Ad

28 June 2016

ນາຍົກລັດຖະມົນຕີແຫ່ງ ສປປ ລາວ ຢ້ຽມຢາມຣາຊະອານາຈັກກຳປູເຈຍຢ່າງເປັນທາງການ

          ໂດຍຕອບສະໜອງ ຕາມການເຊື້ອເຊີນ ຂອງ ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ ນາ ຍົກລັດຖະມົນຕີ ແຫ່ງ ຣາຊະອາ ນາຈັກ ກຳປູເຈຍ. ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມພັນລະຍາ ແລະ ຄະນະຜູ້ແທນຂັ້ນສູງຂອງສປປ ລາວໄດ້ເດີນທາງເຖິງສະໜາມບິນສາກົນ ພະນົມເປັນ ໃນຕອນເຊົ້າວັນທີ 27 ມີຖຸນານີ້ ແລະ  ພິທີ ຕ້ອນຮັບທາງການໄດ້ຈັດຂຶ້ນຢ່າງສົມກຽດ ຢູ່ຫໍສັນຕິພາບ ນະຄອນຫລວງພະນົມເປັນ, ໂດຍການຕ້ອນຮັບຢ່າງອົບອຸ່ນຂອງສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ນາຍົກລັດຖະ ມົນຕີ ແຫ່ງ ຣາຊະອານາຈັກ ກຳປູເຈຍ  ການພົບປະສອງຝ່າຍ ສົມເດັດ ຮຸນແຊນ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ພ້ອມທັງຕີລາຄາສູງຕໍ່ ທ່ານ ທອງລຸນ ສີສຸລິດ ທີ່ໄດ້ຮັບການເລືອກຕັ້ງໃຫ້ເປັນນາຍົກລັດຖະມົນຕີແຫ່ງ ສປປ ລາວ

4 ປະເທດສະມາຊິກໃໝ່ຮ່ວມຫາລືກຽມກອງປະຊຸມ ເຈົ້າໜ້າທີ່ອາວຸໂສເສດຖະກິດອາຊຽນ

          ເຊົ້າວັນທີ 27 ມີຖຸນານີ້, ກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະການຄ້າ, ໄດ້ຈັດກອງປະຊຸມປຶກສາຫາລືລະຫວ່າງ 4 ປະເທດສະມາຊິກໃໝ່ອາຊຽນ (11Th CLMV SEOM Meeting), ຂຶ້ນທີ່ນະຄອນຫລວງວຽງຈັນ ເພື່ອກະກຽມໃສ່ກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນຄັ້ງທີ 3/47 (SEOM3/47) ທີ່ມີຂຶ້ນໃນມື້ນີ້, ພາຍໃຕ້ການເປັນປະທານຂອງ ທ່ານ ລາວຮົວ ເຈີຈິງ ຫົວໜ້າກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະການຄ້າ, ທັງເປັນປະທານເຈົ້າໜ້າທີ່ອາວຸໂສເສດຖະກິດອາຊຽນ, ພ້ອມດ້ວຍຄະນະ ຜູ້ແທນຈາກ ສສ ຫວຽດນາມ, ກຳປູເຈຍ, ມຽນມາ ແລະ ປະເທດເຈົ້າພາບເຮົາເຂົ້າຮ່ວມ.

2 ເດືອນຜ່ານມາ ລັດຖະບານສາມາດແກ້ໄຂບັນຫາເຄັ່ງຮ້ອນຫລາຍດ້ານ

    ໃນໂອກາດກ່າວເປີດກອງປະຊຸມຮ່ວມລະຫວ່າງຄະນະລັດຖະບານ ແລະ ເຈົ້າແຂວງຂອງທ່ານນາຍົກລັດຖະມົນຕີ ທອງລຸນ ສີລຸສິດ ໄດ້ຊີ້ໃຫ້ເຫັນວ່າ: ຫລັງຈາກຄະນະລັດຖະບານຊຸດໃໝ່ (ຊຸດທີ VIII) ໄດ້ສຳເລັດການວາງແຜນດຳເນີນງານໄລຍະ 5 ປີ (2016-2020) ຂອງລັດຖະບານ, ການແບ່ງຄວາມຮັບຜິດຊອບລະຫວ່າງນາຍົກລັດຖະມົນຕີ ແລະ ຮອງນາຍົກລັດຖະມົນຕີ, ພ້ອມມອບຄວາມຮັບຜິດ ຊອບໃຫ້ບັນດາລັດຖະມົນຕີປະຈຳສຳນັກງານນາຍົກລັດຖະມົນຕີ, ປັບປຸງແບບແຜນວິທີເຮັດວຽກຂອງລັດຖະບານ ແລະ ອື່ນໆ ເຊິ່ງເຫັນໄດ້ວ່າພຽງໄລຍະສອງເດືອນ ລັດຖະບານສາມາດສຸມໃສ່ແກ້ໄຂບັນຫາເສດຖະກິດ-ສັງຄົມເປັນບູລິມະສິດ ໂດຍສະເພາະການປຶກສາຫາລືບັນຫາຕ່າງໆກ່ຽວກັບການຈັດເກັບລາຍຮັບງົບປະມານໃຫ້ໄດ້ຕາມຄາດໝາຍທີ່ສະພາແຫ່ງຊາດດັດແກ້, ພ້ອມທັງອອກຂໍ້ຕົກລົງແຕ່ງຕັ້ງຄະນະສະເພາະກິດຄຸ້ມຄອງຕິດຕາມການເກັບລາຍຮັບເຂົ້າງົບປະມານ ແລະ ແຕ່ງຕັ້ງທີມງານເສດຖະກິດຂອງລັດຖະບານ, ໄດ້ອອກຄຳສັ່ງ

ກອງປະຊຸມຄົບຄະນະບໍລິຫານງານສູນກາງ ຊປປລ

          ກອງປະຊຸມຄົບຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ(ຊປປລ) ຄັ້ງທີ 2 ສະໄໝ VII. ໄດ້ໄຂຂຶ້ນພາຍໃຕ້ຄຳຂວັນ ຕັ້ງໜ້າຈັດຕັ້ງປະຕິບັດວຽກງານຊາວໝຸ່ມ-ເຍົາວະຊົນ ດ້ວຍຄວາມເຄັ່ງຮ້ອນສ້າງບັນໃດທຳອິດໃຫ້ແຂ່ງແກ່ນ ເພື່ອກ້າວສູ່ຄາດໝາຍທີ່ວາງໄວໃນວັນທີ 27 ມິຖຸນານີ້ ທີ່ນະຄອນຫລວງວຽງຈັນໂດຍການໃຫ້ກຽດເຂົ້າຮ່ວມຂອງທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ແລະ ມີ ທ່ານ ສອນທະນູ ທຳມະວົງ ເລຂາຄະນະບໍລິຫານງານ ສູນກາງ ຊປປລ ພ້ອມຄະນະ.
          ກອງປະຊຸມໄດ້ສຸມໃສ່ຄົ້ນຄວ້າປະກອບຄຳຄິດເຫັນສະຫລຸບຕີລາຄາການເຄື່ອນໄຫວ ຈັດຕັ້ງຜັນຂະຫຍາຍມະ ຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VII ໃນໄລຍະ 6 ເດືອນຕົ້ນປີນີ້ ສາມາດເຄື່ອນໄຫວປະຕິບັດວຽກງານໃນແຕ່ລະດ້ານເປັນຕົ້ນ ໄດ້ສຶກສາອົບຮົມການເມືອງແນວຄິດໃຫ້ສະມາຊິກ

