ຂະແໜງການທ່ອງທ່ຽວລາວນັບວ່າປະສົບຜົນສຳເລັດສູງສົມຄວນໃນການສົ່ງເສີມປີທ່ອງທ່ຽວລາວ
2012 ໂດຍສະເພາະສາມາດດຶງດູດນັກທ່ອງທ່ຽວເຂົ້າ ມາ ສປປ ລາວ ເກືອບ 3 ລ້ານຄົນ
ແລະ ສ້າງລາຍຮັບເຂົ້າປະເທດໄດ້ຫລາຍຮ້ອຍລ້ານໂດລາສະຫະລັດ ເພີ່ມຂຶ້ນເປັນຈຳນວນຫລາຍ
ເມື່ອທຽບໃສ່ຊຸມປີ ຜ່ານມາ ເຊິ່ງພິທີສະຫລຸບປີທ່ອງທ່ຽວ 2012 ກໍໄດ້ຈັດຂຶ້ນຢ່າງຍິ່ງໃຫຍ່ໃນຄ່ຳຄືນຂອງວັນທີ
31 ທັນວາ 2012 ຢູ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ ເຊິ່ງເປັນຄ່ຳຄືນສົ່ງທ້າຍປີເກົ່າຕ້ອນຮັບປີໃໝ່
2013 ໂດຍການໃຫ້ກຽດເຂົ້າຮ່ວມຂອງທ່ານ ອາຊາງ ລາວລີ ຮອງນາຍົກລັດຖະມົນຕີ ແຫ່ງ
ສປປ ລາວ, ມີບັນດາແຂກພາຍໃນ ແລະ ນັກທ່ອງທ່ຽວຕ່າງປະເທດເຂົ້າຮ່ວມເປັນຈຳນວນຫລວງຫລາຍພາຍໃຕ້ບັນຍາກາດອັນເບີກບານມ່ວນຊື່ນ
ແລະ ຟົດຟື້ນ.
ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ
ໃຫ້ຮູ້ວ່າ: ການທ່ອງ ທ່ຽວລາວປີ 2012 ແມ່ນໄດ້ປະກອບສ່ວນສຳຄັນເຂົ້າໃນຂະບວນການພັດທະນາ
ແລະ ສົ່ງເສີມການທ່ອງທ່ຽວລາວໃຫ້ມີຄຸນນະພາບເຊັ່ນ: ພື້ນຖານໂຄງລ່າງ ແລະ ການບໍລິການ,
ການສົ່ງເສີມທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດມີການຂະຫຍາຍຕົວຢ່າງແຂງແຮງ
ສາມາດດຶງດູດນັກທ່ອງທ່ຽວຕ່າງປະເທດເຂົ້າປະເທດໄດ້ເກືອບ 3 ລ້ານຄົນ ແລະ ສ້າງລາຍຮັບເຂົ້າ
ງົບປະມານລັດຫລາຍກວ່າ 420 ລ້ານໂດລາສະຫະລັດ ໂດຍໄດ້ເລັ່ງໃສ່ດຶງດູດການທ່ອ
ງທ່ຽວຈາກການຈັດກິດຈະກຳເທສະການ ແລະ ບຸນປະເພນີຕ່າງໆໃນຂອບເຂດທົ່ວປະເທດເຊັ່ນ:
ເທສະການອາຫານ, ບຸນວັດພູຈຳປາສັກ, ສະຫລອງພະທາດສີໂຄດຕະບອງ, ບຸນຊ້າງ, ບຸນພະເຫວດຢູ່ບັນດາບ້ານຕ່າງໆ,
ເທສະການສົງການປີໃໝ່ລາວ, ບຸນບັ້ງໄຟ, ບຸນເຂົ້າພັນສາຊ່ວງເຮືອ, ບຸນ ທາດຫລວງ,
ບຸນກິນຈຽງຂອງຊາວເຜົ່າມົ້ງ ແລະ ບຸນທາດອີງຮັງ ເຊິ່ງເທສະການດັ່ງກ່າວໄດ້ປະກອບສ່ວນສຳຄັນເຂົ້າໃນການອະນຸລັກປົກປັກຮັກສາຮີດຄອງປະເພນີ
ແລະ ວັດທະນະທຳອັນດີງາມຂອງປະຊາຊົນລາວບັນ ດາເຜົ່າ, ອະນຸລັກຮັກສາປ່າໄມ້, ສັດປ່າ
ແລະ ສິ່ງແວດລ້ອມທາງທຳມະຊາດ, ຊຸກຍູ້ການຜະລິດຂອງປະຊາຊົນເຊັ່ນ: ການຜະລິດກະສິກຳ,
ຫັດຖະກຳ, ເຄື່ອງໃຊ້ ສອຍຕ່າງໆ ອັນເປັນການຍົກລະ ດັບຊີວິດການເປັນຢູ່ຂອງປະຊາ
ຊົນໃຫ້ດີຂຶ້ນເທື່ອລະກ້າວ ແລະ ໃນປີ 2013 ນີ້ ຄາດວ່າຈະມີນັກທ່ອງທ່ຽວເຂົ້າມາທ່ຽວ
ສປປ ລາວ ຫລາຍກວ່າ 3 ລ້ານຄົນ ແລະ ຈະສ້າງລາຍຮັບເຂົ້າງົບປະ ມານໄດ້ຫລາຍກວ່າປີເກົ່າ.
No comments:
Post a Comment