6 ວຽກຈຸດສຸມ ໄອຍະການເລັ່ງປັບປຸງໃນປີ 2014 ເພື່ອສ້າງຜົນງານ ແລະ ໃຫ້ອົງການມີຄວາມເຂັ້ມແຂງ.

    ຈາກການຈັດກອງປະຊຸມວຽກງານໄອຍະການປະຊາຊົນທົ່ວປະເທດ ປະຈຳປີ 2012-2013 ໃນ ວັນທີ 8 ຫາ 9 ມັງກອນ ນີ້, ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນ ສູງສຸດ ໄດ້ເນັ້ນ ຢ້ຳ ໃຫ້ພະນັກງານໄອຍະ ການທຸກຂັ້ນໃຫ້ ຈັດຕັ້ງປະຕິບັດວຽກງານໃຫ້ດີກ່ວາເກົ່າດ້ວຍການແຂ່ງຂັນສ້າງຜົນງານຄຳຂັວນ 3 ມີ 4 ຮັບປະກັນ ແລະ ຄິດວ່າໃນສົກປີ 2013-2014 ຈະຍາດໄດ້ທຸງໄຊ, ໃບຍ້ອງຍໍພ້ອມທັງໄດ້ນາມມະຍົດໜ່ວຍພັກເຂັ້ມແຂງ-ຮູ້ນ ຳພາຮອບດ້ານຫຼາຍກວ່າ ເກົ່າເພື່ອເປັນຜົນງານຢັ້ງຢືນຄວາມສຳເລັດ.

      ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ໄດ້ມີຄວາມເຫັນຕໍ່ກອງປະຊຸມສະຫຼຸບວຽກງານໄອ ຍະການປະຊາຊົນທົ່ວປະເທດ ວ່າ: ໃນໜຶ່ງປີຜ່ານມາເຖີງວ່າສະພາບແວດລ້ອມ ທັງພາຍໃນ ແລະ ຕ່າງປະ ເທດ ໄດ້ສົ່ງ ຜົນກະທົບຕໍ່ວຽກງານໄອຍະການປະຊາຊົນຫຼາຍດ້ານທັງດ້ານຕັ້ງໜ້າກໍຄືດ້ານລົບຫຼາຍປະການກໍຕາມ, ແຕ່ພາຍໃຕ້ການຊີ້ຮຳ-ນຳພາຂອງຄະນະພັກອົງການປົກຄອງທຸກຂັ້ນ ໂດຍສະເພາະແມ່ນຄະນະພັກ-ຄະນະນຳອົງ ການໄອຍະການປະຊາຊົນ, ບັນ ດາທິດທາງໜ້າທີ່ແຕ່ ລະດ້ານ ແລະ ວຽກງານຈຸດສຸມທີ່ໄດ້ວາງອອກໃນສົກປີ 2012-2013 ຜ່ານມາ ສ່ວນໃຫຍ່ແມ່ນໄດ້ຖືກ

ຈັດຕັ້ງປະຕິບັດ ແລະ ຮັບຜົນສຳເລັດດ້ານວິຊາສະເພາະກໍຄືການພັດ ທະນາພື້ນຖານໂຄງລ່າງຈຳນວນໜຶ່ງ, ອົງການໄອຍະການ ປະຊາຊົນຂັ້ນທ້ອງຖິ່ນກໍໄດ້ຮັບການພັດທະນາເທື່ອລະກ້າວ ລວມທັງການສ້າງພະນັກງານໃຫ້ມີຄວາມຮູ້ຄວາມສາມາດ, ມີຄຸນ ທາດການເມືອງຊຶ່ງເຮັດໃຫ້ອົງການໄອຍະການປະ ຊາຊົນ ເປັນທີ່ໄວ້ໃຈຂອງພັກ-ລັດ ກໍຄື ປະຊາຊົນ. ແຕ່ແນວໃດ ກໍດີກອງ ປະຊຸມເທື່ອນີ້ ຍັງໄດ້ຍົກໃຫ້ເຫັນບັນດາຈຸດ ອ່ອນຄົງຄ້າງຈຳນວນໜຶ່ງຊຶ່ງພວກເຮົາຈະຕ້ອງໄດ້ປັບປຸງແກ້ໄຂ ໃນຕໍ່ໜ້າ ຢ່າງຈິງຈັງ ແລະ ດ້ວຍຄວາມຮັບຜິດຊອບສູງ ໂດຍສະເພາະຄວາມຮັບຜິດຊອບຕໍ່ໜ້າທີ່ວຽກງານຂອງພະນັກງານຈຳນວນໜຶ່ງບໍ່ທັນສູງເທົ່າ ທີ່ຄວນ, ຍັງມີພະນັກ ງານຈຳນວນໜຶ່ງຕິດພັນກັບບັນຫາຄວາມບໍ່ໂປ່ງໃສ ແລະ ຫາງສຽງຂອງປະຊາຊົນ, ການແກ້ໄຂບັນຫາດັ່ງ ກ່າວບາງ ບ່ອນບໍ່ທັນເດັດຂາດ ແລະ ເຂັ້ມງວດຕາມກົດໝາຍ, ກົນໄກປະສານສົມທົບລະຫວ່າງອົງການໄອຍະການ, ສານປະ ຊາຊົນ ແລະ ເຈົ້າໜ້າທີ່ສືບສວນ-ສອບສວນບາງບ່ອນບາງບ່ອນບໍ່ທັນໄດ້ຮັບການປັບປຸງເທົ່າທີ່ຄວນຈຶ່ງເກີດມີບັນ ຫາ ແລະ ປະກົດການຫຍໍ້ທໍ້ແກ່ການແກ້ໄຂຂະດີໃຫ້ມີຄວາມຖືກຕ້ອງຍຸຕິທຳ.

      ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນ ສູງສຸດ ກ່າວເນັ້ນໃນກອງປະຊຸມວ່າ: ເພື່ອເຮັດໃຫ້ອົງ ການໄອຍະການປະຊາຊົນ ໄດ້ມີຄວາມເຂັ້ມແຂງ ແລະ ເພື່ອເປັນບ່ອນອີງນຳໄປຈັດຕັ້ງ ຜັນຂະຫຍາຍເຂົ້າໃນທິດທາງ ໜ້າທີ່ ແລະ ຄາດໝາຍສູ້ຊົນ ໃນປີ 2014 ຕ້ອງໄດ້ເລັ່ງປັບປຸງຄື: ກ່ອນອື່ນ ໝົດຖືບັນຫາການເມືອງແນວຄິດ, ຄຸນ ສົມບັດ, ສິນທຳປະຕິວັດ, ຈັນຍາບັນ, ຈັນຍາທຳ, ຂະພະນັງການ ໄອຍະການຕ້ອໜັກແໜ້ນ, ມີທັດສະນະສູ້ຊົນຢ່າງ ຈະແຈ້ງດ້ວຍການເຊື່ອມຊືມກຳແໜ້ນແນວທາງ, ນະໂຍບາຍຂອງພັກ, ກົດໝາຍຂອງລັດ ກໍຄືມະຕິຄຳສັ່ງຕ່າງໆ, ຮູ້ ໝູນໃຊ້ເຂົ້າໃນການຈັດຕັ້ງຜັນຂະຫຍາຍແຜນພັດທະນາວຽກງານໄອຍະການປະຊາຊົນສົກປີ 2013-2014 ໃຫ້ໄດ້ ຮັບຜົນຕາມແຜນການ ພ້ອມ ທັງບຸກທະລຸທັງ 4 ດ້ານ ຕາມມະຕິກອງປະຊຸມໃຫຍ່ຄັ້ງທີ IX ຂອງພັກ. ສຸມໃສ່ປັບ ປຸງກົງຈັກການຈັດຕັ້ງ ແລະ ປະກອບບຸກຄະລາກອນໃຫ້ແກ່ອົງການໄອຍະການເຂດທົດລອງຈຸດສຸມຕາມທິດນຳ 3 ສ້າງ ໃຫ້ເຂັ້ມແຂງ ແລະ ມີຄຸນນະພາບ, ເພີ່ມທະວີຄວາມສາມາດນຳພາຂອງພະນັກງານຂັ້ນຕ່າງໆໃຫ້ສູງຂຶ້ນ, ເຊີດ ຊູຄວາມເປັນແບບຢ່າງນຳໜ້າຂອງສະມາຊິກພັກໃນການເຄື່ອນໄຫວປະຕິບັດໜ້າທີ່ວຽກງານ, ນຳ ພາໃນທຸກຂົງເຂດ, ປັບປຸງແຜນວິທີເຮັດວຽກຂອງຄະນະພັກ-ຄະນະນຳຂອງອົງການໄອຍະການແຕ່ລະຂັ້ນ ໃຫ້ມີປະສິດທິພາບບົນພື້ນ ຖານຫຼັກການລວມສູນປະຊາທິປະໄຕ, ນຳພາເປັນໝູ່ຄະນະ, ບຸກຄົນຮັບຜິດຊອບເຮັດຕາມມະຕາມກົດໝາຍ, ຊຶ່ງ ຕ້ອງໄດ້ເຄົາລົບ ແລະ ປະຕິບັດຢ່າງເຂັ້ມງວດ, ເພີ່ມທະວີໃນ ການປະຕິບັດບັນດາໂຄງການລົງທຶນສົກປີ 2013-2014 ເປັນຕົ້ນການກໍ່ສ້າງພື້ນຖານໂຄງລ່າງ ແລະ ຈັດຊື້ໃຫ້ຖືກຕ້ອງຕາມດຳລັດ ແລະ ລະບຽບການໂດຍມູນຄ່າ, ມາດຖານຂອງບໍລິສັດ ໂດຍການຈັດປະ ມູນ ເພື່ອຄວາມໂປ່ງໃສ, ພ້ອມນັ້ນກໍຕ້ອງໄດ້ມີການຕິດຕາມກວດກາຄວາມ ຄືບໜ້າ ແລະ ຕິດຕາມກວດ ກາມາດຖານເຕັກນິກຂອງໂຄງການ ແລະການເພີ່ມທະວີປະສານສົມທົບກັບອົງການ ກ່ຽວຂ້ອງໃນຂົງເຂດຍຸຕິທຳ ກໍຄືອົງການປົກປ້ອງກົດໝາຍແຕ່ສູນກາງລົງຮອດທ້ອງຖິ່ນໃຫ້ແໜ້ນແຟ້ນຕ້ອງມີກົນ ໄກທີ່ຮັບປະກັນການປະຕິບັດໜ້າທີ່ຂອງແຕ່ລະຝ່າຍ, ຕິດຕາມກວດກາການປະຕິບັດກົດໝາຍໃຫ້ມີຄວາມສັກສິດ ແລະ ຍຸຕິທຳ.