ກາ​ແດງ​ຂໍ​ແຮງ​ສື່​ອອກ​ຄວາມ​ຄິດ​ສະໜັບສະໜູນ​ໂຄງການຫລຸດຜ່ອນ​ອຸປະຕິ​ເຫດ ຕາມ​ທ້ອງ​ຖະໜົນ

    ​ໃນ​ວັນ​ທີ 12 ກຸມພາ​ນີ້, ອົງການ​ກາ​ແດງ​ລາວ ​ໄດ້​ຈັດ​ປະຊຸມ​ຮ່ວມ​ກັບ​​ອົງການ​ສື່​ມວນ​ຊົນລາວເຊັ່ນ: ວິທະຍຸ, ໂທລະພາບ ​ແລະ ໜັງສື​ພິມຂຶ້ນຢູ່​ສຳນັກງານ​ຂອງ​ຕົນ ຢູ່ ບ້ານ​ຊຽງ​ຍືນ ​ເມືອງ​ຈັນທະ​ບູລີນະ ຄອນຫລວງ​ວຽງ​ຈັນ ​ເພື່ອ​ລະ ດົມ​ແນວ​ຄິດ​ກ່ຽວ​ກັບ​ຊ່ອງທາງ​ຫລຸດຜ່ອນບັນຫາອຸປະຕິເຫດຕາມທ້ອງຖະໜົນເພື່ອກຽມຄົ້ນ ຄວ້າ ໃສ່ແຜນການຈັດຕັ້ງປະຕິບັດໃນຮອບໃໝ່ ຫລັງການປະຕິບັດໂຄງການລະດົມ ອາສາສະໝັກຊາວໜຸ່ມ ກາແດງເຂົ້າໃນການປ້ອງກັນອຸປະຕິເຫດຕາມທ້ອງຖະໜົນ ແລະ ການສົ່ງເສີມພະຍາບານທີ່ໄດ້ຮັບການສະ ໜັບສະໜູນຈາກສະຖານທູດຝຣັ່ງປະຈຳລາວພວມຈະໝົດວາລະລົງໃນກາງປີ 2013 ນີ້.

         ທ່ານ ພອນຄຳ ​ແກ້ວ​ວິ​ໄລ ຮອງຫົວໜ້າກອງໂຄສະນາອົງ ການກາແດງລາວໄດ້ສະເໜີ ໂດຍຫຍໍ້ກ່ຽວ ກັບປະຫວັດ ຄວາມເປັນມາຂອງອົງການກາແດງສາ ກົນ ເຊິ່ງກໍ່ຕັ້ງຂຶ້ນໃນປີ 1863 ໂດຍ ທ່ານ ອັງຣີ ດູນັງເຊີ ເປັນນັກທຸລະ ກິດຄົນສະວິດ ລວມໄປເຖິງການ ສ້າງຕັ້ງສະຫະພັນກາແດງ ແລະ ຊີກວົງ ເດືອນແດງໃນຊຸມປີ 1919 ແລະ ຄວາມເປັນມາຂອງອົງການ ກາແດງລາວ ນັບແຕ່ມື້ສ້າງຕັ້ງ ໃນປີ 1955 ມາເຖິງປັດຈຸບັນ.

    ຈາກນັ້ນ, ທ່ານ ພອນຄຳ ຈຶ່ງໄດ້ອະທິບາຍກ່ຽວກັບໂຄງການລະດົມອາສາສະໝັກຊາວ ໜຸ່ມກາ ແດງເຂົ້າ ໃນການປ້ອງກັນອຸປະຕິເຫດຕາມທ້ອງຖະໜົນ ແລະ ສົ່ງເສີມພະຍາບານ ເຊິ່ງໂຄງການ ດັ່ງກ່າວ ໄດ້ເລີ່ມຈັດຕັ້ງ ປະຕິບັດມາແຕ່ຕົ້ນເດືອນຕຸລາ 2011 ແລະ ຈະໝົດອາຍຸການປະຕິບັດໃນ ກາງປີ 2013 ໂດຍໄດ້ຮັບ ທຶນສະ ໜັບສະໜູນຈາກສະຖານ ທູດຝຣັ່ງປະມານ 90 ພັນກວ່າໂດລາ ສະຫະລັດ ໃນນີ້,ອົງການກາ ແດງລາວປະ ກອບສ່ວນ 10% ເພື່ອສະໜັບສະໜູນການຈັດກິດຈະກຳນຳພາຊາວໜຸ່ມອາສາສະໝັກໃນໂຮງຮຽນມັດທະ ຍົມສົມບູນ 10 ແຫ່ງ ຢູ່ນະຄອນຫລວງວຽງຈັນ ຮຽນຮູ້ກ່ຽວກັບການ ຄສະນາຂໍ້ມູນຂ່າວສານ ແລະ ເຜີຍແຜ່ ວິທີປະຖົມພະຍາບານຂັ້ນພື້ນຖານ ເມື່ອພົບເຫັນຜູ້ທີ່ປະສົບ ອຸປະຕິເຫດຕາມທ້ອງຖະໜົນ ເຊິ່ງປັດຈຸບັນປະ ເທດລາວແມ່ນປະເທດໜຶ່ງ ໃນພາກພື້ນອາຊີທີ່ມີອັດ ຕາການເກີດອຸປະຕິເຫດຕາມ​ທ້ອງ​ຖະໜົນຫລາຍ.

        ແນວໃດກໍຕາມ, ຜູ້ຕາງໜ້າ ຈາກບັນດາອົງການສື່ມວນຊົນ ຕ່າງກໍມີຄຳເຫັນເປັນເອກະພາບ ກັນວ່າ: ໂຄງການດັ່ງກ່າວແມ່ນ ໂຄງການທີ່ດີຫລາຍ ເພາະເປັນ ການປຸກລະດົມໃຫ້ຊາວໜຸ່ມນັກ ຮຽນ-ນັກສຶກສາໄດ້ຮູ້ ແລະ ເຂົ້າ ໃຈຜົນກະທົບທີ່ເກີດຈາກອຸປະຕິ ເຫດຕາມທ້ອງຖະໜົນທີ່ກໍ່ໃຫ້ເກີດ ການສູນເສຍທັງຊີວິດ ແລະ ຊັບ ສິນ ແລະ ເຮັດໃຫ້ພວກເຂົາມີສະ ຕິສູງຂຶ້ນຕໍ່ການຂັບຂີ່ລົດ ໂດຍສະ ເພາະການໃສ່ໝວກກັນກະທົບໃນ ເວລາຂັບຂີ່ລົດຈັກ ແລະ ເຄົາລົບ ກົດລະບຽບການສັນຈອນ ເພີ່ມ ຂຶ້ນ. ແນວໃດກໍດີ ເພື່ອເຮັດໃຫ້ສະ ພາບອຸ ປະຕິເຫດຕາມທ້ອງຖະໜົນ ຫລຸດລົງເທື່ອລະກ້າວນັ້ນ, ສື່ມວນ ຊົນຫລາຍທ່ານສະເໜີວ່າ: ໃນຕໍ່ໜ້ານີ້, ຫລາຍພາກສ່ວນຄວນໄດ້ມີການປະສານສົມທົບກັນໃຫ້ຫລາຍກວ່າເກົ່າເພື່ອຊອກຫາວິ ທີການອັນໃໝ່ໆທີ່ ສາມາດສ້າງເປັນກິດຈະກຳ ແລະ ການ ໂຄສະນາເພື່ອໃຫ້ລົງເລິກສູ່ກຸ່ມເປົ້າໝາຍໄດ້ດີກວ່າເກົ່າ.