laophatthananewspaper: ກະແສຄ່ານິຍົມຮຽນເພື່ອເປັນນາຍຍັງຄອບງຳແນວຄິດນັກສຶກສາລາວ

ກະຊວງສຶກສາທິການ ແລະ ກິລາ ລະບຸວ່າ: ເຖິງວ່າພວກເຮົາໄດ້ມີຄວາມພະຍາຍາມພັດທະນາລະບົບການສຶກສາຂອງລາວຕາມແນວທາງນະໂຍບາຍຂອງພັກ ແລະ ການປ່ຽນແປງຕາມກະແສໂລກາພິວັດ ແລະ ກໍປະ ສົບຄວາມສຳເລັດຫລາຍປະການມາແລ້ວກໍຕາມ, ແຕ່ພວກເຮົາຍັງພົບກັບບັນ ຫາຈຳນວນໜຶ່ງທີ່ເປັນສິ່ງກີດ ຂວາງ, ກົດໜ່ວງການພັດທະນາປະເທດຊາດ ແລະ ພັດທະນາຊັບ ພະຍາກອນມະນຸດຕາມແນວທາງນະໂຍ ບາຍຂອງພັກ ແລະ ຕາມກະແສໂລກາພິວັດ.

ບັນຫາໃຫຍ່ໃນສັງຄົມເຮົາຕໍ່ການສຶກສາທຸກມື້ນີ້ແມ່ນກະແສແນວຄິດ-ຈິນຕະນາການຂອງຄົນບໍ່ມັກຮຽນວິຊາຊີບຊັ້ນຕົ້ນ, ຊັ້ນ ກາງ, ຊັ້ນສູງ; ແລ່ນນຳຄ່ານິຍົມທີ່ໃຝ່ຝັນຢາກຮຽນແຕ່ລະດັບປະລິນ ຍາຕີຢູ່ມະຫາວິທະ ຍາໄລ ແລະ ຢາກຮຽນແຕ່ຂະແໜງວິຊາທີ່ຕິດພັນກັບເສດຖະກິດໂດຍບໍ່ຄຳນຶງເຖິງຄວາມສາມາດ ແລະ ຜົນການຮຽນໃນຊັ້ນມັດທະຍົມຕອນປາຍຂອງຕົນເຊັ່ນ: ຕ້ອງການຮຽນແຕ່ວິຊາເສດຖະສາດ, ບໍລິ ຫານທຸລະກິດ, ບັນຊີການເງິນ, ການທະນາຄານເປັນສ່ວນຫລາຍ. ເຖິງວ່າກະຊວງສຶກສາທິການ ແລະ ກິລາ ໄດ້ມີຄວາມພະ ຍາຍາມກໍ່ສ້າງ ແລະ ຂະ ຫຍາຍໂຮງຮຽນວິຊາຊີບ, ວິທະ ຍາໄລເຕັກນິກຢູ່ບັນດາແຂວງເພື່ອຮອງຮັບຜູ້ທີ່ຮຽນຈົບສາຍສາມັນສຶກສາໄດ້ເຂົ້າຮຽນຕໍ່ວິຊາຊີບລະດັບຊັ້ນຕົ້ນ, ຊັ້ນກາງ, ຊັ້ນສູງໃຫ້ໄດ້ຫລາຍ

