ນາຍົກລັດຖະມົນຕີ ທອງສິງ ທຳມະວົງ ຕ້ອນຮັບ​ຄະນະ​ຜູ້​ແທນ​ກະຊວງ​ສັນຕິ​ບານ​ ສປ ຈີນ

      ໃນ​ວັນ​ທີ 20 ພຶດສະພານີ້, ຢູ່​ຫ້ອງ​ວ່າການ​ລັດຖະບານ, ທ່ານ ທອງ​ສິງ ທຳ​ມະ​ວົງ ນາຍົກລັດ ຖະມົນຕີແຫ່ງ ສ ປປ ​ລາວ,​ ໄດ້​ໃຫ້ກຽດຕ້ອນຮັບ​ການ​ເຂົ້າຢ້ຽມ ຂຳ່ນັບຂອງທ່ານ ຮວາງ ມິ​ງ (Huang Ming) ລັດຖະມົນຕີ​ຊ່ວຍ​ວ່າການ​ກະຊວງ​ສັນຕິ​ບານ ສປ ຈີນ ພ້ອມ​ຄະນະ, ໃນ​ໂອກາດ​ເດີນທາງ​ມາ​ເພື່ອ​ໄວ້​ອາ​​ໄລ​ຕໍ່ ການ​ນຳ​ລາວທີ່​ເສຍ​ຊີວິດ​ຈາກ​ເຫດການ​ເຮືອບິນ​ຕົກທີ່​ແຂວງ​ຊຽງຂວາງ ເມື່ອເຊົ້າວັນທີ 17 ພຶດສະພານີ້ ເຊິ່ງທ່ານ​ນາຍົກລັດຖະມົນຕີ ທອງ​ສິງ ທຳ​ມະ​ວົງ ​ໄດ້​ສະ​ແດງ​ຄວາມ​ຊົມ​ເຊີຍ ​ແລະ ຂອບ​ໃຈ​ ຕໍ່ທ່ານ ຮວາງ ມິ​ງ ​ແລະ ຄະນະ ທີ່​ໄດ້​ມາ​ຢ້ຽມຢາມ​ລາວ ເພື່ອ​​ໄວ້​ອາ​ໄລ​ຕໍ່ບັນ​ດາສະຫາຍ​ການ​ນຳ​ຂອງ​ລາວ ທີ່​ໄດ້​ຮັບ​ເຄາະ​ຮ້າຍ​ດັ່ງກ່າວ ຊຶ່ງ​ເປັນເຫດ​ການທີ່​ບໍ່​ເພິ່ງ​ປາຖະໜາ ​ແລະ ເຮັດໃຫ້ພັກ ແລະ ລັດຖະບານ ລາວສູນເສຍວິລະຊົນແຫ່ງ ຊາດ ແລະ ພະນັກງານການນຳປະຕິ ວັດທີ່ສຳຄັນ, ຜູ້ມີຜົນງານ ແລະ ຄຸນງາມຄວາມດີຕໍ່ປະເທດຊາດ. ພ້ອມດຽວກັນນັ້ນທ່ານ ນາຍົກລັດຖະມົນຕີຍັງໄດ້ສະແດງ ຄວາມເຊື່ອໝັ້ນຕໍ່ສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຮອບດ້ານ ລະຫວ່າງລາວ-ຈີນ ທີ່ນັບມື້ຂະ ຫຍາຍຕົວ.

