ອີຊູຊຸລາວ ບໍລິການ ມອບລາງວັນໃຫ້ກັບຜູ້ໂຊກດີ.

     ເມື່ອທ້າຍອາທິດຜ່ານມານີ້ ບໍລິສັດອີຊູຊຸລາວ ບໍລິການ ຈຳກັດຕັ້ງຢູ່ບ້ານນາເລົ່າ ເມືອງ ສີໂຄດຕະບອງ ນະຄອນ ຫຼວງວຽງຈັນ ໄດ້ມອບລົດຈັກຢາມາຮາ ຟີໂນ 1 ຄັນ ໃຫ້ກັບລູກຄ້າ ພາຍຫຼັງໄດ້ມີຈັບລາງວັນ ມອບໂຊກປະຈຳເດືອນ ທັນວາ 2013 ຜ່ານ ມາ ຊຶ່ງມອບໂດຍທ່ານ ວິຣະໄຊຄຳ ພິລາພັນເດດ ຜູ້ອຳນວຍການບໍລິສັດ ອີຊູຊຸລາວ ບໍລິການ ຈຳ ກັດ ແລະ ຜູ້ໄດ້ຮັບລາງວັນແມ່ນທ່ານ ສຸກສະຫງວນ ລາດຊະວົງ ຢູ່ບ້ານ ຫາຍ ໂສກ ເມືອງ ຈັນທະບູລີນະຄອນ ຫຼວງວຽງຈັນ.

         ທ່ານ ວິໄລສັກ ມີແກ້ວປະເສີດ ຜູ້ຈັດການຝ່າຍການຕະຫຼາດ ບໍລິສັດ ອີຊູຊຸລາວ ບໍລິການ ໃຫ້ຮູ້ວ່າ: ບໍລິສັດ ພວກເຮົາ ໄດ້ມີການຈັບລາງວັນມອບໂຊກ ໃນເດືອນກໍລະກົດ ປີ 2013 ຊຶ່ງເປັນການ ຄືນກຳໄລໃຫ້ກັບລູກຄ້າ ທີ່ຊື້ ລົດກັບບໍລິສັດ ແລະ

ຈະໄດ້ຮັບບັດຊີງໂຊກ 2 ໃບ ຊຶ່ງເປັນການຈັບລາງວັນ ປະຈຳເດືອນ ແລະ ລາງວັນປະຈຳປີ ຊຶ່ງ ເປັນໂຊກສອງຊັ້ນຂະນະດຽວ ກັນລາງວັນໃຫຍ່ກໍຄື ລົດອີຊູຊຸ ດີແມັກ 1 ຄັນ ຊຶ່ງຈະມີການຈັບລາງວັນໃນທ້າຍເດືອນ ມັງກອນ 2014 ນີ້ ໂດຍມູນຄ່າລາງວັນ ທີ່ຈະຈັບທັງໝົດຫຼາຍກວ່າ 300 ລ້ານກີບ.

       ທ່ານ ວິໄລສັກ ມີແກ້ວປະເສີດ ກ່າວວ່າ: ບໍລິສັດ ອີຊູຊຸລາວ ບໍລິການຈຳກັດ ໄດ້ເປັນຕົວແທນຈຳໜ່າຍລົດ ອີຊູຊຸ ທຸກປະ ເພດ ລວມທັງລົດກົນຈັກໜັກ ແລະ ລົດກະບະ ໂດຍສະເພາະແມ່ນລົດ ອີຊູຊຸ ດີແມັກ ຮຸ້ນໃໝ່ທີ່ ທາງບໍລິສັດໄດ້ນຳເຂົ້າມາ ຈຳໜ່າຍໃນລາວ ໃນປີ 2013 ຜ່ານມາ ແລະ ກໍມີຄວາມນິ ຍົມຈາກສັງຄົມ ກໍຄືລູກຄ້າທັງ ນະຄອນຫຼວງວຽງຈັນ ແລະ ຕ່າງ ແຂວງ, ປັດຈຸບັນເຫັນວ່າຍອດຂາຍລົດກໍ ມີຈຳນວນເພີ່ມຂື້ນ ແລະ ບໍລິສັດ ໄດ້ມີ ການສ້າງສູນໃຫ້ບໍລິການສ້ອມແປງ, ພ້ອມ ທັງການສະໜອງອາໄຫຼ່ຂອງແທ້ ແລະ ສູນຈຳໜ່າຍລົດຂື້ນຢູ່ ທີ່ບ້ານນາ ເລົ່າ ເມືອງສີໂຄດຕະບອງ ນະຄອນຫຼວງວຽງຈັນ ເພື່ອເປັນການອຳນວຍຄວາມສະດວກໃຫ້ແກ່ລູກຄ້າທຸກທ່ານທີ່ ມາໃຊ້ບໍລິການຂອງພວກເຮົາ.