້ຊົມໃຊ້ຂັ້ນແຂວງ. ໃນການປະຕິບັດວຽກງານລົງກວດກາສິນຄ້າຕົວຈິງຢູ່ຈຸດຕ່າງໆພາຍໃນເທສະບານເມືອງປາກຊັນ
ເປັນຕົ້ນ
ກວດກາສິນຄ້າປະເພດເຄື່ອງໃນສັດ, ອາຫານສົດ ແລະ ເຄື່ອງບໍລິໂພກເຊັ່ນ: ເຂົ້າໜົມ ນົມ ເຄື່ອງດື່ມປະເພດນ້ຳຫວານ ແລະ ອື່ນໆ ຈຸດຕະຫຼາດປາກຊັນອິນດູຈີນ ຕະຫຼາດປາກຊັນເກົ່າບ້ານໂພໄຊ ຫ້າງຮ້ານ ແລະ ຮ້ານຂາຍເຂົ້າໜົມຕາມໂຮງຮຽນອະນຸບານຕ່າງໆ. ຜ່ານການລົງກວດກາຂອງເຈົ້າຫນ້າທີ່ໄດ້ພົບເຫັນສິນຄ້າທີ່ໝົດອາຍຸ-ເສຍຄຸນຈຳນວນຫຼາຍລາຍການ ລວມມູນຄ່າຫລາຍລ້ານກີບ. ໃນນັ້ນມີປະເພດເຄື່ອງດື່ມ
ເຂົ້າໜົມ ແລະ ປາມຶກສົດໄດ້ພົບສານເຄມີເຈື່ອປົນຈຶ່ງໄດ້ຢືດໄປທຳລາຍຕາມລະບຽບການ ພ້ອມທັງໄດ້ສຶກສາອົບຮົມຜູ້ປະກອບການໃຫ້ຮັບຮູ້ ແລະ ເຂົ້າໃຈເຖິງລະບຽບກົດໝາຍ, ບັນດານິຕິກຳທີ່ກ່ຽວຂ້ອງ ແລະ ຜົນຮ້າຍຂອງການຈຳໜ່າຍສິນຄ້າທີ່ໝົດອາຍຸດັ່ງກ່າວ
ຊຶ່ງນອກຈາກເປັນການເອົາປຽບຜູ້ບໍລິໂພກແລ້ວ ຍັງເປັນການທຳລາຍສຸຂະພາບຂອງຜູ້ຊົມໃຊ້ນຳອີກ,
ພ້ອມທັງເຮັດບົດບັນທຶກໄວ້ເປັນຫຼັກຖານ, ຖ້າກວດພົບຄັ້ງຕໍ່ໄປຈະປະຕິບັດຕາມລະບຽບ ແລະ ມາດຕະການເຂັ້ມງວດກວ່າເກົ່າ.
No comments:
Post a Comment