ສະຖານີ​ຂົນ​ສົ່ງ​ໂດຍສານ​ສາຍ​​ເໜືອ​ເນັ້ນຄວາມ​ປອດ​ໄພ​ແກ່​ຜູ້​ໂດຍສານ​ໃນ​ໄລຍະ​ປີ​ໃໝ່ລາວ​

ທ່ານ ນາງ ຈິດ​ປະສົງ ດວງ​ເມກ​ມີ​ໄຊ ອຳນວຍ​ການສະຖານີ​ຂົນ​ສົ່ງ​ໂດຍ ສານ​ສາຍ​ເໜືອໄດ້ ໃຫ້​ສຳພາດ​ຕໍ່ນັກ​ຂ່າ​ວພວ​ກ​ເຮົາໃນວັນທີ 8 ເມສາ ນີ້​ວ່າ: ຄືດັ່ງ ​ທຸກປີຜ່ານມາ​ໃນ​ໄລຍະ​ບຸນປີໃໝ່ລາວ​ແມ່ນ​ຈະ​ມີ​ຜູ້​ຄົນ​ເດີນ ທາງ​ ເພື່ອ​​ຢ້ຽມຢາມ​ຄອບຄົວ, ຍາດພີ່ນ້ອງ ແລະ ທ່ອງທ່ຽວເປັນຈຳນວນ ຫຼາຍ, ສະນັ້ນສະຖານີໂດຍ ສານພວກ ເຮົາໄດ້ມີການ ກຽມຄວາມ ພ້ອມ ທຸກດ້ານໃນການຮອງຮັບ ຜູ້ໂດຍສານ ໄດ້ເດີນທາງດ້ວຍຄວາມສະດວກສະ ບາຍ ແລະ ປອດໄພດີ ໂດຍສະເພາະແມ່ນ ໄດ້ກຽມລົດ ໂດຍສານໄວ້ເປັນຈຳນວນຫຼາຍຄັນທຸກແຂວງຂອງສາຍທາງເໜືອ ເຊັ່ນ: ລົດເມ 45 ບ່ອນນັ່ງ, ຕົວຢ່າງ ແຂວງ ຫຼວງພະບາງປັດຈຸບັນມີລົດ 12 ຄັນ ແຕ່ສຳ ລັບປີໃໝ່ລາວ ແມ່ນເພີ່ມອີກ 12 ຄັນ ແລະ ລົດຕູ້ອີກ ຈຳນວນໜຶ່ງ, ໂດຍບໍ່ມີການຈັດແບ່ງເວລາໃນການອອກເດີນ ທາງໝາຍ ຄວາມວ່າ: ລົດຄັນໃດມີຜູ້ໂດຍ ສານ ເຕັມແມ່ນຈະອອກເດີນທາງທັນທີ, ເພື່ອຫຼຸດຜ່ອນຄວາມ ແອອັດຂອງຜູ້ໂດຍສານ ແລະ ເພື່ອຮັບປະກັນຄວາມ ປອດໄພ ຂອງຜູ້ໂດຍສານ ພວກເຮົາໄດ້.     ໃຫ້ເຈົ້າໜ້າທີ່ຈາກພະແນກໂຍ ທາທິການ ແລະ ຂົນສົ່ງ ນະຄອນຫຼວງ ວຽງຈັນມາປະ ຈຳຢູ່ສະຖານີເພື່ອກວດກາສະພາບເຕັກນິກລົດ ແລະ ຜູ້ຂັບລົດ ທຸກໆຄັ້ງກ່ອນຈະອອກເດີນທາງ ເພື່ອຮັບປະກັນຄວາມ ປອດໄພຂອງຜູ້ໂດຍສານ.

ສຳລັບລາຄາຄ່າໂດຍສານແລ້ວແມ່ນຍັງຄືເກົ່າຄື:  ນະຄອນຫຼວງວຽງຈັນ-ຜົ້ງສາລີ 195.000ກີບ, ນະຄອນ ຫຼວງ-ຫຼວງພະ​ບາງ 110.000-150.000 ກີບ, ​ ນະຄອນຫຼວງ-​ໄຊ​ຍະ​ບູລີ 110.000 -150.000 ກີບ, ນະຄອນ ຫຼວງ-ຊຽງຂວາງ 110.000 -130.000 ກີບ, ນະຄອນຫຼວງ-ຊຳເໜືອ 170.000 -210.000ກີບ, ນະຄອນຫຼວງ-ຫຼວງນ້ຳທາ 200000 ກີບ, ນະຄອນຫຼວງ-ອຸດົມໄຊ 150.000-190.000 ກີບ, ນະຄອນຫຼວງ-ບໍ່ແກ້ວ 230.000-250.000 ກີບ ຕາມປະເພດລົດ.