ກອງທຶນຫລຸດຜ່ອນຄວາມທຸກຍາກໄດ້ໃຫ້ຄວາມສຳຄັນ
ແລະ ເອົາໃຈໃສ່ຕໍ່ວຽກງານປັບປຸງຊີ ວິດການ ເປັນຢູ່ເພື່ອຄ້ຳປະກັນດ້ານໂພຊະນາການ
ໂດຍໄດ້ມີການສ້າງຕັ້ງເປັນໂຄງການຂຶ້ນເພື່ອທົດລອງ ຮູບແບບວິທີ ການຈັດຕັ້ງປະ ຕິບັດວຽກງານປັບປຸງຊີວິດການເປັນຢູ່ໂດຍນຳໃຊ້ການພັດທະນາທີ່ປະຕິບັດ ໂດຍປະຊາຊົນ.
ທ່ານ ບຸນກວ້າງ ສຸວັນນະພັນ
ຜູ້ອຳນວຍການບໍລິຫານ ກອງທຶນຫລຸດຜ່ອນຄວາມທຸກຍາກ (ທລຍ)
ກ່າວໃນໂອກາດເປີດຊຸດເຝິກອົບຮົມກ່ຽວກັບການປຸງແຕ່ງອາ ຫານ ແລະ
ແປຮູບຜະລິດຕະພັນກະສິກຳ ໃຫ້ແກ່ພະນັກງານຂັ້ນແຂວງ, ເມືອງຂອງກອງທຶນ ທລຍ
ແຕ່ວັນທີ 4-5 ກຸມພານີ້ ຢູ່ວິ ທະຍາໄລເຕັກນິກປາກປ່າສັກ ໂດຍທ່ານໃຫ້ຮູ້ວ່າ:
ການປຸງແຕ່ງອາຫານ ແລະ ແປຮູບຜະລິດຕະ ພັນກະສິກຳແມ່ນວຽກໜຶ່ງທີ່ສຳ ຄັນຫລາຍ ເນື່ອງຈາກວ່າຈຸດ
ປະສົງຂອງໂຄງການປັບປຸງຊີວິດການເປັນຢູ່
ເພື່ອຄ້ຳປະກັນດ້ານ ໂພຊະນາການ ຂອງກອງທຶນຫລຸດຜ່ອນຄວາມທຸກຍາກ ແມ່ນເພື່ອທົດລອງຮູບແບບວິທີການຈັດຕັ້ງປະຕິບັດວຽກງານປັບປຸງຊີວິດການເປັນຢູ່ໂດຍນຳໃຊ້ການພັດທະນາ
ທີ່ປະຕິບັດໂດຍ ປະຊາຊົນໃນຮູບແບບໃໝ່ຢູ່ 5 ເມືອງທຸກຍາກທີ່ ເປັນບູລິມະສິດໃນການແກ້ໄຂຄວາມທຸກຍາກຢູ່ແຂວງຫົວພັນ
ແລະ ແຂວງສະຫວັນນະເຂດ, ໃນ ນັ້ນ ເປົ້າໝາຍຂອງຜູ້ທີ່ໄດ້ຮັບຜົນປະໂຫຍດກວມ 28.000
ກວ່າຄອບຄົວ ຢູ່ເຂດຊົນນະບົດຈະຕ້ອງໄດ້ຮັບ ການປັບປຸງ ແລະ ຍົກ
ລະດັບຊີວິດການເປັນຢູ່ດີຂຶ້ນ ໂດຍ ຜ່ານກິດຈະກຳເຮັດວຽກ ຮ່ວມກັນເປັນກຸ່ມແລະວຽກງານໂພຊະນາການແມ່ນວຽກໜຶ່ງທີ່ສຳຄັນສຳລັບໂຄງການໂດຍສະເພາະການສ້າງຄວາມເຂັ້ມແຂງໃຫ້
ພະນັກງານ ແລະ ປະຊາຊົນ ກໍຄືການສ້າງນັກພັດທະນາໃຫ້ແກ່ບ້ານໂດຍກົງເພື່ອຈັດຕັ້ງປະຕິບັດເປົ້າໝາຍສະ
ຫັດສະວັດເຂົ້າສູ່ຊີວິດຕົວຈິງໃນບ້ານທຸກຍາກ.
ການແກ້ໄຂຄວາມທຸກຍາກ
ແມ່ນກ່ຽວພັນກັບຫລາຍປັດໄຈ ແລະ ຫລາຍບັນຫາ
ໂດຍສະເພາະວຽກງານປັບປຸງຊີວິດການເປັນຢູ່
ແລະ ໂພຊະນາການ, ການທີ່ຈະເຮັດໃຫ້ຊີວິດການເປັນຢູ່ຂອງປະ
ຊາຊົນຜູ້ທຸກຍາກດີຂຶ້ນ, ມີລາຍຮັບ, ມີອາຫານໄວ້ບໍລິໂພກພຽງພໍ
ຖືກຕ້ອງຕາມຫລັກໂພຊະນາການ
ແມ່ນສິ່ງທ້າທາຍສຳລັບໂຄງການປັບປຸງຊີວິດການເປັນຢູ່ ເພື່ອຄ້ຳ
ປະກັນດ້ານໂພຊະນາການ. ສະ ນັ້ນ ເພື່ອເຮັດໃຫ້ວຽກງານໂພຊະ ນາການປະສົບຜົນສຳເລັດນັ້ນ
ຈະ ຕ້ອງໄດ້ຕິດພັນກັບວຽກງານລາຍຮັບ ກໍຄືວຽກປັບປຸງຊີວິດການ ເປັນຢູ່
ເພື່ອສ້າງເງື່ອນໄຂໃຫ້ແກ່ ການຄ້ຳປະກັນສະບຽງອາຫານ, ການມີວຽກເຮັດງານທຳ, ມີລາຍ
ຮັບຕໍ່ເນື່ອງ ຈຶ່ງຈະສາມາດແກ້ໄຂ ຄວາມທຸກຍາກໃຫ້ແກ່ປະຊາຊົນ ຢູ່ເຂດຊົນນະບົດໄດ້
ເພາະວ່າຖ້າ ບໍ່ມີວຽກເຮັດງານທຳ ຫລື ບໍ່ມີ ການຜະລິດ ກໍຈະບໍ່ມີລາຍຮັບ, ຖ້າ
ບໍ່ມີການຜະລິດ ກໍຈະບໍ່ມີອາຫານ ເພື່ອບໍລິໂພກພຽງພໍ, ຖ້າບໍ່ມີອາ ຫານພຽງພໍ
ກໍຈະເຮັດໃຫ້ຄົນເຮົາ ກິນອາຫານບໍ່ຄົບໝວດໝູ່ ນັ້ນກໍ ໝາຍຄວາມວ່າ ບໍ່ມີໂພຊະນາ ການ ແລະ
ກໍຈະມີຜົນກະທົບຕໍ່ ຮ່າງກາຍນັ້ນເອງ.
No comments:
Post a Comment