ລາວຫາລືມາດຕະການຄວບຄຸມການເໜັງຕີງຂອງລາຄາສິນຄ້າ

    ສປປ ລາວ ພວມເລັ່ງຫາມາດຕະການຄວບຄຸມການເໜັງຕີງຂອງລາຄາສິນຄ້າອຸປະໂພກ-ບໍລິໂພກໃຫ້ມີປະສິດທິຜົນ, ພາຍຫລັງເຫັນວ່າການຂຶ້ນລົງຂອງລາຄາສິນຄ້າແບບບໍ່ມີລະບຽບສົ່ງຜົນກະທົບຕໍ່ການດຳລົງຊີວິດຂອງສັງຄົມ ໂດຍສະເພາະປະເພດໄຟຟ້າ, ຊີ້ນ, ປາ ແລະ ອື່ນໆ ທີ່ເຫັນວ່າມີລັກສະນະຖີບຕົວສູງຂຶ້ນຜິດປົກກະຕິ ແລະ ມີຜົນກະທົບໂດຍກົງຕໍ່ຊີວິດການເປັນຢູ່ຂອງພະນັກງານ, ທະຫານ, ຕຳຫລວດ, ກຳມະກອນ ກໍຄືຜູ້ມີລາຍຮັບຕໍ່າຍິ່ງມີຄວາມຝືດເຄືອງຫລາຍຂຶ້ນ. ຂະນະທີ່ສິນຄ້າທີ່ຄາດວ່າຈະມີລາຄາສູງ ແລະ ເປັນທີ່ຕ້ອງການຂອງຕະຫລາດຕ່າງປະເທດເຊັ່ນ: ກາເຟ, ມັນຕົ້ນ, ສາລີ, ຢາງພາລາ ແລະ ອື່ນໆ ພັດມີລາຄາຕົກຕໍ່າຈົນເຮັດໃຫ້ຊາວສວນໃນຫລາຍທ້ອງຖິ່ນປະສົບບັນຫາຫລຸບທຶນເປັນຈຳນວນຫລາຍ ແລະ ຫັນໄປປູກພືດອື່ນແທນ.

ເພີ່ມທັກສະໃນວຽກງານສະຖິຕິປະຈຳປີ 2016

          ເນື່ອງໃນໂອກາດສະເຫລີມສະຫລອງວັນສະຖິຕິແຫ່ງຊາດ ຄົບຮອບ 5 ປີ (30 ມິຖຸນາ 2010-30 ມິຖຸນາ 2016) ແລະ ວັນສະຖິຕິໂລກ 20 ຕຸລາ, ສູນສະຖິຕິແຫ່ງຊາດ ໄດ້ຈັດສຳມະນາວຽກງານສະຖິຕິ ຂຶ້ນໃນວັນທີ 27-29 ມິຖຸນາ 2016 ທີ່ສູນຝຶກອົບຮົມ ແລະ ການຮ່ວມມືສາກົນ (ITCT) ໂດຍການເປັນປະທານຂອງທ່ານ ສະໃໝຈັນ ບຸບຜາ ຫົວໜ້າສູນສະຖິຕິແຫ່ງຊາດ ພ້ອມດ້ວຍວິຊາການວຽກງານສະຖິຕິ ຈາກກະຊວງອ້ອມຂ້າງສູນກາງເຂົ້າຮ່ວມ.
          ການສຳມະນາຄັ້ງນີ້ ມີ 3 ຫົວຂໍ້ ຄື: ເພີ່ມຄວາມເຂົ້າໃຈກ່ຽວກັບ ການເພີ່ມປະສິດທິພາບໃນການຜະລິດສະຖິຕິເສດຖະກິດ-ສັງຄົມ ເພື່ອມາຮັບໃຊ້ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ໂດຍລົງເລິກໃສ່ບັນດາດັດຊະນີໝາຍ ທີ່ກ່ຽວຂ້ອງກັບການຈັດຕັ້ງປະຕິບັດ ແຜນພັດທະນາເສດຖະ ກິດ-ສັງຄົມ

ຈະແກ້ໄຂສະພາບອຸປະຕິເຫດບົນທ້ອງຖະໜົນໃຫ້ຫລຸດລົງແນວໃດ ?

