ທ່ານ
ຂັນທອງລືໄຊ ອິນທະວົງ
ອຳນວຍການບໍລິສັດປະກັນໄພດັ່ງກ່າວ, ໄດ້ໃຫ້ສຳພາດເຖິງຄວາມເປັນມາຂອງບໍລິສັດ, ເມື່ອວັນທີ 25 ພຶດສະພານີ້ວ່າ:
ລາວເທບຈະເລີນ ເປັນບໍລິສັດປະກັນໄພທີ່ໄດ້ຮັບການກໍ່ຕັ້ງຂຶ້ນໃໝ່ດ້ວຍການລົງທຶນ 100% ຂອງເອກກະຊົນລາວເຮົາເອງ, ຊຶ່ງໃຫ້ການບໍລິການປະກັນໄພທົ່ວໄປ ແລະ ປະກັນໄພຊີວິດ ແກ່ລູກຄ້າທັງແບບ ສ່ວນບຸກຄົນ ແລະ
ແບບທຸລະກິດ, ເຊິ່ງໄດ້ເປີດໃຫ້ບໍລິການຢ່າງເປັນທາງການໃນວັນທີ 7 ມີນາ
2016, ໂດຍໄດ້ຮັບອະນຸຍາດຈາກ
ກະຊວງແຜນການ ແລະ ການລົງທຶນ,
ດ້ວຍທຶນຈົດທະບຽນ 40 ຕື້ກີບ
ດ້ວຍຜະລິດຕະພັນປະກອບມີ: ປະກັນ
ໄພລົດ, ທີ່ຢູ່ອາໄສ, ການເດີນທາງ, ສ່ວນບຸກຄົນແບບເປັນກຸ່ມ, ອຸປະຕິເຫດແຮງງານ,
ສິນຄ້າໃນລະຫວ່າງການຂົນສົ່ງ, ຄວາມສ່ຽງຂອງອຸປະກອນ,
ຄວາມຮັບຜິດຊອບທາງແພ່ງ, ປະກັນໄພອັກຄີໄພ,
ການຂົນສົ່ງສິນຄ້າ, ປະກັນໄພນັກຫລີ້ນກ໋ອບ,
ການລັກງັດແງະ, ປ້າຍໂຄສະນາ
ແລະ ປະກັນໄພຊີວິດ,
ຊຶ່ງມີຕົວແທນຈຳໜ່າຍຂອງບໍລິສັດຫລາຍກວ່າ 20 ແຫ່ງໃນທົ່ວປະເທດ, ເພື່ອເປັນການເບິ່ງແຍງ ແລະ
ໃຫ້ຄວາມເຊື່ອໝັ້ນຕໍ່ກັບລູກ ຄ້າທີ່ເກີດອຸປະຕິເຫດຕ່າງໆໃນຂອບເຂດທົ່ວປະເທດ, ນອກຈາກນີ້ ບໍລິສັດຍັງມີຫລັກຊັບຄ້ຳປະກັນຄວາມສ່ຽງ ເພື່ອຄວາມໝັ້ນໃຈຂອງລູກຄ້າ ແລະ ຫົວໜ່ວຍທຸລະກິດຕ່າງໆ,
ໃນທຸກໆບັນຫາ ແລະ
ທຸກຜະລິດຕະພັນປະກັນໄພ ເພື່ອແກ້ໄຂບັນຫາຫຍຸ້ງຍາກຕໍ່ກັບປະກັນໄພທີ່ສັງຄົມຄຸ້ນເຄີຍ. ພິເສດ ສຳລັບລູກຄ້າທີ່ເຂົ້າໄປຊື້ປະກັນໄພໃນໄລຍະນີ້ ທາງບໍລິສັດ ຈະມີສ່ວນຫລຸດແບບພິເສດໃຫ້ທຸກທ່ານ ແລະ
ໃນທ້າຍເດືອນສິງຫານີ້, ຍັງຈະມີການຈັບສະຫລາກເລືອກເຟັ້ນຫາຜູ້ໂຊກດີຮັບໂທລະສັບມືຖື
ໄອໂຟນ 6 ເອັສຈາກບໍລິສັດອີກດ້ວຍ.
ລາວເທບຈະເລີນ ປະກັນໄພ ເປັນໜຶ່ງໃນກຸ່ມບໍລິສັດ ລືໄຊ ກໍ່ສ້າງຂົວທາງ ເຄຫາ, ໄຟຟ້າ, ຂາອອກ-ຂາເຂົ້າ ຈຳໜ່າຍລົດຈາກປະເທດຍີ່ປຸ່ນ ແລະ
ອາເມລິກາ, ນອກນີ້ ຍັງເປັນກຸ່ມບໍລິສັດທີ່ສະໜອງເຄື່ີອງ ອາໄຫລ່ລົດປະເພດຕ່າງໆ ແບບຂາຍຍົກ ແລະ
ຂາຍຍ່ອຍໃຫ້ແກ່ລູກຄ້າທົ່ວປະເທດອີກດ້ວຍ.
No comments:
Post a Comment