ທ່ານ ສີພາ ນົງລາດ ອຳນວຍການສະຖານີວິທະຍຸກະຈາຍສຽງແຫ່ງຊາດລາວ
ໃຫ້ສຳພາດຕໍ່ນັກຂ່າວໜັງສືພິມລາວພັດທະນາ ເມື່ອບໍ່ດົນມານີ້ ກ່ຽວກັບການເຄື່ອນໄຫວວຽກງານຂອງສະ
ຖານີວິທະຍຸແຫ່ງຊາດໃນໜຶ່ງປີ ຜ່ານມາວ່າ: ໜຶ່ງປີຜ່ານມາ ເຖິງວ່າສະພາບແວດລ້ອມພາຍນອກໄດ້ຜັນແປຢ່າງສະຫລັບສັບຊ້ອນ
ແລະ ມີຜົນກະທົບຮ້າຍແຮງໃນຫລາຍດ້ານ, ສ່ວນຢູ່ພາຍໃນປະເທດພວກເຮົາກໍໄດ້ປະສົບກັບໄພທຳມະຊາດ
ແລະ ບັນຫາທ້າທາຍຫລາຍປະການ, ແຕ່ພະນັກງານ, ປະຊາຊົນບັນດາເຜົ່າມີຄວາມພາກພູມໃຈທີ່ເຫັນວ່າພາຍໃຕ້ການນຳພາຂອງພັກ-ລັດ
ໄດ້ເຮັດໃຫ້ຊີວິດການເປັນຢູ່ດີຂຶ້ນ, ລະ ບອບການເມືອງມີສະຖຽນລະພາບ, ສັງຄົມມີຄວາມສະຫງົບປອດໄພ
ແລະ ມີຄວາມເປັນລະ ບຽບຮຽບຮ້ອຍ, ທົ່ວພັກ, ທົ່ວປວງຊົນພວມສຸມໃສ່ການຈັດຕັ້ງ
ປະຕິບັດມະຕິກອງປະຊຸມໃຫຍ່ ຄັ້ງທີ IX, ຈັດຕັ້ງປະຕິບັດ 4 ບຸກ ທະລຸ ແລະ 3 ສ້າງ
ເພື່ອແນໃສ່ລຶບລ້າງຄວາມທຸກຍາກຂອງປະຊາຊົນໃຫ້ໄດ້ໂດຍພື້ນຖານ
ໃນປີ 2015 ແລະ ນຳເອົາປະເທດຊາດໃຫ້ຫລຸດພົ້ນອອກຈາກສະ ຖານະພາບປະເທດດ້ອຍພັດທະ
ນາ ໃນປີ 2020.
ທ່ານອຳນວຍການສະຖານີວິທະຍຸກະຈາຍສຽງແຫ່ງຊາດ
ກ່າວວ່າ: ສຳລັບວຽກງານພາຍໃນວິທະຍຸໃນໜຶ່ງປີຜ່ານມານີ້ ແມ່ນໄດ້ເຮັດສຳເລັດໜ້າທີ່ການເມືອງຂອງພັກ-ລັດ
ແລະ ປະຊາ ຊົນມອບໝາຍໃຫ້ ໂດຍການໂຄ ສະນາເຜີຍແຜ່ແຜນຍຸດທະສາດຂອງມະຕິກອງປະຊຸມໃຫຍ່
ຄັ້ງທີ IX ຂອງພັກ ທັງເຜີຍແຜ່ມະຕິຄຳສັ່ງ, ລະບຽບກົດໝາຍ, ແນວ ທາງນະໂຍບາຍຂອງພັກ
ແຜນພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານສຶກສາ,
ສາທາ, ວັດທະນະທຳ ແລະ ການທ່ອງທ່ຽວ, ການພົວ ພັນ ແລະ ການຮ່ວມມືກັບຕ່າງ ປະເທດ.
ພິເສດແມ່ນໂຄສະນາໃຫ້ແກ່ 2 ວັນປະຫວັດສາດການຮ່ວມມື ລາວ-ຫວຽດນາມ, ກອງປະຊຸມທຸລະກິດ,
ກອງປະຊຸມພາກປະຊາຊົນ, ກອງປະຊຸມອາແຊັບ 7 - ອາເຊັມ 9, ງານມະຫະ ກຳກິລາມະຫາວິທະ
ຍາໄລອາຊຽນ ແລະ ດ້ານອື່ນໆຕາມທິດຊີ້ນຳຂອງພັກ ແລະ ລັດ. ນອກ ຈາກນີ້ ໃນດ້ານວິຊາສະເພາະ
ລະບົບເຕັກນິກ ແລະ ການຍົກລະດັບຊັບພະຍາກອນແມ່ນໄດ້ມີການວາງແຜນຍຸດທະສາດພັດ
ທະນາລະບົບເຕັກນິກສຽງ IT, ເຄື່ອງສົ່ງຢູ່ສູນກາງ, ຂະຫຍາຍສະຖານີເຄືອຂ່າຍສັນຍານຕໍ່ໄປສູ່ເຂດຈຸດສຸມບູລິມະສິດເປົ້າໝາຍແຂວງ-ເມືອງທີ່ທຸກຍາກ
ໂດຍສະເພາະເຂດຈຸດບອດສັນຍານວິທະ ຍຸໄປບໍ່ຮອດບໍ່ເຖິງ, ຈັດຕັ້ງເຝິກ ອົບຮົມເພື່ອຍົກລະດັບການນຳໃຊ້ເຄື່ອງເຕັກນິກ,
ຄອມພິວເຕີ ແລະ ເຄື່ອງຮັບໃຊ້ໃນການຜະລິດລາຍ ການ. ພ້ອມກັນນີ້ ໄດ້ຮັບຜົນສຳເລັດຫລາຍປະການໃນການຈັດ
ຕັ້ງປະຕິບັດວຽກງານຕ່າງປະເທດ ແລະ ການຮ່ວມມືຕາມແນວ ທາງນະໂຍບາຍຂອງພັກ ໂດຍສະເພາະການແລກປ່ຽນບົດຮຽນຂໍ້ມູນຂ່າວສານ,
ການເຝິກອົບຮົມວິຊາການໃຫ້ທຶນຊ່ວຍເຫລືອອຸ ປະກອນເຕັກນິກຕ່າງໆ ໂດຍສະເພາະການຮ່ວມມືແບບພິເສດກັບວິທະຍຸ
ສສ ຫວຽດນາມ, ວິທະຍຸສາກົນແຫ່ງປະເທດຈີນ, ຝຣັ່ງ, ອົດສະຕຣາລີ, ວິທະຍຸກຸ່ມອາຊຽນ,
ອົງການອຸຍນີເຊັບ ແລະ ອົງການຈັດຕັ້ງສາກົນອື່ນໆ.
No comments:
Post a Comment