     ເມື່ອທ້າຍອາທິດຜ່ານມາ, ມີເຈົ້າໜ້າທີ່ກ່ຽວຂ້ອງໄດ້ຮື້ຖັງປູກດອກໄມ້ຄູກາງທາງຈຸດສີ່ແຍກໄຟອຳນາດສາຍລົມເບື້ອງໂຮງແຮມວຽງຈັນພລາຊາອອກ, ຫລັງຈາກຖັງດອກໄມ້ຈຸດດັ່ງກ່າວມັກມີລົດໃຫຍ່ມາຕຳເອົາເລື້ອຍໆ ເຊິ່ງສອງຄັ້ງຫລ້າສຸດແມ່ນເກີດຂຶ້ນເມື່ອກາງເດືອນມິຖຸນານີ້ຈົນມຸ່ນແອະແຍະ, ເມື່ອຖາມປະຊາຊົນຜູ້ຢູ່ໃກ້ຄຽງ ລົດໃຫຍ່ທີ່ມາຕຳມີສະພາບເປ່ເພເລັກໜ້ອຍ, ສ່ວນຄົນຂັບ ແລະ ຜູ້ນັ່ງມານຳໄດ້ຮັບບາດເຈັບເລັກໜ້ອຍເຊັ່ນກັນ, ແຕ່ຖັງດອກໄມ້ທີ່ເປ່ເພແມ່ນຖືກປະປ່ອຍໄປເກືອບເປັນອາ ທິດກ່ອນພາກສ່ວນກ່ຽວຂ້ອງຈະເອົາກຳລັງແຮງງານກຳມະກອນມາຮື້ອອກໄປ. ນີ້ເປັນພຽງຈຸດໜຶ່ງຂອງຫລາຍໆກໍລະນີທີ່ຊີ້ໃຫ້ເຫັນວ່າ ຊັບສິນຂອງສ່ວນລວມຍັງຖືກທຳລາຍຢ່າງຕໍ່ເນື່ອງ ຄືດັ່ງກ່າວ.

ສານນະຄອນຫລວງຕັດສິນລົງໂທດຜູ້ຄ້າຂາຍຢາເສບຕິດ

     ເມື່ອບໍ່ດົນມານີ້, ສານປະຊາຊົນນະຄອນຫລວງວຽງຈັນ ໄດ້ຕັດສິນລົງໂທດທ້າວ ສຸກສາຄອນ (ອາ) ອາຍຸ 25 ປີ ຢູ່ບ້ານໂພນຕ້ອງຈອມມະນີ ເມືອງຈັນທະບູລີ ໃຫ້ຈຳຄຸກເປັນເວລາ 10 ປີ 6 ເດືອນ ພ້ອມປັບໄໝ 50 ລ້ານກີບ ແລະ ທ້າວ ຈັນສະໝອນ ອາຍຸ 28 ປີ ຢູ່ບ້ານໂພນຕ້ອງສະຫວາດ ເມືອງຈັນທະບູລີ ໃຫ້ຈຳຄຸກເປັນເວລາ 5 ປີ ພ້ອມປັບໄໝ 10 ລ້ານກີບ ໃນຂໍ້ຫາຄ້າຂາຍຢາເສບຕິດ ໂດຍທ້າວ ສຸກສາຄອນ ຖືກເຈົ້າໜ້າທີ່ຈັບຕົວ ພ້ອມຂອງກາງຢາບ້າຈຳນວນ 540 ເມັດ ມາດຳເນີນຄະດີ ເມື່ອກາງປີ 2015 ຜ່ານມາ ກໍຮັບສາລະພາບວ່າ: ຕົນໄດ້ເລີ່ມເສບ ແລະ ຂາຍຢາບ້າມາແຕ່ປີ 2013 ໂດຍຊີ້ນຳຂະບວນການຄ້າຂາຍຢາເສບຕິດໃນເຂດເມືອງຈັນທະບູລີ ເພື່ອເອົາມາຈຳໜ່າຍຕໍ່ໃຫ້ຊາວໜຸ່ມທີ່ຢູ່ບ້ານດຽວກັນ ແລະ ບ້ານໃກ້ຄຽງ, ສ່ວນທ້າວ ຈັນສະໝອນ ຫລັງຖືກເຈົ້າໜ້າທີ່ຈັບໄດ້ໃນໄລຍະໄລ່ເລ່ຍກັນ ພ້ອມຂອງກາງຢາບ້າຈຳນວນ 56 ເມັດ ແລະ ຢາໄອຈຳນວນໜຶ່ງ ກໍຮັບສາລະພາບຕໍ່ເຈົ້າໜ້າທີ່ວ່າ: ຕົນໄດ້ເລີ່ມເສບ ແລະ ຄ້າຂາຍຢາເສບຕິດມາແຕ່ຕົ້ນປີ 2015 ໂດຍຊື້ຢາບ້າມາຈາກໝູ່ເຊັ່ນກັນ.

