ໂຄງການໄຟຟ້າພະລັງງານຄວາມຮ້ອນຈາກຖ່ານຫີນ,
ທີ່ດຳເນີນການກໍ່ສ້າງມາແຕ່ປີ 2010 ຢູ່ເມືອງຫົງສາ ແຂວງໄຊຍະບູລີ, ໂດຍບໍລິສັດຜູ້ຮັບເໝົາທີ່ມີຄວາມຊ່ຽວຊານໃນການກໍ່ສ້າງໂຮງໄຟຟ້າ,
ໂດຍໃຊ້ເຕັກໂນໂລຊີທັນສະໄໝ ແລະ ເປັນທີ່ຍອມຮັບໃນລະດັບສາກົນ, ມາຮອດປັດຈຸບັນນີ້ມີຄວາມຄືບໜ້າປະມານ
93%. ເປັນໂຄງ ການໜຶ່ງທີ່ຢູ່ພາຍໃຕ້ການຮ່ວມມືເພື່ອພັດທະນາພະລັງງານໄຟຟ້າລະຫວ່າງ
ລາວ ແລະ ໄທ, ໃນນັ້ນໂດຍໃຊ້ຖ່ານຫີນເປັນເຊື້ອເພີງ, ລັດວິສະຫະກິດຖືຫຸ້ນລາວ
20%, ບໍລິສັດບ້ານປູພາວເວີຈຳກັດ 40% ແລະ ລາຊບູລີ ຜະລິດໄຟຟ້າຈຳກັດມະຫາຊົນ
40 % ເປັນຜູ້ຖືຫຸ້ນ. ມີມູນຄ່າການລົງທືນ 3.710 ລ້ານໂດລາສະຫະລັດ, ມີກຳລັງການຜະລິດລວມ
1.878 ເມກາວັດ. ຈະຈຳໜ່າຍໃຫ້ກັບລັດວິສາຫະກິດໄຟຟ້າລາວ ຈຳນວນ 100 ເມກາວັດ,
ການໄຟ ຟ້າຝ່າຍຜະລິດແຫ່ງປະເທດໄທ 1.473 ເມກາວັດ ເປັນເວລາ 25 ປີ ແຕ່ 2016-2041.
ທ່ານ
ຄົມເພັດ ແກ້ວພິລາ ພະນັກງານຝ່າຍປະຊາສຳພັນໃຫ້ຮູ້ວ່າ: ປັດຈຸບັນແມ່ນຍັງຕ້ອງການພະນັກງານເປັນຈຳນວນຫຼາຍ,
ໂດຍສະເພາະແມ່ນຄົນລາວທີ່ມີຄວາມຮູ້ ຄວາມສາມາດໃນການເຮັດວຽກໄດ້ດີ, ທັງນີ້,
ກໍເພື່ອຮັບປະກັນໃຫ້ທັນກັບການເດີນເຄື່ອງຜະລິດໄຟຟ້າໜ່ວຍທຳອິດໃນເດືອນມິຖຸນາ
ປີ 2015 ນີ້, ເຖິງແມ່ນວ່າປັດຈຸບັນມີແຮງງານລາວແລ້ວ 2.827 ຄົນ ແຕ່ຍັງບໍ່ພຽງພໍກັບຄວາມຕ້ອງການໃນການເຮັດວຽກຕົວຈິງເຊິ່ງໜ້າວຽກທີ່ພວມຈັດຕັ້ງປະຕິບັຢູ່ໂຄງການປະກອບມີການກໍ່ສ້າງໂຮງໄຟຟ້າ,
ວຽກງານກະກຽມລະບົບການຈັດການຂີ້ເທົ່າ ແລະ ຫຍິບຊຳ, ວຽກເປີດໜ້າດິນ ແລະ ຕິດຕັ້ງອຸປະກອນສຳລັບຂຸດຄົ້ນບໍ່ແຮ່,
ວຽກງານພື້ນຖານໂຄງລ່າງ ແລະ ວຽກງານພັດທະນາສັງຄົມ
No comments:
Post a Comment