ລັດຖະບານ, ກໍຄືຄະນະກຳມະການປະສານງານລະດັບຊາດໂຄງການຜະລິດເຂົ້າ ແລະ ສັດ ເພື່ອຄ້ຳປະກັນສະ
ບຽງອາຫານ ແລະ ເປັນສີນຄ້າ,ໄດ້ກຳນົດ 12 ນະໂຍບາຍ ເພື່ອແກ້ໄຂຄວາມທຸກຍາກ ແລະ ຄວາມອຶດຫິວຂອງ
ປະເທດໃນຕໍ່ໜ້າໄວ້ຄື: 1 ນະໂຍບາຍດ້ານການພັດທະນາ ແລະ ຄຸ້ມຄອງທີ່ດິນກະສິກຳ ໂດຍເນັ້ນໃສ່ການສະຫງວນ
ທີ່ດິນນາໃນເຂດຊົນລະປະທານຫ້າມຫັນປ່ຽນໄປນຳໃຊ້ເພື່ອເປົ້າໝາຍອື່ນ, ຂຶ້ນທະບຽນທີ່ດິນນາໂດຍການອອກ
ໃບສຳມະໂນທີ່ດິນນາແບບບໍ່ເສຍຄ່າທຳນຽມ,ພ້ອມທັງກຳນົດເງື່ອນໄຂຜູ້ທີ່ຈະໄດ້ຮັບສຳມະໂນທີ່ດິນກະສິກຳ
ແລະ ຢັ້ງຢືນສິດນຳໃຊ້ທີ່ດິນ.2 ນະໂຍບາຍສົ່ງເສີມດ້ານການຜະລິດ ແລະ ປຸງແຕ່ງໂດຍເນັ້ນໃສ່ການປອດໜີ້
ແລະ ຕົ້ນທຶນຕໍ່ຜູ້ກໍ່ສ້າງໂຮງສີເຂົ້າ ແລະ ໂຮງງານປຸງແຕ່ງ ຫລື ໂຮງງານຝຸ່ນ-ປຸ໋ຍ.3
ນະໂຍບາຍດ້ານການເງິນ ແລະ ທະນາຄານ ແນໃສ່ເພື່ອເຮັດໃຫ້ຜູ້ຜະລິດ, ຜູ້ປຸງແຕ່ງ,
ຜູ້ປະກອບການ ລວມທັງຜູ້ສະໜອງປັດໄຈການຜະລິດໄດ້ເຂົ້າເຖິງແຫລ່ງທຶນທີ່ສົມເຫດສົມຜົນເພື່ອດຳເນີນການຜະລິດໃຫ້ມີປະສິດທິພາບ,
ປະສິດທິຜົນສູງເພື່ອແກ່ງແຍ້ງຕະ ຫລາດໄດ້ ແລະ ມີຄວາມຍືນຍົງ.4 ນະໂຍບາຍດ້ານກະສິກຳສະອາດ
ແນໃສ່ຊຸກຍູ້ສົ່ງເສີມຜູ້ຜະລິດໃຫ້ດຳເນີນການຜະລິດຕາມມາດຕະຖານກະສິກຳສະອາດ
ແລະ ໄປຕາມທິດພັດທະນາກະສິກຳຍືນຍົງຕິດພັນກັບການຮັກສາສິ່ງແວດລ້ອມ.5 ນະໂຍບາຍດ້ານພະລັງງານ
ແນໃສ່ເພື່ອໃຫ້ຜູ້
ຜະລິດ ແລະ ຜູ້ປະກອບການນຳໃຊ້ພະລັງງານຢ່າງປະຢັດມີຕົ້ນທຶນການຜະລິດຕ່ຳສາມາດແກ່ງແຍ້ງແຂ່ງຂັນໄດ້ໃນຕະຫລາດພາຍໃນກໍຄືພາກພື້ນ.6
ນະໂຍບາຍດ້ານການຕະຫລາດ, ລາຄາ ແລະ ການລົງທຶນ ແນໃສ່ເພື່ອພັດທະນາຕະຫລາດເຂົ້າໃຫ້ກວ້າງ
ແລະ ມີຄວາມໝັ້ນຄົງຮັບປະກັນການສະໜອງ ແລະ ຄວາມຕ້ອງການ,ສາມາດຮັກສາລາຄາທີ່ເໝາະສົມ.7