ສະພາບເສັ້ນທາງເປ່ເພຍ້ອນຄຸນນະພາບຍັງແກ້ໄຂບໍ່ຕົກ

          ປີນີ້ກໍເຊັ່ນດຽວກັນກັບຫຼາຍໆປີຜ່ານມາ, ນັບແຕ່ເລີ່ມເຂົ້າສູ່ລະດູຝົນມານີ້, ເສັ້ນທາງສາຍຫຼັກ ແລະ ທາງຊອຍຫຼາຍສາຍໃນນະຄອນຫຼວງວຽງຈັນໄດ້ເລີ່ມມີສະພາບເປ່ເພ, ເປັນບວກ, ເປັນຂຸມນັບມື້ຫຼາຍຂຶ້ນ, ທັງໆທີ່ເສັ້ນທາງເຫຼົ່ານັ້ນຫາກໍໄດ້ຮັບການກໍ່ສ້າງສ້ອມແປງ, ເຖິງວ່າຍັງບໍ່ທັນຮ້າຍແຮງ, ແຕ່ກໍສ້າງຄວາມຫຍຸ້ງຍາກລຳບາກໃຫ້ແກ່ການສັນຈອນໄປມາຫຼາຍສົມຄວນ ແລະ ໄດ້ເກີດຫາງສຽງວິ ພາກວິຈານຕ່າງໆນາໆຈາກສັງຄົມ, ໂດຍສະເພາະແມ່ນເສັ້ນທາງຊອຍເຂົ້າບ້ານຕ່າງໆ ແລະ ເສັ້ນ ທາງເກົ່າແກ່ມີສະພາບຊຸດໂຊມ, ເຊັ່ນດຽວກັບເສັ້ນທາງໜອງບຶກ-ໜອງພະຍາດທີ່ຫາຫໍໄດ້ຮັບການສ້ອມແປງສຸກເສີນໃນອາທິດຜ່ານມານີ້, ແຕ່ມາຮອດປັດຈຸບັນມີບາງຈຸດໄດ້ເລີ່ມເປ່ເພຄືເກົ່າ, ຊ້ຳບໍ່ໜ່ຳໃນເວລາຝົນຕົກລົງມາກໍເຕັມໄປດ້ວຍຂີຕົມທີ່ເກີດຈາກດິນ-ຫີນ-ຊາຍທີ່ພາກສ່ວນກ່ຽວຂ້ອງເອົາມາຖົມເພື່ອ