ຂຶ້ນ ເຊິ່ງແຕ່ ລະປີສະຖາບັນອາຊີວະສຶກສາເຫລົ່ານັ້ນສາມາດຮັບນັກຮຽນເຂົ້າຮຽນໄດ້ເຖິງ 16-17 ພັນຄົນ, ແຕ່ໃນພາກປະຕິບັດຕົວຈິງນັກ ຮຽນທີ່ຮຽນຈົບຊັ້ນມັດທະຍົມຕອນຕົ້ນ, ຕອນປາຍແລ້ວ ຊ້ຳພັດບໍ່ສົນໃຈໄປຮຽນວິຊາຊີບ ແລະ ພ້ອມນັ້ນ ຜູ້ເປັນພໍ່ເປັນແມ່ ແລະ ຜູ້ປົກຄອງນັກຮຽນເອງກໍບໍ່ສົ່ງເສີມໃຫ້ລູກຫລານຂອງຕົນໄປຮຽນວິຊາຊີບໃນລະດັບດັ່ງກ່າວ ຄືສົກ ຮຽນ 2011-2012 ຜ່ານມາ ມີຜູ້ສະໝັກມາຮຽນຢູ່ສະຖາບັນອາຊີ ວະສຶກສາຂອງລັດພຽງແຕ່ 8 ພັນກວ່າຄົນ ຫລື ປະມານ 50% ຂອງຄວາມອາດສາມາດຮອງຮັບເທົ່ານັ້ນ. ແຕ່ໃນຂະນະນັ້ນ ມີຜູ້ສະໝັກເຂົ້າຮຽນຢູ່ມະຫາວິທະຍາໄລ ຫລາຍເຖິງເຖິງ 20 ພັນກວ່າ. ອັດ ຕາສ່ວນນັກສຶກສາທີ່ຮຽນຊັ້ນສູງ ແລະ ມະຫາວິທະຍາໄລມີເຖິງ 1.987 ຄົນ ຕໍ່ປະຊາກອນ 1 ແສນຄົນ. ສ່ວນອາຊີວະສຶກສາລະດັບຊັ້ນກາງມີພຽງແຕ່ 295 ຄົນ ຕໍ່ປະ ຊາກອນ 1 ແສນຄົນ. ອີກດ້ານໜຶ່ງ ຕາມການວິໄຈຂໍ້ມູນຂອງຊ່ຽວ ຊານຕ່າງປະເທດໃນການຕີລາຄາການປະຕິບັດແນວທາງປ່ຽນແປງໃໝ່ຂອງຂະແໜງການສຶກ ສາຢູ່ປະເທດເຮົາ ພົບວ່າ:ໂຄງປະ ກອບຂອງການກໍ່ສ້າງກຳລັງແຮງງານລາວແມ່ນນັກວິຊາການຊັ້ນສູງ 8 ຄົນ ຕໍ່ຊັ້ນກາງ 1 ຄົນ ແລະ ຊັ້ນຕົ້ນ 2 ຄົນ ເຊິ່ງປີ້ນກັນ ຫລື ກົງກັນຂ້າມກັບໂຄງປະກອບການກໍ່ສ້າງກຳລັງແຮງງານຂອງບັນດາປະເທດທີ່ພັດທະນາແລ້ວ ຄືນັກວິຊາການລະດັບຊັ້ນສູງ 1 ຄົນ ຕໍ່ຊັ້ນກາງ 3 ຄົນ ແລະ ຊັ້ນຕົ້ນ 10 ຄົນ. ບັນດາຂໍ້ມູນທີ່ກ່າວມາຂ້າງເທິງນັ້ນສະແດງວ່າ: ປັດຈຸ ບັນນີ້,ກະແສແນວຄິດທີ່ພົ້ນເດັ່ນຂອງຄົນລາວແມ່ນມີຄ່ານິຍົມແລ່ນນຳແຕ່ກະແສຄວາມຮູ້ສຶກດັ້ງເດີມ, ແລ່ນນຳແຕ່ໃບປະກາ ສະນີຍະບັດ, ຄ່ານິຍົມປອມແປງຄວາມຮູ້, ຢາກຮຽນແຕ່ວິຊາທີ່ຕົນຄິດວ່າມີຜົນປະໂຫຍດສູງຕໍ່ຕົນເອງເທົ່ານັ້ນ ໂດຍບໍ່ຄຳນຶງເຖິງລະດັບຄວາມສາມາດຂອງຕົນ. ດ້ວຍເຫດນີ້ ຢູ່ລາວເຮົາປັດຈຸບັນ ຈຶ່ງມີສະພາບຂາດເຂີນກຳລັງແຮງງານທີ່ມີສີມືດີ, ຈຳນວນນັກ ວິຊາການທີ່ເຮັດວຽກຢູ່ແຕ່ລະຂະແໜງການ ແລະ ຢູ່ແຕ່ລະຂັ້ນມີສະພາບເຫລືອບໍ່ພໍ, ຂາດພະນັກ ງານວິຊາການທີ່ມີຄວາມສາມາດໃນການນຳພາເຮັດ, ນຳພາສ້າງ, ນຳພາປະຕິບັດຕົວຈິງ, ແຕ່ໃນຂະນະນັ້ນຜູ້ທີ່ຮຽນຈົບປະລິນຍາຕີໃນບາງວິຊາຊ້ຳພັດບໍ່ມີວຽກເຮັດງານທຳເປັນຈຳນວນຫລາຍສົມ ຄວນ ຖ້າກະແສແນວຄິດຍັງຄົງຢູ່ໃນສັງຄົມຕໍ່ການພັດທະນາປະເທດ.