ໃນທົ່ວແຂວງໄດ້ຮັບການປັບປຸງຍົກສູງຂຶ້ນຢ່າງເດັ່ນຊັດ ແລະ ເຮັດໃຫ້ລາຍຮັບສະເລ່ຍຕໍ່ຫົວຄົນ ເພີ່ມຂຶ້ນຈາກ 852 ໂດລາສະຫະລັດ ມາເປັນ 1.400 ໂດລາສະຫະລັດ ຕໍ່ປີ, ມາເຖິງປັດຈຸບັນນີ້ ໄດ້ປະກາດເມືອງພົ້ນທຸກແລ້ວ 7 ເມືອງ, ອັດຕາສ່ວນຄອບຄົວທຸກຍາກໄດ້ຫລຸດລົງຈາກ 4.298 ຄອບຄົວ ເທົ່າກັບ 11% ໃນປີ 2010, ປັດຈຸບັນ ຍັງເຫລືອ 978 ຄອບຄົວ ເທົ່າກັບ 2,2% ຂອງຈຳນວນຄອບຄົວທັງໝົດໃນທົ່ວແຂວງ.
ນອກຈາກນີ້, ການຜະລິດສະບຽງອາຫານ, ການປູກພືດເປັນສິນຄ້າ ໂດຍສະເພາະການຜະລິດເຂົ້າ ໃນແຕ່ລະປີແມ່ນບໍ່ຫລຸດໜຶ່ງແສນໂຕນ, ສາມາດຄ້ຳປະກັນສະບຽງອາຫານພາຍໃນແຂວງ ແລະ ຍັງເປັນສິນຄ້າສົ່ງອອກໄດ້ຈຳນວນໜຶ່ງຄື: ເຂົ້າໄກ່ນ້ອຍ, ເຂົ້າຈ້າວຫອມ ແລະ ການປູກສາລີເປັນສິນຄ້າຄື: ປີ 2015 ຜ່ານມາ, ສາມາດດຶງດູດເອົານັກລົງທຶນຈາກ ສປ
ຈີນ ມາລົງທຶນສ້າງໂຮງງານປຸງແຕ່ງແປ້ງສາລີຄົບວົງຈອນ ໃນມູນຄ່າ 22 ລ້ານໂດລາສະຫະລັດ ແລະ ສາມາດສົ່ງຜົນຜະລິດສາລີ ໄປຍັງ ສສ ຫວຽດນາມ
ສະເລ່ຍປີໜຶ່ງບໍ່ຫລຸດ 150 ພັນໂຕນ, ພ້ອມນີ້ ຍັງໄດ້ມີການປູກເຂົ້າໄກ່ນ້ອຍ ໃນເນື້ອນທີ 13 ພັນກວ່າເຮັກຕາ, ຊຶ່ງສະເລ່ຍແຕ່ລະປີໃຫ້ຜົນຜະລິດບໍ່ຫລຸດ 50 ພັນໂຕນ, ໃນນັ້ນ ສາມາດສົ່ງອອກໄປຕ່າງປະເທດ 15 ພັນໂຕນແລ້ວ ແລະ ໄດ້ເຊັນສັນຍາສົ່ງໃຫ້ໂຮງງານເບຍລາວ ຈຳນວນ 400 ໂຕນຕໍ່ປີ, ນອກນີ້ ຍັງໄດ້ສຸມໃສ່ການຜະລິດເປັນສິນຄ້າໃຫ້ມີເຄື່ອງໝາຍການຄ້າ ແລະ ເອກກະລັກສະເພາະຂອງທ້ອງຖິ່ນເພື່ອສົ່ງອອກຕ່າງປະເທດ.
ທ່ານເຈົ້າແຂວງ ຍົກໃຫ້ເຫັນວ່າ: ໄປຄຽງຄູ່ກັບຜົນສຳເລັດດັ່ງກ່າວນັ້ນ, ໃນຕໍ່ໜ້ານີ້ແຂວງຊຽງຂວາງ ຍັງຈະໄດ້ເອົາໃຈໃສ່ປັບປຸງແກ້ໄຂຫລາຍບັນຫາຄື:
ນະໂຍບາຍຊຸກຍູ້ສົ່ງເສີມຍັງບໍ່ທັນເປັນລະບົບຕໍ່ເນື່ອງ, ງົບປະມານຍັງມີຈຳກັດ, ການສະໜອງປັດໄຈດ້ານຕ່າງໆບໍ່ທັນມີຫລາຍ, ຄວາມເປັນເຈົ້າການຂອງແຕ່ລະພາກສ່ວນ ເພື່ອຜັນຂະຫຍາຍເປັນອັນລະອຽດບໍ່ທັນຄົບຊຸດ, ການຈັດຕັ້ງກຸ່ມຍັງບໍ່ທັນແຂງແຮງ ແລະ ກວ້າງຂວາງ, ການເຄື່ອນໄຫວບໍ່ໄປຕາມພາລະບົດບາດ, ການຜະລິດຍັງມີລັກສະນະຄອງເດີມ, ບໍ່ທັນຕິດພັນກັບການປຸງແຕ່ງເປັນຜະລິດຕະພັນແບບຄົບວົງຈອນ ແລະ ການປະສານງານລະຫວ່າງບັນດາພະແນກການ ແລະ ເມືອງ, ມີບາງດ້ານຍັງບໍ່ທັນກົມກຽວ ແລະ ການຫັນເອົາພະນັກງານວິຊາການລົງຮາກຖານ ເພື່ອນຳພາປະຊາຊົນເຮັດຕົວຈິງບໍ່ທັນເປັນລະບົບຄົບຊຸດຕໍ່ເນື່ອງ, ມີຈຸດສຸມ, ການສ້າງພະນັກງານຜູ້ພາເຮັດພາທຳຕົວຈິງຢູ່ກັບທີ່ຍັງເຮັດໄດ້ໜ້ອຍ.
No comments:
Post a Comment