ຄວາມ​ຄືບ​ໜ້າ​ການ​ພັດທະນາ​ອ່າງນ້ຳຂອງ​ຕອນ​ລຸ່ມ​

   ໂຄງການຄຸ້ມ​ຄອງອ່າງ​ໂຕ່ງ​ນ້ຳ​ແບບ​ຍືນ​ຍົງ​ໃນ​ອ່າງ​ແມ່​ນ້ຳ ຂອງ​ຕອນ​ລຸ່ມເຂດເມືອງ​ສັງ​ທອງ, ນະຄອນຫລວງ​ວຽງ​ຈັນ ແມ່ນ​ໜຶ່ງ​ໃນ​ບັນດາ​ກິດຈະການ​ທີ່​ໄດ້ຮັບການ​ສະ ໜັບສະໜູນ​ຈາກ​ລັດຖະບານ​ເຢຍລະ​ມັນ ໃນມູນ ຄ່າ 5 ລ້ານ​ຢູ​ໂລ​ ​ແລະ ສົມທົບ​ທຶນຂອງ​ລັດຖະບານ​ລາວ​ 5 ແສນ​ເອີໂຣ, ມີ​ໄລຍະ ເວລາ 7 ປີ (2010-2017), ມາ​ຮອດ​ປັດຈຸບັນການຈັດ​ຕັ້ງ​ປະຕິບັດໂຄງ ການ​ດັ່ງກ່າວມີ​ຄວາມ​ຄືບ​ໜ້າ​ໄປ​​ຕາມ​​ແຕ່​ລະບາດ​ກ້າວແລ້ວ.

      ​ໂຄງການ​ຄຸ້ມ​ຄອງ​ອ່າງ​ໂຕ່ງ​ນ້ຳ​ແບບ​ຍືນ​ຍົ​ງ​ໃນ​ອ່າງ​ແມ່​ນ້ຳ ຂອງ​ຕອນ​ລຸ່ມ​ເຂດ​ນ້ຳ​ຕອນມີ ເນື້ອ​ທີ່​ທັງ​ໜົດ 80.455 ເຮັກຕາ ກວມ​ເອົາ​ເຂດ​ພື້ນ​ທີ່​ນ້ຳ​ຕອນ​ ແລະ ສ່ວນ​ໜຶ່ງ​ຂອງ​ນ້ຳ​ສັງ​ທີ່ ເປັນສາຂາໜຶ່ງໄຫລ​ລົງ​ສູ່​ນ້ຳ ຂອງ, ​ກວມ​ເອົາ 34 ບ້າ​ນ ເຂດ​ເມືອງ​ສັງ​ທອງ ​ແລະ 9 ​ບ້ານ​ ເມືອງ​ຫີນ​ເຫີບ ​ແຂວງ​ວຽງ​ຈັນ, ທັງນີ້ກໍເພື່ອ​ສະໜັບ​ສະ​ໜູນນະ​ໂຍບາຍ ​ແລະ ການຈັດ​ຕັ້ງ​​ແຜນ​ຍຸດ​ທະ​ສາດ ​ຂອງ​ການ​ພັດທະນາ​ຊັບ​ພະຍາກອນ​ນ້ຳ​ແບບ​ປະສົມ​ປະສານ, ເພື່ອແນໃສ່​ຟື້ນ​ຟູ​ຊັບ​ພະ ຍາກອນ​ທຳ​ມະ​ຊາດ ​ແລະ ສ້າງ​

