ສະຫາຍຮອງນາຍົກລັດຖະມົນຕີ ອາຊາງ ລາວລີ ເນັ້ນຄະນະພັກແຂວງສາລະວັນສູ້ໍຊົນແກ້ໄຂຄວາມທຸກຍາກຂອງປະຊາຊົນໃຫ້ໄດ້ຢ່າງສິ້ນເຊີງ

ເຖິງວ່າອົງຄະນະພັກແຂວງສາລະວັນ ປະສົບຜົນສຳເລັດຕໍ່ການນຳພາຫລາຍດ້ານທີ່ເປັນພື້ນຖານ ໜັກແໜ້ນໃຫ້ແກ່ການ ສືບຕໍ່ເສີມຂະຫຍາຍໃນຂັ້ນຕໍ່ໄປ ,ແຕ່ເມື່ອທຽບໃສ່ຄວາມຮຽກ ຮ້ອງ ຕ້ອງການກໍຄືກາລະໂອກາດອຳນວຍທັງມີສິ່ງທ້າທາຍ ທົດສອບຫລາຍປະ ການທີ່ ຕ້ອງໄດ້ ສູ້ຊົນບຸກບືນໃຫ້ຫລາຍຂຶ້ນໂດຍສະເພາະການແກ້ໄຂ ຄວາມຫຍຸ້ງຍາກແຕ່ລະດ້ານເພື່ອ ສືບຕໍ່ປະຕິບັດ 2 ໜ້າທີ່ຍຸດທະສາດຂອງພັກກໍຄືການແກ້ໄຂ ຄວາມທຸກ ຍາກຂອງປະ ຊາຊົນຕິດພັນກັບ ການຍູ້ແຮງການຜະລິດເປັນສິນຄ້າ, ການປະຕິບັດວຽກງານ 3 ສ້າງ ແລະ ອື່ນໆເຊ່ິງສະຫາຍອາຊາງລາວລີກຳມະການກົມການເມືອງສູນກາງພັກ, ຮອງນາຍົກລັດຖະ ມົນຕີໄດ້ເນັ້ນໃຫ້ອົງຄະນະພັກແຂວງດັ່ງກ່າວໃນວັນທີ 10 ກໍລະກົດນີ້ວ່າ: ໃນຊຸມປີຕໍ່ໜ້າຕ້ອງ ຫັນປ່ຽນແຕ່ລະດ້ານຢ່າງຕັ້ງໜ້າທັງການເມືອງ, ເສດຖະກິດ, ວັດທະນະທໍາສັງຄົມເພື່ອຍາດແຍ່ງເອົາຜົນປະໂຫຍດສູງສຸດ ຈາກການເຊື່ອມໂຍງ ແລະການຮ່ວມມືໃຫ້ໄດ້ຫລາຍຂຶ້ນເພື່ອເຮັດໃຫ້ປະຊາຊົນບັນດາເຜົ່າຫລຸດພົ້ນອອກຈາກຄວາມທຸກ ຍາກຢ່າງສິ້ນເຊີງ.  

ສະຫາຍ ອາຊາງ ລາວລີ ເນັ້ນວ່າ: ການທີ່ຈະຫັນປ່ຽນແຕ່ລະ​ໂອກາດດັ່ງກ່າວສຳເລັດນັ້ນຕ້ອງເພີ່ມທະວີຄວາມສາ ມາດການແກ້ງແຍ່ງແຂ່ງຂັນຂອງທຸລະກິດພາຍໃນກັບທຸລະກິດຕ່າງປະເທດ ,ຂະນະດຽວກັນກໍຕ້ານຜົນກະທົບ ແລະ ຄວາມ ຮຸນແຮງຈາກພາຍນອກໂດຍການຕິດຕາມກຳແໜ້ນສະພາບການຜັນແປຂອງໂລກທີ່ເກີດຂຶ້ນແຕ່ລະໄລຍະຢ່າງຈົດຈໍ່ເພື່ອມີສະຕິລະວັງຕົວ ແລະ ມີສະຕິກຽມພ້ອມທຸກເວລາເພື່ອເປັນເງື່ອນໄຂໃຫ້ແກ່ການພັດທະນາເສດຖະກິດ-ສັງຄົມຂະຫຍາຍຕົວ ແລະ ປະກອບ ສ່ວນສຳຄັນຕໍ່ການຫັນເປັນອຸດສາຫະກຳ ແລະ ທັນສະໄໝຂອງປະເທດເຮົາ. ຂະນະທີ່ວຽກຮີບດ່ວນ ແລະ ເປັນພື້ນຖານຂອງ ການພັດທະນາຕ້ອງໄດ້ສຸມໃສ່ແກ້ໄຂຄວາມທຸກຍາກຂອງປະຊາຊົນໃຫ້ໄດ້ຢ່າງສິ້ນເຊີງໃນປີ 2020 ໂດຍຊຸກຍູ້ຂະບວນການ ຜະລິດເປັນສິນຄ້າທັງສ້າງໃຫ້ເກີດການຫັນປ່ຽນການພັດທະນາແຕ່ຮາກຖານຄອບຄົວແລະບ້ານຂຶ້ນມາ. ນອກນີ້ຕ້ອງສ້າງພະ ນັກງານທີ່ສາມາດນຳພາປະຊາຊົນໃຫ້ເປັນຮູບປະທຳທັງສືບຕໍ່ສຶກສາອົບຮົມປະຊາຊົນບັນດາເຜົ່າເສີມຂະຫຍາຍມູນເຊື້ອຮັກຊາດຄວາມສາມັກຄີຊ່ວຍເຫລືອກັນທັງມີສະຕິລະວັງຕົວຕໍ່ການເຄື່ອນໄຫວຂອງອິດທິກຳລັງປໍລະປັກທັງເອົາໃຈໃສ່ຕ້ານ ແລະ ສະກັດກັ້ນ ການສວຍໃຊ້ບັນຫາເຜົ່າ, ສາສະໜາ, ຢາເສບຕິດເພື່ອແບ່ງແຍກຄວາມສາມັກຄີ, ກໍ່ຄວາມວຸ້ນວາຍຫຍຸ້ງຍາກ ໃຫ້ແກ່ການທຳມາຫາກິນຂອງປະຊາຊົນເຊ່ິງກຳລັງປ້ອງກັນຊາດປ້ອງກັນຄວາມສະຫງົບຕ້ອງໄດ້ລົງຮາກຖານເຮັດຕົວຈິງເພື່ອກໍ່ສ້າງຮາກຖານການເມືອງ,ພັດທະນາຊົນນະບົດຮອບດ້ານຕິດພັນກັບ 3 ສ້າງແລະລຶບລ້າງຄວາມທຸກຍາກຂອງປະຊາຊົນບັນດາເຜົ່າຢ່າງແຂງແຮງ,ປັບປຸງລະບົບການເມືອງ, ບູລະນະລະບອບປະຊາ ທິປະໄຕ ປະຊາຊົນ, ປົກປັກຮັກສາອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດລາວເຮົາໄວ້ຢ່າງໝັ້ນຄົງ. ການພັດທະນາເສດຖະກິດ-ສັງຄົມນັ້ນຕ້ອງເອົາໃຈໃສ່ຢ່າງແຂງແຮງຕາມໂຄງປະກອບກະສິກຳປ່າໄມ້, ອຸດສາຫະກຳ ແລະ ການບໍລິການຕິດພັນກັບກົນໄກເສດຖະກິດຕະຫລາດ,ຍູ້ແຮງການຜະລິດສິນຄ້າຕາມທ່າແຮງ ແລະ ມູນເຊື້ອດຸໝັ່ນຂອງ ປະຊາຊົນບັນດາເຜົ່າ, ຜັນຂະຫຍາຍແນວທາງເສດຖະກິດຂອງພັກໃຫ້ເລິກເຊິ່ງເປັນຕົ້ນການຜະລິດແບບຍືນ ຍົງຕິດພັນກັບການປົກປັກຮັກສາສິ່ງແວດລ້ອມ, ການສົ່ງອອກ ແລະ ທົດແທນການນຳເຂົ້າ. ການພັດທະນາສັງຄົມກໍ ຕ້ອງເພີ່ມທະວີຄວາມເອົາໃຈໃສ່ຕໍ່ການສຶກສາ, ສາທາລະນະສຸກ, ຖະແຫລງຂ່າວ, ວັດທະນະທຳ, ທ່ອງທ່ຽວ ແລະ ແຮງງານສະຫວັດດີການສັງຄົມເພື່ອບັນລຸເປົ້າໝາຍສະຫະສະວັດ(MGs) ໃນປີ  2020.ຂະນະທີ່ການກໍ່ສ້າງພັກພະ ນັກງານກໍຕ້ອງສຸມໃສ່ປັບປຸງ, ກໍ່ສ້າງລະບົບການ ເມືອງ, ສ້າງໜ່ວຍພັກແຂງຮູ້ນໍາຮອບດ້ານ, ເຮັດວຽກງານ 3 ສ້າງ ,ສືບຕໍ່ປະຕິບັດບາດກ້າວບຸກທະລູ 4 ດ້ານເພື່ອໃຫ້ລະບົບການ ເມືອງໝັ້ນຄົງໜັກແໜ້ນຂຶ້ນກ່ວາເກົ່າ, ລະບົບອໍານາດ ລັດເຂັ້ມແຂງ ແລະ ສັກສິດໂດຍພັກມີບົດບາດສໍາຄັນຕໍ່ການນໍາພາບ້ານ ,ເມືອງ, ແຂວງ ແລະ ປະເທດຊາດກ້າວຂຶ້ນສູ່ສັງຄົມນິຍົມຢ່າງໜັກແໜ້ນ.