ເຝິກອົບຮົມກ່ຽວກັບການປ້ອງກັນການລ່ວງລະເມີດ ແລະ ຂູດຮີດທາງເພດຂອງເດັກ

     ໃນວັນທີ 12 ກຸມພານີ້ ຢູ່ໂຮງ ຮຽນເຕັກນິກວິຊາຊີບແຂວງຄຳມ່ວນ, ອົງການສຸພານິມິດປະຈຳລາວ ໄດ້ຈັດເຝິກອົບຮົມ ກ່ຽວກັບ ການປ້ອງກັນເດັກຈາກການລ່ວງ ລະເມີດ ແລະ ຂູດຮີດທາງເພດໃນ ການທ່ອງ ທ່ຽວ ໂດຍການເປັນ ກຽດເຂົ້າຮ່ວມ ຂອງທ່ານ ແກ້ວ ລະຄອນ ວໍລະສານ ຮອງຫົວໜ້າຫ້ອງການພັດທະນາ ຊົນນະບົດ ແລະ ລຶບລ້າງຄວາມທຸກຍາກຂັ້ນແຂວງ, ພະນັກງານ-ວິຊາການຈາກອົງການສຸພານິມິດລາວຂັ້ນ ສູນກາງ, ຂັ້ນແຂວງ ແລະ ພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ.

     ໂຄງການປ້ອງກັນການລ່ວງ ລະເມີດ ແລະ ຂູດຮີດທາງເພດ ຂອງເດັກໃນການທ່ອງທ່ຽວ ແລະ ການເດີນ ທາງ (ໂຄງການ ໄວເດັກ-ເສົາຄ້ຳປ້ອງກັນ) ແມ່ນ ໂຄງການໜຶ່ງຂອງອົງການພັດທະນາສາກົນແຫ່ງປະເທດອົດ ສະ ຕຣາລີ ເພື່ອຕ້ານການລ່ວງລະ ເມີດຢູ່ຂົງເຂດລຸ່ມແມ່ນ້ຳຂອງ ເຊິ່ງມີປະເທດກຳປູເຈຍ, ຫວຽດນາມ, ລາວ ແລະ ປະເທດໄທ. ໂຄງການດັ່ງກ່າວໄດ້ສ້າງຕັ້ງຂຶ້ນ ເພື່ອສະໜັບສະໜູນແຜນງານ ການປົກປ້ອງ ແລະ ການ ປ້ອງກັນເດັກຈາກການລ່ວງລະເມີດ. ຈຸດປະສົງໃນການເຝິກອົບຮົມ

ເທື່ອນີ້ກໍເພື່ອນຳສະເໜີໂຄງການໄວເດັກ-ເສົາຄ້ຳປ້ອງກັນໃຫ້ແກ່ທີມງານທີ່ກ່ຽວຂ້ອງຂັ້ນແຂວງ, ເມືອງເປົ້າໝາຍ, ສະເໜີບົດບັນ ທຶກຄວາມເຂົ້າໃຈສະ ບັບຮ່າງເພື່ອໃຫ້ທີມງານໄດ້ປະກອບຄຳ ຄິດເຫັນໃຫ້ເປັນສະບັບສົມບູນ, ປູກຈິດສຳນຶກ ແລະ ເພີ່ມ ຄວາມຮັບຮູ້ກ່ຽວກັບການປ້ອງກັນການ ລ່ວງລະເມີດ ແລະ ການຂູດຮີດ ທາງເພດ, ສົ່ງເສີມການທ່ອງທ່ຽວທີ່ປອດ ໄພສຳ ລັບເດັກໃນ ການທ່ອງທ່ຽວ ແລະ ການເດີນທາງ. ນອກຈາກນີ້ ຜູ້ເຂົ້າຮ່ວມອງປະຊຸມຍັງໄດ້ວາງແຜນດຳ ເນີນກິດຈະ ກຳໂຄງການໄລຍະຍາວຮ່ວມກັນຕື່ມອີກ.