ຈຳປາ​ສັກ​ກຽມ​ສົ່ງ​ແຮງ​ງານ​ຕ່າງ​ດ້າວ​ຜິດ​ລະບຽບ​ກັບ​ຄືນ​ປະ​ເທດ

      ທ່ານ ຄຳ​ແປງ ປ່ຽງ​ວໍລະ​ວົງ ຫົວໜ້າ​ພະ​ແນ​ກ​ແຮງ​ງານ ​ແລະ ສະຫວັດດີ​ການ​ສັງຄົມ​ແຂວງ (ຮສສ) ​ໃຫ້​ຮູ້​ເມື່ອ​ບໍ່​ດົນ​ນີ້ວ່າ: ເພື່ອ​ແກ້​ໄຂ​ກ່ຽວ​ກັບ​ບັນຫາ​ແຮງ​ງານ​ຕ່າງປະ​ເທດ​ທີ່​ເຂົ້າມາ​ທຳ​ມາ​ຄ້າຂາຍ ​ແລະ ອອກ​ແຮງ​ງານ​ຢູ່​ແຂວງ​ຈຳປາ​ສັກ ​ໂດຍ​ສະ​ເພາະ​ເມືອງ​ປາກ​ເຊ ​ເຊິ່ງຖື​ວ່າ​ເປັນ​ເມືອງ​ທົດ​ລອງ​ຂອງ​ແຂວງ​ແມ່ນ​ໄດ້​ແບ່ງ​ເປັນ 2 ຄະນະ​ກຳມະ ການ ​ເພື່ອ​ຈັດຕັ້ງປະຕິບັດຄື​ຄະ ນະ​ກຳມະການ​ແກ້​ໄຂ​ແຮງ​ງານ​ຕ່າງປະ​ເທດ​ທີ່​​ເຮັດ​ທຸລະ​ກິດ​ຊື້ຂາຍ-ລົງທຶນ ​ໂດຍ​ມີ​ພະ​ແນ​ກ ອຸດສາຫະກຳ ​ແລະ ການ​ຄ້າ​ເປັນ​ເຈົ້າ ການ ​ແລະ ຄະນະ​ກຳມະ ການ ​ແກ້​ໄຂ​ແຮງ​ງານ​ທີ່​ມາ​ອອກ​ແຮງ​ງານ ​ໂດຍ​ສະ​ເພາະ​ໃນ​ຂົງ​ເຂດ​ການ​ກໍ່ສ້າງ​ຕ່າງໆ ​ໂດຍ​ແມ່ນ​ພະ​ແນ​ກ ຮສສ ​ເປັນ​ເຈົ້າ ການ ​ແລະ ພາກສ່ວນ​ທີ່​ກ່ຽວ ຂ້ອງ ​ເຊິ່ງມາ​ຮອດ​ປັດຈຸບັນ​ນີ້ ທັງ​ສອງ​ວຽກ​ແມ່ນ​ໄດ້​ດຳ​ເນີນ​ໄປ​ຄວບ​ຄູ່​ກັນ​ໄປ ​ໂດຍ​ສະ​ເພາະ​ວຽກ​​ງານ​ແກ້​ໄຂ​ຊາວ​ຕ່າງປະ​ເທດ​ທີ່ມາ​ຄ້າຂາຍ​ຢູ່ຈຳປາ​ສັກ ເຊິ່ງ​ໄດ້​ກວດກາ​ຫລາຍ​ກວ່າ 300 ຮ້ານ, ​ໃນ​ນັ້ນ ມີ 192 ຮ້ານ​ແມ່ນ​ບໍ່​ມີ​ເງື່ອນ​ໄຂ, ​ເຫລືອ​ນັ້ນ​ແມ່ນ​ມີ​ເງື່ອນ​ໄຂ ​ເຊິ່ງຜູ້​ທີ່​ມີ​ເງື່ອນ​ໄຂ​ນັ້ນ​ແມ່ນ​ຕ້ອງ​ມີ​ທຶນ​ນັບ​ແຕ່ 250 ລ້ານ​ຫາ 1 ຕື້ກີບ ​ເຊິ່ງ​ໃນ​ຈຳນວນ​ນີ້ ຕ້ອງ​ໄດ້​ປັບປຸງ​ອາຊີບ​ຕົນ​ເອງ ໂດຍ​ບໍ່​ໃຫ້​ນອນ​ໃນ​ອາຊີບ​ທີ່​ສະ ຫງວນ​ຂອງ​ລາວ​ຕາມ​ກົດໝາຍ, ຖ້າ​ຫາກ​ໃຜ​ຍັງ​ບໍ່​ທັນ​ປ່ຽນ​ອາຊີບ ​ແລະ ​ເຂົ້າມາ​ແບບ​ບໍ່​ຖືກຕ້ອງ​ຕາມ​ກົດໝາຍ​ຖື​ວ່າ​ບໍ່​ສາມາດ​ເຮັດ​ທຸລະ​ກິດ​ຢູ່ ສປປ ລາວ ​ໄດ້ ເຊິ່ງ ຈະ​ຖືກ​ສົ່ງ​ກັບ​ຄືນ​ປະ​ເທດ​ຄື​ກັນ​ກັບ​ຜູ້​ທີ່​ບໍ່​ມີ​ເງື່ອນ​ໄຂ, ປັດຈຸ ບັນ​ຢູ່​ໃນ​ຂັ້ນຕອນ​ເກັບ​ກຳ​ສະຖິຕິ ແລະ ຈຳນວນ ​ເພື່ອ​ກະກຽມ​ນຳ​ສົ່ງ​ກັບ​ຄືນ​ປະ​ເທດ​ ​ໂດຍ​ມອບ​ໃຫ້ ປກສ ​ແຂວງ​ປະສານ​ກັບ​ພະ​ແນ​ກການ​ຕ່າງປະ​ເທດ.

