ເປີດສູນຮຽນຮູ້ວັດທະນະທໍາຍີ່ປຸ່ນ

           ວັນທີ 11 ພະຈິກຜ່ານມານີ້, ຢູ່ຮ້ານອາຫານ ໂອຕະຟູກຸ ນະຄອນຫລວງວຽງຈັ ໄດ້ມີພິທີເປີດສູນການຮຽນຮູ້ວັດທະນະທໍາຍີ່ປຸ່ນ, ໂດຍການເຂົ້າຮ່ວມຂອງທ່ານ ສົມສະໜຸກ ມີໄຊ ຮອງປະທານສະ ມາຄົມນັກຂ່າວແຫ່ງ ສປປ ລາວ, ທ່ານນາງ ຊາຊິໂກະ ໂຕມິນະກະ ຫົວໜ້າສູນດັ່ງ ກ່າວ ແລະ ທັງເປັນເຈົ້າຂອງຮ້ານອາຫານ ໂອຕາຟູກຸ, ພ້ອມດ້ວຍສື່ມວນຊົນພາກສ່ວນຕ່າງໆເຂົ້າຮ່ວມຢ່າງພ້ອມ ພຽງ.

          ເຈົ້າຂອງຮ້ານອາຫານ ໂອຕະຟູກຸ ກ່າວວ່າ: ຕົນເອງໄດ້ດໍາລົງຊີວິດຢູ່ລາວ ເປັນ ເວລາ 20 ກວ່າປີແລ້ວ ແລະ ເປີດຮ້ານອາຫານຍີ່ປຸ່ນມາໄດ້ປະມານ 1 ປີແລ້ວ, ພ້ອມທັງເປີດສອນວິທີການປຸ່ງແຕ່ງອາຫານ

ຍີ່ປຸ່ນ, ຕັດຫຍິບເສື້ອຜ້າ, ເສີມຄວາມງາມ ແລະ ສອນວິທີຕົກແຕ່ງເຄື່ອງເຟີນີເຈີໄປພ້ອມ, ເຊິ່ງປີຜ່ານມາ, ມີຜູ້ປະສົບຜົນສໍາເລັດໃນດ້ານດັ່ງກ່າວມາແລ້ວປະມານ 400 ກວ່າຄົນ, ໃນນັ້ນ ຈຳ ນວນໜຶ່ງແມ່ນໄປເປີດຮ້ານເປັນຂອງຕົນເອງ, ໂດຍສະເພາະແມ່ນດ້ານການເສີມຄວາມງາມ, ສຳລັບພະນັກງານທີ່ມາເຮັດວຽກ ຫຼື ມາສຶກສາຮຽນຮູ້ຢູ່ຮ້ານພວກເຮົາລ້ວນແຕ່ແມ່ນຄົນທີ່ມີຄວາມມັກຮັກໃນວຽກຕ່າງໆ, ຊຶ່ງທາງສູນຂອງພວກເຮົາໄດ້ສິດສອນໃຫ້ແບບບໍ່ເສຍຄ່າ ແລະ ຍັງບໍ່ມີເງິນຕອບແທນໃດໆເລີຍ, ສະນັ້ນ, ຕົນຈຶ່ງຄິດວ່າ ຖ້າເປີດເປັນສູນວັດທະນະທໍາລາວ-ຍີ່ປຸ່ນ, ເພື່ອເປີດກວ້າງໃຫ້ສັງຄົມລາວເຂົ້າມາສຶກສາຮຽນຮູ້ຍິ່ງເປັນການດີ ເຊິ່ງສູນພວກເຮົາໃຫ້ບໍລິການສອນອາຫານລາວ-ຍີ່ປຸ່ນເປັນຕົ້ນ ໂຊບະເຢັນ ກະສຶດົງ (ເຂົ້າລາດໜ້າ), ກະຫລີ່ຍີ່ປຸ່ນ ແລະ ໝີ່ເຫຼືອງ; ອາຫານລາວ ປະ ກອບ ມີ: ຜັດປາ, ໄກ່ ໃສ່ກະເພົາ, ທອດເອັນໄກ່, ປາໜຶ້ງໝາກໜາວ, ລາບ, ເຂົ້າໜຽວ ແລະ ອາຫານອີກຫຼາຍລາຍການ, ການຊົງຊາ ແລະ ການແຕ່ງກາຍຊຸດ ກິໂມໂນະ ທີ່ແຕ່ງແບບຊຸດລາວດ່ັງເດີມ ແລະ ຍັງມີຄອນເສີດ ເຊັ່ນ: ເພງລາວ, ອາຫານລາວ-ຍີ່ປຸ່ນ ແລະ ບໍລິການອື່ນໆນໍາອີກ.

          ທ້າຍນີ້, ທ່ານນາງ ຊາຊິໂກະ ຍັງໄດ້ເຊີນຊວນໃຫ້ຊາວຫນຸ່ມລາວທີ່ສົນໃຈຢາກຈະມາສຶກສາ ແລະ ຮຽນຮູ້ໃນດ້ານນີ້ກໍສາມາດມາຖາມໄດ້ທີ່ບ້ານອານຸ ເມືອງຈັນທະບູລີ ນະຄອນຫຼວງວຽງຈັນ.