ສະຖານທູດຍີ່ປຸ່ນປະຈຳລາວຈັດ ງານລ້ຽງສົ່ງຄູລາວຂັ້ນຕົ້ນ

           ສະຖານເອກອັກຄະຣາຊະທູດຍີ່ປຸ່ນປະຈຳລາວ ຮ່ວມກັບກະຊວງການຕ່າງປະເທດ, ກະຊວງສຶກ ສາທິການ ແລະ ກິລາຂອງສປປ ລາວ ຈັດງານລ້ຽງສົ່ງຄະນະຄູລາວຂັ້ນ ຕົ້ນຈຳນວນ 20 ຄົນ ເຂົ້າ ຮ່ວມ ລາຍການ jenesys ທ່ີ ປະເທດຍີ່ປຸ່ນ ພາຍໃຕ້ຫົວຂໍ້ ”ການສຶກສາຂັ້ນຕົ້ນຢູ່ລາວ ແລະ ຍີ່ປຸ່ນ” ໃນວັນທີ 12 ກຸມພາ 2012 ທີ່ໂຮງແຮມລາວພລາຊາ ນະຄອນຫລວງ ວຽງຈັນ. ເປັນກຽດເຂົ້າຮ່ວມໂດຍທ່ານ ນາງ ຈັນທະ ວອນ ພັນດຳນອງ ຮອງຫົວໜ້າກົມແຜນການ ແລະ ການຮ່ວມມືສາກົນ ຂອງກະຊວງສຶກສາທິການ ແລະ ກິລາ, ມີພະນັກງານກ່ຽວຂ້ອງເຂົ້າຮ່ວມ.

         ຄະນະຄູດັ່ງກ່າວ ໄດ້ອອກ ເດີນທາງ ໃນວັນທີ 14 ກຸມພາ 2012. ລາຍການນີ້ຈະໄດ້ຈັດຂຶ້ນ ເປັນເວລາ 1 ອາທິດ ແລະ ເປັນ ລາຍການແລກປ່ຽນບົດຮຽນ ຊາວໜຸ່ມໃນຂົງເຂດພາກພື້ນ ອາ ຊີ-ປາຊີຟິກ ຊຶ່ງໄດ້ເລີ່ມ ແຕ່ປີ 2007 ເປັນຕົ້ນມາ. ໃນໄລຍະຜ່ານມາຊາວໜຸ່ມລາວຈຳນວນຫລາຍ ກວ່າ 500 ຄົນ ກໍໄດ້ໄປມາແລ້ວ. ສຳລັບຄັ້ງນີ້ ຜູ້ເຂົ້າຮ່ວມສ່ວນຫລາຍແມ່ນ ຄູໂຮງຮຽນປະຖົມທີ່ຖືກຄັດເລືອກຈາກຕ່າງແຂວງເຊັ່ນ:ອຸດົມ ໄຊ, ຊຽງຂວາງ, ຫລວງນ້ຳທາ, ຫລວງພະບາງ, ບໍລິຄຳໄຊ, ຄຳມ່ວນ, ສະຫວັນນະເຂດ, ຈຳປາສັກ ແລະ ນະຄອນ ຫລວງວຽງຈັນ. ພາຍຫລັງໄປຮອດນະຄອນຫລວງໂຕກຽວແລ້ວ,

ຄະນະຄູລາວ ຈະໄປຢ້ຽມຢາມແຂວງນາກາ ສາກິ, ມະຫາວິທະຍາໄລ ນາກາສາກິ, ໂຮງຮຽນປະຖົມເມືອງອີສາຮະຢະ ແລະ ເຂົ້າຮ່ວມສຳມະນາກັບຄູ ຍີ່ປຸ່ນທັງນີ້ກໍເພື່ອເປັນການແລກປ່ຽນຄຳຄິດຄຳ ເຫັນກ່ຽວກັບການສຶກສາຂັ້ນຕົ້ນຂອງຄູສອງປະ ເທດລາວ-ຍີ່ປຸ່ນ.

       ໂອກາດນີ້ ທ່ານນາງ ຈັນທະວອນ ພັນດຳນອງ ກໍໄດ້ອວຍໄຊໃຫ້ພອນແກ່ຄະນະຄູລາວ ແລະ ສະແດງຄຳ ຂອບອົກຂອບໃຈມາຍັງບັນດາພາກສ່ວນທີ່ກ່ຽວຂ້ອງຕ່າງໆພ້ອມທັງເຊື່ອໝັ້ນວ່າ: ຄະນະຄູລາວຈະ ໄດ້ຮັບຜົນ ສຳເລັດໃນການເຂົ້າຮ່ວມງານ ເຈນນິດຊີ ໃນຄັ້ງນີ້ ແລະ ຖ່າຍທອດບົດຮຽນທີ່ມີຜົນປະໂຫຍດອັນລ້ຳຄ່າເພື່ອ ມາປັບປຸງການສຶກສາຂັ້ນຕົ້ນໃຫ້ດີຂຶ້ນ ແລະ ສົ່ງເສີມຄວາມຮັກແພງສາມັກຄີລະຫວ່າງລາວ- ຍີ່ປຸ່ນ ໃຫ້ນັບມື້ ນັບແໜ້ນແຟ້ນຍິ່ງຂຶ້ນກວ່າເກົ່າ.