ຊົມເຊີຍພົນລະເມືອງດີສາມາດຈັບໂຈນຊີງຊັບໄດ້ຫຼັງກໍ່ເຫດ

        ປະຊາຊົນເຂດ ບ້ານດົງປ່າລານ ເມືອງສີສັດຕະນາກ ນະຄອນຫຼວງວຽງຈັນ ຫຼາຍສິບຄົນຕ່າງກໍໄດ້ລວມກຳລັງຈັບຊາຍສະກັນຜູ້ໜຶ່ງເພື່ອນຳສົ່ງເຈົ້າໜ້າທີ່ ປກສ ເມືອງສີສັດຕະ ນາກດຳເນີນຄະດີຫຼັງຜູ້ກ່ຽວກໍ່ເຫດ ຊີງຊັບປະຊາຊົນຢູ່ເຂດວົງວຽນ ຖະໜົນຄູວຽງຕໍ່ໜ້າໂຮງຮຽນຄອມເຊັນເຕີໂດຍ ເຫດການດັ່ງກ່າວເກີດຂຶ້ນໃນຕອນ ແລງວັນທີ 12 ກຸມພານີ້.

         ເຈົ້າໜ້າທີ່ ປກສ ເມືອງສີສັດຕະນາກ ນະຄອນຫຼວງ ວຽງຈັນ ໃຫ້ຮູ້ວ່າ:ພາຍ ຫຼັງໄດ້ຮັບແຈ້ງເກີດເຫດຄົນຮ້າຍຊີງ ຊັບຢູ່ເຂດຖະໜົນຄູວຽງ ກໍໄດ້ຈັດກຳລັງໄປເຖີງ ສະຖານ ທີ່ດັ່ງກ່າວ ແລະ ພົບ ຫັນປະຊາຊົນທີ່ຢູ່ໃກ້ ແລະ ຜູ້ໃຊ້ຖະໜົນເສັ້ນທາງດັ່ງກ່າວຕ່າງກໍໄດ້ເປັນເຈົ້າການນຳຈັບຄົນຮ້າຍ ທີ່ກໍ່ເຫດຊີງຊັບດັ່ງກ່າວສືບສວນ-ສອບສວນ ແລະ ໄດ້ຮູ້ຊື່ຄົນຮ້າຍຄື ທ້າວ ໂຈກ ອາຍຸ 30 ປີ ຢູ່ບ້ານສະພານທອງເໜືອເມືອງສີ ສັດຕະນາກ ນະຄອນຫຼວງວຽງຈັນ ໂດຍຜູ້ ກ່ຽວໄດ້ຮັບສາລະພາບວ່າ: ຕົນໄດ້ກໍ່ເຫດຊີງຊັບຍິງສາວຜູ້ໜຶ່ງທີ່ພວມຂີ່ລົດຈັກ ແລະ ຂັບລົດໜີໄປ, ແຕ່ໃນຂະນະນັ້ນລົດ ເສຍຄວາມຊົງໂຕລົ້ມລົງກ່ອນຈະມີພົນລະເມືອງດີໄດ້ມາຈັບສົ່ງໃຫ້ເຈົ້າໜ້າທີ່ດຳເນີນຄະ ດີຕໍ່ໄປ.