ກະຊວງໄປສະນີ,
ໂທລະຄົມມານາຄົມ
ແລະ ການສື່ສານ (ປທສ) ໃຫ້ຮູ້ວ່າ: ເມື່ອບໍ່ດົນມານີ້, ຂະແໜງການຕົນໄດ້ອອກຂໍ້ຕົກລົງວ່າດ້ວຍການນໍາເຂົ້າ
ແລະ ຈໍາໜ່າຍອຸປະກອນໄອຊີທີ (ICT) ເພື່ອຄຸ້ມຄອງກວດກາ
ແລະ ຢັ້ງຢືນດ້ານມາດຕະຖານເຕັກນິກ ແລະ
ຄວາມປອດໄພໃຫ້ສອດຄ່ອງຕາມມາດຕະຖານຂອງອົງການສະຫະພາບໂທລະຄົມມະນາຄົມສາກົນ,
ສະມາຄົມວິສະວະກໍາໄຟຟ້າ-ເອເລັກໂຕຣນິກ,
ສະມາຄົມຜູ້ໃຫ້ບໍລິການດ້ານອຸດສາຫະກໍາເຄື່ອຂ່າຍໂທລະສັບມືຖື
ແລະ ມາດຕະຖານແຫ່ງຊາດ. ອັນສໍາຄັນແມ່ນແນ່ໃສ່ໃຫ້ບັນດາຜູ້ປະກອບການ,
ບຸກຄົນ,
ນິຕິບຸກຄົນ
ທີ່ຕ້ອງການນໍາເຂົ້າ ແລະ ການຈຳໜ່າຍອຸປະກອນເພດດັ່ງກ່າວຕ້ອງໄດ້ຮັບອະນຸຍາດຈາກພາກສ່ວນກ່ຽວຂ້ອງ
ເພື່ອໃຫ້ຮັບປະກັນ
ຄຸນນະພາບ
ແລະ ມາດຕະຖານ,
ທັງແນໃສ່ຄວາມເປັນລະບຽບ,
ປອດໄພ
ແລະ ຍຸຕິທຳຕໍ່ສັງຄົມກໍຄືຜູ້ຊົມໃຊ້.
ຂໍ້ຕົກລົງດັ່ງກ່າວຍັງກຳນົດເງື່ອນໄຂຂອງຜູ້ທີ່ມີຈຸດປະສົງດໍາເນີນທຸລະກິດນໍາເຂົ້າ ຫລື
ຈໍາໜ່າຍອຸປະກອນໄອຊີທີ ຄື: ມີທຶນຮອນພຽງພໍຕາມກໍານົດໃນກົດໝາຍວິສະຫະກິດ ແລະ
ກົດໝາຍກ່ຽວຂ້ອງອື່ນໆ, ມີບຸກຄະລາກອນທີ່ມີຄວາມຮູ້ ແລະ
ປະສົບການດ້ານໄອຊີທີໃນລະດັບແນ່ນອນ, ມີສະຖານທີ່ເກັບມ້ຽນ,
ພາຫະນະຂົນສົ່ງ
ແລະ ອຸປະກອນຮັບໃຊ້ໃນການປະຕິບັດວຽກງານດ້ານຕ່າງໆຢ່າງພຽງພໍ ແລະ
ເໜາະສົມກັບຂະໜາດຂອງກິດຈະການ, ມີແຜນດຳເນີນທຸລະກິດຈະແຈ້ງ
ແລະ ສຳ ລັບອຸປະກອນທີ່ຕ້ອງກວດກາທາງດ້ານເຕັກນິກຕ້ອງສົ່ງຕົວຢ່າງ ແລະ
ລາຍລະອຽດຕ່າງໆກ່ອນການນຳເຂົ້າຢ່າງໜ້ອຍ 15 ວັນລັດຖະການ
ແລະ ຜ່ານການຢັ້ງຢືນການນຳເຂົ້າແລ້ວຈຶ່ງຈະສາມາດໄດ້ຮັບການຕິດກາໝາຍຢັ້ງຢືນ.
No comments:
Post a Comment