ເຈົ້າໜ້າທີ່ອາວຸໂສສຶກສາອາ ຊຽນທົບທວນການຮ່ວມມືຜ່ານມາ

     ໃນວັນທີ 9 ກັນຍານີ້, ຢູ່ໂຮງ ແຮມດອນຈັນພາເລດ, ນະຄອນ ຫລວງວຽງຈັນ, ບັນດາເຈົ້າໜ້າ ທີ່ອາວຸໂສສຶກສາຈາກປະ ເທດສະມາຊິກອາຊຽນ, ໄດ້ຮ່ວມປຶກສາ ຫາລືກັນຫລາຍບັນຫາທີ່ນອນໃນກອບແຜນການຮ່ວມມືວຽກງານ ສຶກ ສາໃນໄລຍະ ຜ່ານມາ, ເຊິ່ງ ເປັນກອງປະຊຸມຄັ້ງທີ 9 ຂອງລະ ດັບເຈົ້າໜ້າທີ່ອາວຸໂສສຶກສາອາ ຊຽນ, ເພື່ອກະກຽມເນື້ອໃນສຳຄັນຕ່າງໆ ໃຫ້ແກ່ກອງປະຊຸມລັດຖະມົນຕີສຶກ ສາອາຊຽນຄັ້ງທີ 8 ທີ່ຈະໄຂຂຶ້ນເປັນທາງການໃນວັນທີ 11 ກັນຍານີ້, ຢູ່ນະຄອນຫຼວງ ວຽງຈັນ.

      ຮອງສາສະດາຈານ ດຣ ສີ ສະໝອນ ສິດທິລາດວົງສາ ຫົວ ໜ້າຫ້ອງການກະຊວງສຶກສາທິ ການ ແລະ ກິລາ, ທັງເປັນ ຫົວໜ້າກອງເລຂາເນື້ອໃນ ແລະ ປະ ສານງານຂອງລາວໃຫ້ແກ່ກອງປະຊຸມລັດຖະມົນຕີສຶກສາອາ ຊຽນຄັ້ງທີ 8 ກ່າວວ່າ: ກອງປະ ຊຸມເຈົ້າໜ້າທີ່ອາວຸໂສສຶກສາອາຊຽນຄັ້ງທີ 9 ນີ້, ໄດ້ລາຍງານ, ປືກສາຫາລື ແລະ ທົບທວນຄືນ ຜົນການຈັດຕັ້ງ ປະຕິບັດແຜນ ການຮ່ວມມືຂອງບັນດາປະເທດສະມາຊິກອາຊຽນ, ອາຊຽນ+3 ແລະ ອາຊຽນໃນກອບການ ຮ່ວມມືອີເອເອັສ (EAS) ແຕ່ 2011-2015 ວ່າມີດ້ານໃດແດ່ ຈັດຕັ້ງປະຕິບັດໄດ້ສຳເລັດ, ມີ ຂອດໃດຕ້ອງໄດ້ສືບຕໍ່ ແລະ ມີ ບັນຫາໃດຄ້າງຄາ

ເພື່ອຈະໄດ້ຮ່ວມກັນແກ້ໄຂ ໂດຍສະເພາະ ແມ່ນການແລກປ່ຽນບົດຮຽນ ວຽກງານສຶກສາ, ການພັດທະ ນາຊັບພະຍາກອນ ມະນຸດ, ການສະໜອງທຶນການສຶກສາລະ ຫວ່າງປະເທດ ແລະ ອື່ນໆ, ພ້ອມກັນຄົ້ນຄວ້າປຶກສາຫາລືກ່ຽວກັບການວາງວິໄສ ທັດຂອງການ ຮ່ວມມືດ້ານການສຶກສາໃນບັນ ດາປະເທດອາຊຽນນຳກັນແຕ່ປີ 2016 - 2020 ໂດຍຕົ້ນຕໍກໍແມ່ນ ການກຳ ນົດແຜນດຳເນີນງານ ແລະ ບັນຫາທີ່ຈະສືບຕໍ່ເອົາເຂົ້າ ໃນແຜນດຳເນີນງານຂອງວິໄສ ທັດດັ່ງກ່າວໃຫ້ປະກົດຜົນເປັນ ຈິງ, ນອກຈາກນີ້, ໄດ້ປືກສາຫາ ລືກອບການຮ່ວມມືກັບບັນດາປະເທດອາຊຽນບວກ+3 ແລະ ແຜນ ຮ່ວມມືຂອງບັນດາ ລັດຖະ ມົນຕີອາຊຽນໃນກອບອີເອເອັສ ເຊິ່ງມີ 5 ປະເທດເຂົ້າມາຮ່ວມຄື: ອົດສະ ຕາລີ, ອິນເດຍ, ນູແວນເຊລັງ, ລັດເຊຍ ແລະ ສະ ຫະລັດອາເມ ລິກາແລະຜົນຂອງກອງປະຊຸມ ເຈົ້າໜ້າທີ່ອາວຸໂສຄັ້ງນີ້, ແມ່ນຈະໄດ້ຮ່າງເປັນຖະແຫລງການຮ່ວມເພື່ອສະເໜີຕໍ່ ກອງປະຊຸມລັດຖະ ມົນຕີອາຊຽນຄັ້ງທີ 8.

    ກອງປະຊຸມເຈົ້າໜ້າທີ່ອາວຸໂສ ສຶກສາອາຊຽນຄັ້ງທີ 9 ນີ້, ຈັດ ຂຶ້ນເປັນເວລາ 1 ວັນ, ພາຍໃຕ້ ການເປັນປະທານຂອງທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີຊ່ວຍວ່າການກະ ຊວງສຶກສາທິການ ແລະ ກິລາ, ທັງເປັນຫົວໜ້າເຈົ້າໜ້າທີ່ອາວຸ ໂສສຶກສາອາຊຽນຂອງລາວ ແລະ ໃນວັນທີ 10 ກັນຍານີ້, ກໍ ຈະສືບຕໍ່ດຳເນີນກອງປະຊຸມເຈົ້າໜ້າທີ່ອາວຸໂສສຶກສາອາຊຽນ+3 (ສປ ຈີນ, ສ.ເກົາຫລີ ແລະ ຍີປຸ່ນ) ຄັ້ງທີ 5.