ສາທາຫາລືການປັບປຸງລະບົບເຝົ້າລະວັງພະຍາດ

    ວັນທີ 20 ພຶດສະພານີ້ພະແນກ ສາທາລະນະສຸກນະຄອນຫຼວງວຽງຈັນ, ໄດ້ຈັດ ກອງປະຊຸມປຶກສາຫາລືການປັບປຸງລະ ບົບເຝົ້າລະວັງພະຍາດ ແລະ ການລາຍ ງານ ຂໍ້ມູນຂອງ 6 ໂຮງໝໍສູນ ກາງຂຶ້ນຢູ່ພະແນກການດັ່ງກ່າວ, ໂດຍການເຂົ້າຮ່ວມຂອງ ທ່ານຮອງຫົວໜ້າພະແນກສາທາລະນະສຸກນະຄອນຫຼວງວຽງ ຈັນ, ມີອຳນວຍການ ແລະ ຕົວ ແທນຈາກ 6 ໂຮງໝໍສູນການ ເຂົ້າຮ່ວມຢ່າງພ້ອມພຽງ.

    ຮອງຫົວໜ້າພະແນກສາທາ ນະຄອນຫຼວງກ່າວວ່າ: ການເຝົ້າລະວັງແມ່ນມີ ຄວາມສຳຄັນຫຼາຍ, ໂດຍສະເພາະແມ່ນການ ສະໜອງຂໍ້ມູນກ່ຽວກັບພະຍາດ ຕິດຕໍ່ທີ່ອາດເກີດຂຶ້ນໃໝ່, ຈາກ ບົດຮຽນກາ ນເຝົ້າລະວັງໃນປີ 2013 ຜ່ານມາເຫັນວ່າການຈັດ ຕັ້ງປະຕິບັດວຽກງານດັ່ງກ່າວ ຍັງມີຄວາມຫຍຸ້ງຍາກ, ສັບສົນ ບາງຢ່າງທີ່ຈະ

