ໄດ້ຮັບຫຍັງຈາກການວາງແຜນຄອບຄົວ

ໃນກອງປະຊຸມຜີຍແຜ່ການວາງແຜນຄອບຄົວຢູ່ ສປປ ລາວ ເມື່ອບໍ່ດົນມານີ້, ອົງການສະຫະປະຊາຊາດກອງທຶນສຳລັບປະ ຊາດກອນເປີດ ເຜີຍໃຫ້ຮູ້ວ່າ: ໃນປະເທດກຳລັງພັດທະນາ, ລວມທັງລາວ, ແມ່ຍິງຍັງສືບຕໍ່ທຸກທໍ່ລະມານ ແລະ ເສຍຊີວິດ, ຍ້ອນເຂົ້າເຈົ້າບໍ່ສາມມາດເຂົ້າເຖິງ ການວາງແຜນຄອບຄົວ (ການຄຸມກຳເກີດ) ໃນເວລາທີ່ຕ້ອງການ, ເວລາຖືພາແຕ່ລະຄັ້ ງແມ່ນການເພີ່ມຄວາມສ່ຽງຂຶ້ນຫຼາຍເທົ່າຕໍ່ການເສຍຊີວິດ ຍ້ອນອາການສົນຕ່າງໆທີ່ເກີດຈາກການຖືພາ ແລະ ເກີດລູກ, ນອກຈາກການເສຍຊີວິດແລ້ວຍັງມີແມ່ຍິງຫຼາຍຄົນຕ້ອງທົນ ທຸກທລະມານ ຍ້ອນອາການເຈັບປ່ວຍ ແລະ ພິການຍ້ອນອາການ ສົນດັ່ງກ່າວ, ແຕ່ກົງກັນຂ້າມສາເຫດ ຂອງຄວາມສ່ຽງໃນການເຈັບເປັນ ແລະ ເສຍຊີວິດຈາກບັນ ຫານີ້ແມ່ນສາມາດປ້ອງກັນໄດ້, ຖ້າຫາກມີການວາງແຜນຄອບຄົວທີ່ດີ, ຊຶ່ງຈາກການສຶກສາໄດ້ ສະແດງໃຫ້ເຫັນວ່າ: ການວາງແຜນ ຄອບຄົວແມ່ນສາມາດຫຼຸດຜ່ອນການຖືພາທີ່ບໍ່ຕ້ອງການ, ປ້ອງກັນການເສຍຊີວິດຂອງແມ່, ຫຼີກເວັ້ນການເສຍຊີວິດຂອງເດັກນ້ອຍເກີດໃໝ່, ປ້ອງກັນອັນຕະ
ລາຍຕໍ່ສຸຂະພາບທີ່ກ່ຽວຂ້ອງກັບການຖືພາ, ລວມເຖິງການເອົາລູກອອກທີ່ບໍ່ ປອດໄພ, ປ້ອງກັນການ ຕິດເຊື້ອພະຍາດເຮັດໄອວີ (HIV ) ແລະ ໂລກຕິດຕໍ່ທາງເພດສຳພັນ ອື່ນໆ, ສ້າງຄວາມເຂັ້ມແຂງໃຫ້ ປະຊາຊົນ ແລະ ສົ່ງເສີມການສຶກສາ, ຫຼຸດຜ່ອນ ຄວາມທຸກຍາກ ແລະ ສົ່ງເສີມການຂະຫຍາຍຕົວ ທາງດ້ານເສດຖະກິດ ໂດຍປັບປຸງສະພາບຂອງຄອບຄົວ, ເພີ່ມຜະລິດຕະຜົນຂອງແມ່ຍິງ ແລະ ຫຼຸດຜ່ອນອັດຕາການຈະ ເລີນພັນ ແລະ ສິ່ງສຳຄັນແມ່ນແມ່ຍິງໄດ້ນຳໃຊ້ສິດດ້ານສຸຂະ ພາບຈະເລີນ ພັນແລະ ການສຶກສາ, ສິ່ງຕ່າງໆດັ່ງກ່າວລ້ວນແຕ່ແມ່ນຜົນທີ່ໄດ້ຮັບຈາກການວາງ ແຜນຄອບຄົວ, ນອກນັ້ນການວາງແຜນຄອບຄົວຍັງສົ່ງຜົນກະທົບດ້ານດີໃຫ້ແກ່ການພັດທະ ນາເສດຖະກິດ-ສັງຄົມ ຂອງປະເທດ ແລະ ບໍ່ພຽງແຕ່ໃຫ້ສິດແກ່ບຸກຄົນໃນການ ເລືອກວ່າຢາກມີລູກຫຼືບໍ່ ແລະ ເມື່ອໃດຈຶ່ງ ຢາກມີລູກ, ແຕ່ຍັງຊ່ວຍຫຼຸກຜ່ອນຄວາມທຸກຍາກ, ປັບປຸງສຸຂະພາບ ແລະ ສົ່ງເສີມຄວາມສະເໜີ ພາບລະຫວ່າງຍິງ-ຊາຍ, ໃຫ້ສິດອຳນາດການ ຕັດສິນໃຈແກ່ແມ່ຍິງນຳອີກ.