27 June 2016

ຜົນກອງປະຊຸມຮ່ວມລະຫວ່າງຄະນະລັດຖະບານ ແລະ ເຈົ້າແຂວງ

          ກອງປະຊຸມຮ່ວມລະຫວ່າງຄະນະລັດຖະບານ, ເຈົ້າຄອງນະ ຄອນຫລວງ ແລະ ເຈົ້າ ແຂວງທົ່ວປະເທດ ໄດ້ອັດລົງດ້ວຍຜົນສຳເລັດຈົບງາມ ພາຍຫລັງດຳເນີນມາເປັນເວລາ 2 ວັນ ແຕ່ວັນທີ 23-24 ມີຖຸນານີ້, ໂດຍການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ, ເຊິ່ງກອງປະຊຸມໄດ້ລົງມະຕິເດັດຂາດບໍ່ອະນຸຍາດ ໃຫ້ມີການຂຸດຄົ້ນໄມ້ ແລະ ອະນຸມັດໂກ້ຕ້າໄມ້ຕື່ມອີກໃນແຕ່ລະປີ, ພ້ອມຢໍ້າໃຫ້ທ້ອງຖິ່ນຢຸດຕິການສົ່ງອອກໄມ້ທ່ອນ, ໄມ້ຕັບ ແລະ ໄມ້ປະເພດອື່ນໆ, ໂດຍບໍ່ໄດ້ປຸງແຕ່ງເປັນຜະລິດ ຕະພັນສໍາເລັດຮູບ.
          ທ່ານລັດຖະມົນຕີປະຈໍາສໍານັກງານນາຍົກລັດຖະມົນຕີ, ທັງເປັນໂຄສົກ ລັດຖະບານ ຈະເລີນ ເຢຍປາວເຮີ ໄດ້ຖະແຫລ່ງຜົນກອງປະຊຸມຕໍ່ສື່ມວນຊົນວ່າ: ກອງປະຊຸມຄັ້ງສຳຄັນ ນີ້ ໄດ້ເຫັນດີເປັນເອກະພາບໃນຫລາຍບັນຫາ ເປັນຕົ້ນ ບັນຫາການຢຸດຕິການສົ່ງໄມ້ອອກ ທີ່ບໍ່ໄດ້ປຸງແຕ່ງເປັນຜະລິດຕະພັນສໍາເລັດຮູບ,

ລາວຈູດທຳລາຍຢາເສບຕິດທີ່ຢຶດໄດ້ເປັນຈຳນວນຫລາຍເນື່ອງໃນໂອກາດວັນສາກົນຕ້ານຢາເສບຕິດ


   ໃນວັນທີ 25 ມິຖຸນານີ້ ເຊິ່ງເປັນວັນສາກົນຕ້ານຢາເສບຕິດ, ກະຊວງປ້ອງກັນຄວາມສະຫງົບ, ຄະນະກຳມະການແຫ່ງຊາດເພື່ອກວດກາ ແລະ ຄວບຄຸມຢາເສບຕິດ ແລະ ນະຄອນຫລວງວຽງຈັນ ໄດ້ຮ່ວມກັນຈັດພິທີຈູດທຳລາຍຢາເສບຕິດຂຶ້ນທີ່ສະໜາມຫລວງວຽງຈັນ ໂດຍມີທ່ານ ທອງລຸນ ສີສຸລິດ ນາຍົກລັດຖະມົນຕີ, ມີລັດຖະມົນຕີ, ຮອງລັດຖະມົນຕີ, ທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນປະຈຳລາວເຂົ້າຮ່ວມເປັນຈຳນວນຫລາຍ.
     ທ່ານ ພົນຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ມີຄຳເຫັນໃນພິທີວ່າ: ຢາເສບຕິດທີ່ນຳມາຈູດທຳລາຍໃນຄັ້ງນີ້ມີ: ຢາບ້າ 4.348.600 ກວ່າເມັດ, ກັນຊາແຫ້ງ 880 ກວ່າກິໂລ, ຢາໄອ 1,90 ກິໂລ, ເຮໂຣອິນ 34,8 ກິໂລ ແລະ ແປ້ງຝຸ່ນເພື່ອປະສົມຜະລິດຢາເສບຕິດຫລາຍກວ່າ 105 ກິໂລ ທີ່ຢຶດໄດ້ຈາກຂະບວນການຄ້າຂາຍຢາເສບຕິດຕ່າງໆຢູ່ທົ່ວປະເທດ.