ບຸນ​ບັ້ງ​ໄຟປະ​ເພນີ ມັກ​ມີ​ການ​ພະນັນແອ​ບ​ແຝງ​ຢູ່ຢ່າງ​ເປີດ​​ແປນ

      ຄື​ດັ່ງ​ທີ່​ຮູ້​ກັນ​ແລ້ວ ພໍເລີ່​ມ​ເຂົ້າ​ສູ່​ເດືອນ 6 ລາວ, ​ເຊິ່ງຢູ່​ໃນ​ລະຫວ່າງ​ເດືອນ 5 ສາກົນ​ໃນ​ແຕ່ລະ​ປີ ຢູ່ຕາມ​ທ້ອງ​ຖິ່ນ​ເຂດ​ແຂວງ​ຕ່າງໆ ໂດຍ​ສະ​ເພາະ​ແມ່ນ​ບັນດາ​​ແຂວງ​ທົ່ງພຽງ ​ແຕ່​ເໜືອ​ຮອດ​​ໃຕ້​ຊາວ​ພຸດ ​ແລະ ປະຊາຊົນ​ລາວ​ບັນ ດາ​ເຜົ່າໄດ້​ຈັດ​ຕັ້ງ​ງານ​ບຸນ​ປະ​ເພນີ​ທີ່​ສຳຄັນ​ເຊັ່ນ​ວ່າ: ​ບຸນ​ບັ້ງ​ໄຟປະ​ເພນີ​ທີ່​ຊາວ​ພຸດ​ລາວ ກໍ​ຄື​ບັນດາ​ຊາວ​ພຸດ​ປະ​ເທດ​ໄກ້​ຄຽງ​ອື່ນໆ ໄດ້​ພ້ອມ​ພາກັນ​ຈັດ​ຕັ້ງ​ບຸນ​ບັ້ງ​ໄຟປະ​ເພນີເພື່ອ​ຈູດ​ບູຊາຂໍ​ນ້ຳ​ຟ້າ, ນ້ຳ​ຝົນນຳ​ເທວະ​ດາ​ຟ້າ​​ແຖນ​ຕາມ​ຄວາມ​ເຊື່ອ​ຖື​ຂອງ​ເຖົ້າ​ແກ່ທີ່​ມີ​ມາ​ແຕ່​ບູຮານ​ນະ​ການໂດຍ​ງານ​ບຸນ​ນີ້​ໃນ​ແຕ່ລະ​ປີຢູ່​ແຕ່​ລະ​ບ້ານ ທີ່​ເປັນ​ເຈົ້າພາບ​ຈັດ​ງານ ໄດ້​ຫ້າງ​ຫາ​ກະກຽມ​ເຮັດ​ເຂົ້າຕົ້ມ​ເຂົ້າໜົມ ເພື່ອ​ຕ້ອນຮັບ​ແຂກຍາດຕິ​ພີ່ນ້ອງ​ມາ​ຢື້​ຢາມ​ຖາມ​ຂ່າວ​ໃນ​ມື້​ປາງ​ບຸນ​ໃຫຍ່ໃນ​ໜຶ່ງ​ປີ​ມີ​ຄັ້ງ​ດຽວ. ແຕ​່​ເຖິງ​​ຢ່າງ​ໃດ​ກໍ​ດີ ສິ່ງ​ທີ່​ໜ້າ​ເປັນຫ່ວງມາ​ເຖິງ​ປັດຈຸບັນ​ບຸ​ນບັ້ງ​ໄຟປະ​ເພນີ​ສ່ວນ​ຫລວງຫລາຍ​ໄດ້​ຖືກ​ສວຍ​ໃຊ້​ໄປ​ໃນ​ທາງ​ທີ່​ບໍ່ຖືກ ຕ້ອງອັນ​ເປັນ​ການ​ຝືນ​ຕໍ່​ຮີ​ດຄອງ​ປະ​ເພນີ ໂດຍ​ມີ​ການ​ພະນັນໃນ​ການ​ແຂ່ງຂັນ​ບັ້ງ​​ໄຟ​ຂອງ​ແຕ່​ລະ​ພາກສ່ວນ​ເກີດ​ຂຶ້ນ​ຢ່າງ​ໜ້າ​ເປັນ​ຫວ່ງ ​ແລະ ​ເປີດ​ແປນ ທັງ​ເປັນ​ການ​ຝືນ​ກັບ​ລະບຽບ​ກົດໝາຍ ຂອງ ບ້ານເມືອງ​ທີ່​ກຳນົດ​ໄວ້.

ສານ​ແຂວງ​ຫົວພັນ​ຕັດສິນ​ລົງ​ໂທດ​ພະນັກງານ​ລັດ 10 ຄົນຍ້ອນ​ສໍ້​ລາດ​ບັງ​ຫລວງ

     ​ເມື່ອ​ວັນ​ທີ 16 ພຶດສະພາ​ຜ່ານ​ມານີ້, ສານ​ປະຊາຊົນ​ແຂວງ​ຫົວ ພັນ ​ໄດ້​ຕັດສິນ​ລົງ​ໂທດ​ນາງ ອາ​ລຸນ​ໄຊ ​ແກ້ວມະນີ ອາຍຸ 31 ປີ ອະດີດ​ພະນັກງານ​ວິຊາ​ການ​ຫ້ອງ ການ​ການ​ເງິນ​ເມືອງ​ຊຳ​ເໜືອ, ທ້າວ ສົມ​ມິດ​ຕາ ​ແກ້ວ​ປະ​ເສີດ ອາຍຸ 32 ປີ ອະດີດ​ພະນັກ ງານ​ວິຊາ​ການ​ຫ້ອງການ​ງົບປະມານ ພະ​ແນ​ກການ​ເງິນ​ແຂວງ​ຫົວພັນ, ທ້າວ ທ່ອນ​ສີ ບຸນ​ລື​ວີ ອາຍຸ 54 ປີ ອະດີດ​ຫົວໜ້າ​ຫ້ອງ ການ​ງົບປະມານ ພະ​ແນ​ກການ​ເງິນ​ແຂວງ​ຫົວພັນ, ທ່ານ​ນາງ ວອນ​​ໃຈ ເຮືອງ​ພິດາ ອາຍຸ 30 ປີ ອະດີດ​ພະ ນັກງານ​ຫ້ອງ​ງົບປະ ມານພະ​ ແນ​ກການ​ເງິນ​ແຂວງ​ຫົວພັນ, ທ້າວ ຄອນ​ໄຈ ວິ​ຫ້າ​ຄຳ​ໄຊ ອາຍຸ 49 ປີ ອະດີດ​ຫົວໜ້າ​ຫ້ອງການ​ສຶກສາ​ເມືອງ​ຊຳ​ເໜືອ, ທ້າວ ທອງພັນ ຄຳ​ມີ​ໄຊ ອາຍຸ 44 ປີ ອະດີດ​ພະນັກງານ​ຫ້ອງການ​ສຶກ ສາ​ເມືອງ​ຊຳ​ເໜືອ, ນາງ ວັນ​ພອນ ທອງ​ທະວີ ອາຍຸ 32 ປີ ພະ ນັກງານ​ການ​ເງິນ ຫ້ອງການ​ສຶກ ສາ​ເມືອງ​ຊຳ​ເໜືອ​, ທ່ານ​ນາງ ​ໄຄ​ຄຳ ອູ່​ທອງຄຳ ອາຍຸ 34 ປີ ອະ ດີດ​ພະນັກງານ​ສຶກສາ​ເມືອງ​ຊຳ​ເໜືອ, ທ່ານ ຄຳ​ຜາຍ ນັນທະ​ວົງ​ດວງ​ສີ ອາຍຸ 47 ປີ ອະດີດ​ຫົວ ໜ້າ​ຫ້ອງການ​ການ​ເງິນ​ເມືອງ​ຫົວ

