ພາສີຄຳມ່ວນຍຶດໄມ້ເຖື່ອນມູນຄ່າຫລາຍຮ້ອຍລ້ານກີບ

            ໃນ 6 ເດືອນຕົ້ນປີ 2013 ນີ້,ໜ່ວຍງານພາສີເຄື່ອນທີ່ ແຂວງ ຄຳມ່ວນ ໄດ້ສົມທົບກັບເຈົ້າໜ້າທີ່ພາກສ່ວນກ່ຽວຂ້ອງເຄື່ອນໄຫວສະກັດກັ້ນການລັກ ລອບສິນ ຄ້າໜີພາສີ ໂດຍສະເພາະ ໄມ້ຕ້ອງ ຫ້າມປະເພດກິ່ງ,ງ່າໄມ້ຂະຍຸງ 12.000 ກິໂລ ມູນ ຄ່າ 200 ລ້ານ ກີບ, ໄມ້ຄຳພີ 2,6 ແມັດ ກ້ອນມູນ ຄ່າ 5.000.000 ກີບ ແລະ ໄມ້ດູ່ (ຕັບ) ຈໍານວນ 4 ແມັດກ້ອນ, ມູນ ຄ່າ 33 ລ້ານ ກວ່າກີບ.           

          ຕາມການລາຍງານຂອງ ຄະນະຮັບຜິດຊອບໜ່ວຍງານຕ້ານ ແລະ ສະກັດ ກັ້ນການລັກລອບສິນຄ້າໜີພາສີປະຈໍາ ແຂວງຄໍາມ່ວນໃນອາທິດຜ່ານມາວ່າ: ໃນ 6 ເດືອນຕົ້ນປີນີ້, ໜ່ວຍງານ ຂອງຕົນໄດ້ ເຄື່ອນໄຫວກວດກາການລັກລອບຄ້າຂາຍ ໄມ້ເຖື່ອນ ເຊິ່ງມີການເຄື່ອນຍ້າຍເພື່ອນໍາສົ່ງອອກໄປຕ່າງປະເທດໂດຍໃຊ້ວິທີ ການເຊື່ອງນໍາລົດໂດຍສານ, ລົດຂົນສົ່ງ ແລະ ລົດຕູ້ປະເພດຕ່າງໆ. ຜ່ານການກວດກາຕົວຈິງໄດ້ພົບ ໄມ້ຈໍານວນດັ່ງກ່າວ ແລະ ບໍ່ມີເອ ກະສານຫຍັງ. ດັ່ງນັ້ນ, ເຈົ້າ ໜ້າທີ່ ພາສີ ຈຶ່ງໄດ້ຢຶດໄມ້ໄວ້ເປັນຂອງກາງ ເພື່ອດໍາເນີນຄະດີຕາມລະບຽບກົດໝາຍ ແລະ ໄມ້ດັ່ງກ່າວ ໄດ້ຖືກຮິບເປັນຂອງລັດເຊິ່ງ ປັດຈຸບັນ, ຄະນະນຳແຂວງ ໄດ້ແຕ່ງຕັ້ງຄະນະກຳມະການເພື່ອຕີລາຄາປະມູນ ຂາຍໃນຂັ້ນຕໍ່ໄປ.