ກອງປະຊຸມຄັ້ງທີ 25 ຂອງຄະນະກຳມະການຊາຍແດນລາວ-ຫວຽດນາມ

          ກອງປະຊຸມຄັ້ງທີ 25 ຂອງຄະນະກຳມະການຊາຍແດນລາວ-ຫວຽດນາມ ໄດ້ຈັດຂຶ້ນທີ່ນະຄອນດານັງ ໃນວັນທີ 20 ມິຖຸນາ 2016. ຄະນະຜູ້ແທນຊາຍແດນຝ່າຍລາວນຳໂດຍສະຫາຍສະເຫຼີມໄຊກົມມະສິດ ລັດຖະມົນຕີກະຊວງການຕ່າງປະເທດ ແລະ ຝ່າຍຫວຽດນາມນຳໂດຍສະຫາຍ ເລຮວ່າຍຈຸງ ຮອງລັດຖະມົນຕີກະຊວງການຕ່າງປະເທດ ແລະ ມີຜູ້ຕາງໜ້າຈາກບັນດາກະຊວງ, ຂະແໜງການ ແລະ  ແຂວງຊາຍແດນຂອງສອງປະເທດເຂົ້າຮ່ວມນຳດ້ວຍ.
          ສອງຝ່າຍໄດ້ທົບທວນຄືນການຈັດຕັ້ງປະຕິບັດສັນຍາວ່າດ້ວຍລະບຽບການຊາຍແດນປະເທດລາວ-ຫວຽດນາມສະບັບປີ 1990 ແລະບົດບັນທຶກກອງປະຊຸມຄະນະຜູ້ແທນຊາຍແດນລາວ-ຫວຽດ ນາມ ໃນໜຶ່ງປີຜ່ານມາ, ໂດຍສັງເກດຕີລາຄາຢ່າງຮອບດ້ານກ່ຽວກັບວຽກງານການຄຸ້ມຄອງຊາຍແດນ, ການ

ແຮງງານລາວກວ່າ 20 ຄົນຖືກສົ່ງໄປອອກແຮງງານທີ່ຖືກຕ້ອງຢູ່ຕ່າງປະເທດ

          ທ້າຍອາທິດຜ່ານມາ, ສູນບໍລິການຈັດຫາງານ ກະຊວງແຮງງານ ແລະ ສະຫວັດ ດີການສັງຄົມ, ໄດ້ຈັດສົ່ງແຮງງານລາວຖືກກົດໝາຍ ຈຳນວນ 20 ກວ່າຄົນ ທີ່ຫວ່າງງານ ໄປເຮັດວຽກຢູ່ປະເທດເພື່ອນບ້ານ, ເພື່ອສ້າງໃຫ້ເຂົາເຈົ້າມີວຽກເຮັດງານທຳ, ມີວິຊາອາຊີບ ແລະ ມີລາຍຮັບຢ່າງເປັນປົກກະຕິ ແລະ ສາມາດກຸ້ມຕົນເອງ ແລະ ຄອບຄົວໄດ້. ກ່ອນຈະອອກເດີນທາງໄປເຮັດວຽກຄັ້ງນີ້, ຜູ້ອຳນວຍການສູນບໍລິການຈັດຫາງານ ໄດ້ອົບຮົມ ແລະ ແນະນຳການປະພຶດຕົນໃນເວລາເຮັດວຽກ, ການເບິ່ງແຍງຕົນເອງ ເພື່ອ ໃຫ້ເຂົາເຈົ້າເຫລົ່ານັ້ນ ຮູ້ວິທີການເອົາຕົວລອດໃນເວລາເກີດເຫດສຸກເສີນ ແລະ ພາຍຫລັງ ນໍາສົ່ງສໍາເລັດແລ້ວ ທາງສູນບໍລິການຈັດຫາງານໄດ້ຈັດແບ່ງຄະນະໄປຕິດຕາມ, ຢ້ຽມຢາມ

