ໃນປີ 2014 ໄດ້ມີເຫດຄາດຕະກຳເກີດຂຶ້ນເປັນຈຳນວນຫລາຍ
ອັນໄດ້ສົ່ງຜົນເຮັດໃຫ້ເກີດຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມຢູ່ປະເທດເຮົາເຊັ່ນ:
ໃນວັນທີ 10 ກັນຍາ 2014 ຄົນຮ້າຍໄດ້ໃຊ້ປືນຍິງທ້າວ ແກ້ວອຸດອນ ອາຍຸ 31 ປີ
ຢູ່ເສັ້ນທາງຕັດໃໝ່ໜອງບົວທອງ-ໜອງບຶກ ເມືອງສີໂຄດຕະບອງ ເສຍຊີວິດຄາທີ່, ຄະດີດັ່ງກ່າວຢູ່ໃນຂັ້ນຕອນສືບສວນ-ສອບສວນຂອງເຈົ້າໜ້າທີ່;
ໃນວັນທີ 14 ເມສາ 2014 ທ້າວ ສະຫວັດໄຊ ໄດ້ໃຊ້ປືນຍິງແຟນສາວ ນາງ ສຸດທິດາ ເສຍຊີວິດກ່ອນໃຊ້ປືນກະບອກດຽວກັນຍິງໂຕເອງຕາຍນຳ
ເຫດເກີດຢູ່ບ້ານດົງນາໂຊກໃຕ້ ເມືອງສີໂຄດຕະບອງ; ໃນວັນທີ 2 ກໍລະກົດ
2014 ເຫດຄາດຕະກຳທ້າວ ເພັດສະໝອນ ອາຍຸ 21 ປີ ເຊິ່ງຖືກຍິງດ້ວຍອາວຸດປືນເສຍຊີວິດຄາທີ່
ຢູ່ເຂດບ້ານໂພນສະຫວ່າງ ເມືອງຈັນທະບູລີ; ເຫດຄາດຕະກຳປຸ້ນເອົາຊັບຄອບຄົວພະນັກງານຍາມຕະຫລາດສວນມອນ
ເມືອງສີສັດຕະນາກ ໃນວັນທີ 27 ກໍລະກົດ 2014 ຄົນຮ້າຍໄດ້ໃຊ້ຂອງແຂງທຸບຕີນາງ
ມະນີວັນ ຈົນເສຍຊີວິດ, ສ່ວນຜົວ ແລະ ລູກສາວ 2 ຄົນ ຖືກທຸບຕີໄດ້ຮັບບາດເຈັບສາຫັດ,
ສ່ວນຄົນຮ້າຍຍັງຈັບບໍ່ທັນໄດ້; ໃນວັນທີ 13 ມັງກອນ 2014 ທ້າວ ພອນວິໄລ ອາຍຸ
51 ປີ ຢູ່ບ້ານໜອງແຫ້ວ ເມືອງຫາດຊາຍຟອງ ໄດ້ຄາດຕຳກຳນາງ ໝ້ວຍ ອາຍຸ 41 ປີ ຜູ້ເປັນເມຍ
ໂດຍການໃຊ້ຂອງມີຄົມແທງຈົນເສຍຊີວິດ ຍ້ອນເມົາຢາບ້າຢ່າງຮຸນແຮງແລ້ວເກີດປະສາດຫລອນ;
ຄາດຕະກຳເອົາຊັບຂອງນາງ ສີສະຫ່ຽມ ອາຍຸປະມານ 50 ປີ ຢູ່ເຂດບ້ານດ່ານຊ້າງ ເມືອງໄຊທານີ
ແລະ ຄົນຮ້າຍຖືກສານຕັດສິນຈຳຄຸກຕາມລະບຽບກົດໝາຍ;
ເຫດການໄວລຸ້ນໃຊ້ອາວຸດມີຄົມແທງກັນຕາຍ
ຢູ່ບ້ານດົງໂພສີ ເມືອງຫາດຊາຍຟອງ ໃນວັນທີ 10 ສິງຫາ 2014; ໃນວັນທີ 23 ເມສາ
2014 ທ້າວ ພຸດ ອາຍຸ 28 ປີ ໄດ້ໃຊ້ຂອງມີຄົມແທງນາງ ແສງດາວ ອາຍຸ 23 ປີ ເສຍຊີວິດ
ເຊິ່ງເປັນຜົວຂອງຜູ້ຕາຍ ຢູ່ບ້ານຫ້ວຍຫລ້າ ເມືອງສັງທອງ ຈາກນັ້ນກໍໄດ້ແທງຕົນເອງໄດ້ຮັບບາດເຈັບສາຫັດ
ຍ້ອນເມົາຢາບ້າ; ເຫດຄາດຕະກຳເອົາຊັບຂອງທ້າວ
ຊາຍ ອາຍຸ 13 ປີ ຢູ່ບ້ານຕາດທອງ ເມືອງສີໂຄດຕະບອງ ໂດຍການໃຊ້ເຊືອກຮັດຄໍຈົນເສຍຊີວິດຄາທີ່.
ຄົນຮ້າຍຊື່ທ້າວ ຈັນສະໝອນ ອາຍຸ 21 ປີ ຄົນບ້ານດຽວກັນ ແລະ ເຫດການໃນວັນທີ
19 ມີນາ 2014 ພົບສົບນິລະນາມນອນເສຍຊີວິດຢູ່ປ່າເລົ່າຫ່າງຈາກທາງ 450 ປີ ປະມານ
100 ແມັດ ເຂດບ້ານນາບຽນ ເມືອງໄຊເສດຖາ. ຄະດີດັ່ງກ່າວເຈົ້າໜ້າທີ່ພວມສືບສວນ-ສອບສວນຫາສາເຫດຂອງການຄາດຕະກຳ
ໂດຍຄະດີທີ່ກ່າວມາຂ້າງເທິງນັ້ນໄດ້ສ້າງຄວາມສະເທືອນຂວັນ ແລະ ເປັນປາກົດການຫຍໍ້ທໍ້ທາງສັງຄົມບໍ່ໜ້ອຍໃນໜຶ່ງປີຜ່ານມາ.
No comments:
Post a Comment