ນະໂຍບາຍດ້ານແຮງງານແນໃສ່ເພື່ອຮັບປະກັນຈຳນວນແຮງງານກະສິກຳໃຫ້ພຽງພໍ,ມີສີມືແຮງງານສູງ
ແລະ ຍົກຄຸນນະພາບຊີວິດໃຫ້ດີຂຶ້ນ ແນໃສ່ເຮັດໃຫ້ມີການພັດທະນາຊົນນະບົດແບບຍືນຍົງ.8
ນະໂຍບາຍທາງດ້ານຊັບສິນທາງປັນຍາ,ມາດຖານ ແລະ ວັດແທກ ແນໃສ່ເພື່ອເຮັດໃຫ້ສິນຄ້າເຂົ້າຂອງລາວມີການຈະເລີນເຕີບໃຫຍ່ສາມາດແຂ່ງຂັນກັບພາກພື້ນ
ແລະ ສາກົນ,ສ້າງຄວາມເຊື່ອໝັ້ນໃຫ້ແກ່ຜູ້ບໍລິໂພກ,ທັງເປັນການປົກປ້ອງສິດຂອງນິຕິບຸກຄົນ,
ປົກປ້ອງຜະລິດຕະພັນເຂົ້າຂອງ ສ ປປ ລາວ ແລະ ຫລີກເວັ້ນການປອມແປງເຄື່ອງໝາຍສິນຄ້າ.9
ນະໂຍບາຍຄົ້ນຄວ້າ ແລະ ສົ່ງເສີມດ້ານແນວພັນເຂົ້າ ແນໃສ່ເພື່ອຮັບປະກັນການສະໜອງແນວພັນເຂົ້າທີ່ມີຄຸນນະພາບ,ເໝາະສົມ
ແລະ ພຽງພໍໃຫ້ກັບຊາວນາຜູ້ຜະລິດໄດ້ນຳໃຊ້ຢ່າງທົ່ວເຖິງ,ທັນເວລາ ແລະ ມີສ່ວນແຮໄວ້
ສຳລັບໃນເວລາເກີດໄພທຳມະຊາດ.10 ນະໂຍບາຍດ້ານການຂົນສົ່ງແນໃສ່ເພື່ອອຳນວຍຄວາມສະດວກໃຫ້ແກ່ການຈໍລະຈອນສິນຄ້າເຂົ້າໃຫ້ມີຄວາມສະດວກ
ຮັບປະກັນທາງດ້ານຄວາມປອດໄພໃນການຂົນສົ່ງ.11 ນະໂຍບາຍພັດທະນາຊົນນະບົດ (ເຄຫາສະຖານ-ຜັງເມືອງ)
ແນໃສ່ເພື່ອວາງແຜນ-ຈັດສັນບ້ານເຮືອນຕາມທິດເຕົ້າໂຮມບ້ານນ້ອຍເປັນບ້ານໃຫຍ່
ແລະ ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ ຕິດພັນກັບການພັດທະນາກະສິກຳເປັນສິນຄ້າ
ແລະ ຄ້ຳປະກັນສະບຽງອາຫານແບບຍືນຍົງ ແລະ 12 ນະໂຍບາຍສົ່ງເສີມການລົງທຶນຂອງຕ່າງປະເທດ
ລັດສົ່ງເສີມໃຫ້ມີການລົງທຶນຕ່າງປະເທດເຂົ້າໃນການຜະລິດກະສິກຳ ແລະ ມີນະໂຍບາຍຕໍ່ກັບນັກລົງທຶນຕ່າງປະເທດທີ່ມາລົງທຶນໃສ່ການຜະລິດກະສິກຳໃນທຸກຂັ້ນຕອນຂອງຂະບວນຕ່ອງໂສ້ມູນຄ່າເພີ່ມ.
No comments:
Post a Comment