ຍຶດສັດປ່າ​ຫວງ​ຫ້າມ​ເປັນ​ຈຳນວນ​ຫລາຍ

      ​ເຈົ້າໜ້າ​ທີ່​ກອງ​ກວດກາ​ປ່າ​ໄມ້ ​ເມືອງ​ໄຊ​ພູ​ທອງ ​ແຂວງ​ສະ ຫວັນ​ນະ​ເຂດ ລາຍ​ງານ​ໃຫ້​ຮູ້ວ່າ: ພາຍຫລັງ​ໄດ້​ຮັບ​ແຈ້ງ​ຈາກ​ພົນ ລະ​ເມືອງ​ວ່າ​ມີ​ການ​ລັກລອບ​ຊື້- ຂາຍ​ສັດປ່າ​ຫວງ​ຫ້າມ​ເປັນ​ຈຳ ນວນ​ຫລາຍ​ຢູ່​ຕະຫລາດ​ສົ່ງ​ເສີມ​ກະສິກຳ​ເປັນ​ສິນຄ້າ​ເມືອງ​ໄຊ​ພູ​ທອງ, ​ເຈົ້າໜ້າ​ທີ່​ຈຶ່ງ​ໄດ້​ນຳ​ກຳ ລັງ​ລົງ​ກວດກາ ​ແລະ ພົບ​ເຫັນ​ມີ​ການ​ຊື້-ຂາຍ​ສັດປ່າ​ຫວງ​ຫ້າມ​​ແທ້ ຈຶ່ງ​ໄດ້​ຢຶດສັດປ່າ​ດັ່ງກ່າວ ເຊິ່ງປະກອບ​ມີ​ແລນ 5 ​ໂຕ, ງູ​ສິງ 2 ​ໂຕ, ນົກ 15 ​ໂຕ ​ແລະ ​ເສືອ​ລາຍ​ເມກ ​ແລະ ​ໄດ້​ນຳ​ຕົວ​ຜູ້​ກະທຳ​ຜິດ​ມາ​ສຶກສາ​ອົບຮົມ​ຕາມ​ກົດໝາຍ, ສ່ວນ​ສັດປ່າ​ທັງ​ໝົດ​ແມ່ນ​ໄດ້​ນຳ​ໄປ​ປ່ອຍ​ຄືນ​ສູ່​ທຳ​ມະ​ຊາດ​ໃນ​ວັນ​ດຽວ​ກັນ ​ໂດຍ​ການ​ເຂົ້າຮ່ວມ​ຂອງ​ທ່ານ  ຮອງ​ເຈົ້າ​ເມືອງ​ໄຊ​ພູ​ທອງ ພ້ອມ​ເຈົ້າໜ້າ​ທີ່​ກ່ຽວຂ້ອງ.