ທະນາຄານ ລາວ-ຫວຽດ ມອບລາງວັນຄຳໃຫ້ລູກຄ້າເປັນຈຳນວນຫລາຍ

     ລູກຄ້າທະນາຄານ ລາວ-ຫວຽດ (Lao-Viet Bank) ຈຳນວນຫລາຍທ່ານໄດ້ເປັນຜູ້ໂຊກດີຮັບຄຳເປັນຈຳນວນຫລາຍ, ພາຍຫລັງທະນາຄານດັ່ງກ່າວໄດ້ຈັດພິທີໝູນລາງວັນແຈກໂຊກຄັ້ງທີ 1 ຂອງລາຍ ການລຸ້ນຊັບຮັບໂຊກປະຈຳປີ 2016 ຂຶ້ນ ໃນວັນທີ 25 ມິຖຸນານີ້ ທີ່ສຳນັກງານໃຫຍ່ທະນາ ຄານດັ່ງກ່າວ ທີ່ນະຄອນຫລວງວຽງຈັນ ເຊິ່ງມີທັງໝົດ 38 ລາງວັນ, ໃນນັ້ນລາງວັນທີໜຶ່ງແມ່ນຄຳແທ່ງໜັກ 50 ບາດ ມີໜຶ່ງລາງວັນ, ລາງວັນທີສອງຄຳໜັກ 10 ບາດ ມີສອງລາງວັນ, ລາງວັນທີສາມ ຄຳໜັກ 3 ບາດ ມີຫ້າລາງວັນ, ລາງວັນທີສີ່ຄຳໜັກ 1 ບາດ ມີສິບລາງວັນ ແລະ ລາງວັນທີຫ້າຄຳໜັກສອງສະຫລຶງ ມີຊາວລາງວັນ.

ອຳນວຍການສູນພາສາອັງກິດອາຊຽນໄດ້ຮັບຄັດເລືອກເຂົ້າຮ່ວມກອງປະຊຸມສຸດຍອດຜູ້ປະກອບການໂລກຄັ້ງທີ 7 ທີ່ສະຫະລັດອາເມລິກາ

    ທ່ານນາງ ອຸໄລພອນ ສີລິມະສັກ ອຳນວຍການສູນພາສາອັງກິດອາຊຽນ (AEC English Center) ໄດ້ຖືກຄັດເລືອກເປັນຕົວແທນຈາກ ສປປ ລາວ ເຂົ້າຮ່ວມກອງປະຊຸມສຸດຍອດຜູ້ປະກອບການທົ່ວໂລກຄັ້ງທີ 7 The Global Entrepreneurship Summit (GES) ທີ່ໄດ້ຈັດຂຶ້ນໃນວັນທີ 22-24 ມິຖຸນານີ້ ທີ່ເມືອງພາໂລອັດໂຕ ລັດກາລິຟໍເນຍ ສະຫະລັດອາເມລິກາ, ພາຍຫລັງໄດ້ຮັບການສະໜັບສະໜູນຈາກສະຖານທູດອາເມລິກາປະຈຳລາວເປັນຜູ້ທີ່ມີແນວຄວາມຄິດປະດິດສ້າງກ່ຽວກັບນະວັດຕະກຳໃໝ່.
    ກອງປະຊຸມດັ່ງກ່າວມີຜູ້ປະກອບການ, ນັກທຸລະກິດ, ນັກລົງທຶນ, ນັກປາຖະກະຖາດ້ານເສດຖະກິດ, ການຄ້າທີ່ມີປະສົບການຈາກທົ່ວໂລກເກືອບພັນຄົນເຂົ້າຮ່ວມ ໂດຍການໃຫ້ກຽດກ່າວໄຂກອງປະຊຸມຂອງທ່ານປະທານາທິບໍດີສະຫະລັດອາເມລິກາ ບາຣັກ ໂອບາມາ.