ບັນຫາດັ່ງກ່າວໄດ້ມີການເປີດເຜີຍຢູ່ກອງປະຊຸມໄປສະນີທົ່ວປະເທດໃນລະຫວ່າງວັນທີ
6-8 ກຸມພາ ຢູ່ສຳນັກງານໃຫຍ່ໄປສະນີລາວ ຢູ່ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ
ທັນສະໄໝ ກົມມະສິດ ລັດຖະມົນຕີຊ່ວຍວ່າການກະ ຊວງໄປສະນີ, ໂທລະຄົມມະນາຄົມ ແລະ
ການສື່ສານ, ທ່ານ ກ້ຽງ ຄຳເກດ ຜູ້ອຳນວຍ ການໃຫຍ່ໄປສະນີລາວ ແລະ ຕົວແທນໄປສະນີທົ່ວປະເທດເຂົ້າ
ຮ່ວມຢ່າງພ້ອມພຽງ.
ອຳນວຍການໃຫຍ່ໄປສະນີລາວ ກ່າວວ່າ: ນັບແຕ່ປີ
2013 ເປັນຕົ້ນໄປ,ການບໍລິການຂອງໄປສະນີລາວຈະໄດ້ມີການປັບປຸງຍົກລະດັບຄຸນນະພາບໃຫ້ມີຄວາມທັນສະໄໝ,
ສະດວກ ແລະ ມີຮູບແບບຫລາກຫລາຍກວ່າເກົ່າ ເປັນຕົ້ນຈະຈັດຊື້ພາຫະນະ, ອຸປະ ກອນຮັບໃຊ້
ແລະ ການຂະຫຍາຍຫ້ອງການໄປສະນີໄປສູ່ບັນດາເມືອງທີ່ເປັນເຂດຊຸມຊົນ,ເຂດທຸລະກິດ-ການຄ້າໃຫ້
ຫລາຍຂຶ້ນ
ເພື່ອຕອບສະໜອງຄວາມຕ້ອງ ການຂອງສັງຄົມ ໂດຍສະເພາະການຕິດຕັ້ງອຸປະກອນໄອທີນຳໃຊ້ເຂົ້າໃນວຽກງານບໍລິການມັງດາອອນໄລພາຍໃນປະເທດໃຫ້ບັນ
ດາໄປສະນີເມືອງທີ່ຍັງບໍ່ທັນມີລະບົບດັ່ງກ່າວໃຫ້ໄດ້ຢ່າງໜ້ອຍ 30 ຈຸດ, ຕິດຕັ້ງລະບົບປ່ອງບໍລິ
ການໄປສະນີແບບອັດຕະໂນມັດໃຫ້ສຳເລັດ 128 ແຫ່ງທົ່ວປະເທດ ແລະ ປ່ຽນແປງລະບົບໂອນເງິນຈາກໂປຣແກຣມເກົ່າໄປສູ່ລະບົບໃໝ່.
ນອກຈາກນີ້ ຈະສ້າງເອກະ ລັກສະເພາະຂອງໄປສະນີລາວ ໂດຍການປັບປຸງສະຖານບໍລິການໃຫ້ມີມາດຕະຖານດຽວກັນທົ່ວລະບົບເຊັ່ນ:
ອາຄານສຳນັກງານ, ຜະລິດເຄື່ອງແບບຂອງພະນັກ ງານໄປສະນີ ເພື່ອແນໃສ່ສ້າງມາດຕະຖານ
ແລະ ສ້າງຄວາມເຊື່ອໝັ້ນໃຫ້ລູກຄ້າ, ຜະລິດສະແຕມໄປສະນີເພື່ອກະກຽມເຂົ້າເປັນປະຊາຄົມເສດຖະ
ກິດອາຊຽນໃນປີ 2015, ສືບຕໍ່ສ້າງແຜນພັດທະນາການບໍລິການໄປສູ່ກຸ່ມທຸລະກິດຂະໜາດນ້ອຍ,
ຂະໜາດກາງໃຫ້ເພີ່ມຂຶ້ນ. ຂະນະດຽວກັນ ກໍເລັ່ງໂຄສະນາປະຊາສຳພັນຜ່ານສື່ມວນຊົນໃນຮູບແບບຕ່າງໆ
ເພື່ອໃຫ້ສັງຄົມໄດ້ຮັບຮູ້ ແລະ ຫັນມາຊົມໃຊ້ການບໍລິການຂອງໄປສະນີລາວໃຫ້ຫລາຍກວ່າເກົ່າ.
ອຳນວຍການໃຫຍ່ ໃຫ້ຮູ້ອີກວ່າ: ປັດຈຸບັນ,ໄປສະນີລາວດຳເນີນທຸລະກິດບໍລິການ
ມີຄືກຸ່ມບໍລິການດ້ານສື່ສານປະກອບມີ ບໍລິການຈັດສົ່ງເອກະສານຂໍ້ມູນຂ່າວສານເຖິງມືຜູ້ຮັບເຊັ່ນ:
ຈົດ ໝາຍ, ໄປສະນີບັດ, ສິ່ງພິມ ແລະ ເມດ່ວນ; ກຸ່ມບໍລິການຂາຍ ປະ ກອບມີການຈຳໜ່າຍຜະລິດຕະ
ພັນໄປສະນີ, ເປັນຕົວແທນຮັບຝາກສິ່ງຂອງ, ຂາຍສິນຄ້າ ແລະ ບໍລິການຕ່າງໆ; ກຸ່ມທີ
3 ບໍລິການການເງິນ ປະກອບມີບໍລິການຮັບຝາກເງິນ ແລະ ອຳນວຍຄວາມສະດວກດ້ານການໂອນເງິນໃຫ້ຜູ້ໃຊ້ບໍລິການເຊັ່ນ:
ບໍລິການມັງດາດ່ວນພາຍໃນປະເທດທາງອອນໄລ ແລະ ໂທລະສານ, ໂອນເງິນຜ່ານລະບົບເວສເຕິນ
ແລະ ຮັບຊຳລະເງິນຄ່າຕ່າງໆ ແລະ ກຸ່ມບໍລິການຂົນສົ່ງ ປະກອບມີບໍລິ ການຂົນສົ່ງສິນຄ້າ,
ພັດສະດຸໄປ ສະນີພາຍໃນປະເທດ ແລະ ລະ ຫວ່າງປະເທດ. ໃນສົກປີ 2011- 2012 ຜ່ານມາ
ມີຍອດລາຍຮັບ 36 ຕື້ກວ່າກີບ, ລາຍຈ່າຍປະມານ 37 ຕື້ກວ່າກີບ, ໃນນັ້ນ ປະຕິບັດພັນ
ທະເຂົ້າງົບປະມານລັດປະມານ 2,5 ຕື້ກວ່າກີບ.
No comments:
Post a Comment