ປີໜຶ່ງຜ່ານມາຢູ່ເມືອງສີສັດຕະນາກມີຄະດີເກີດຂຶ້ນ 256 ເລື່ອງ ຫຼຸດລົງ 6,9% ທຽບໃສ່ປີ 2011

           ກອງບັນຊາການ ປກສ ເມືອງ ສີສັດຕະນາກ ນະຄອນ ຫຼວງວຽງຈັນ ໄດ້ຈັດກອງປະຊຸມ ສະຫຼຸບ ວຽກງານ ປ້ອງກັນ ຄວາມ ສະຫງົບ 1 ປີ ຜ່ານມາ ຢູ່ ຫ້ອງການປົກຄອງ ເມືອງຂອງ ຕົນ ໃນວັນທີ 13 ກຸມພາ ນີ້ ໂດຍ ການ ຂົ້າຮ່ວມໂດຍ ທ່ານ ອຸດອນ ໄຊມຸນຕີ ເຈົ້າເມືອງໆ ສີສັດຕະ ນາກ, ທ່ານ ພັນໂທ ຄຳຜອງ ພົມມະສຽນ ຮອງກອງບັນຊາ ການ ປກສ ນະຄອນ ຫຼວງວຽງຈັນ.

         ໃນກອງປະຊຸມທ່ານ ພັນຕີ ແລວຄຳ ອາໄພຍະສານ ຮອງ ກອງບັນຊາການ ປກສ ເມືອງສີສັດຕະນາກ ໄດ້ຜ່ານບົດສະ ຫຼຸບວຽກງານ ໃນ 1 ປີຜ່ານມາໄດ້ ຍົກໃຫ້ເຫັນບັນດາຜົນສຳເລັດ ແລະ ຍັງມີຂໍ້ຄົງຄ້າງທີ່ ຈະຕ້ອງເລັ່ງແກ້ໄຂເປັນຕົ້ນບັນປະ ກົດການຫຍໍ້ທໍ້ທາງສັງຄົມທີ່ຍັງເກີດຂື້ນຫຼາຍ, ໂດຍສະເພາະແມ່ນກໍ່ເຫດປຸ້ນຈີ້-ຊີງຊັບ, ໄວໜຸ່ມມົ້ວສຸມຢາເສບຕິດ ແລະ ອື່ນໆ ຄື: ໜຶ່ງປີຜ່ານມາ ມີຄະດີເກີດຂື້ນທັງໝົດ 256 ເລື່ອງ ທຽບໃສ່ປີ 2011 ຫຼຸດລົງ 6,9%  ໃນນັ້ນເຈົ້າໜ້າທີ່ສາມາດແກ້ໄຂໄດ້ 158 ເລື່ອງ ກັກຕົວຜູ້ກະທຳຜິດມາ ດຳເນີນຄະ ດີໄດ້ 85 ຄົນພົ້ນເດັ່ນກ່ວາໝູ່ແມ່ນ ແກ້ໄຂກຸ່ມແກ້ງປຸ້ນຈີ້-ຊີງຊັບທີ່ ເປັນຫົວໂປ່ ຕົວການໄດ້ 11 ກຸ່ມ ຄື: ກຸ່ມທ້າວ ບຸນເຫຼືອ ຫຼື ແອ ພ້ອມ ພັກພວກ 6 ຄົນ, ກຸ່ມ ທ້າວ ຊາລາ ຕັນ ພ້ອມພັກພວກ 13 ຄົນ ທີ່ກໍ່ ເຫດລັກລົດຈັກ 18 ຄັ້ງ, ກຸ່ມ ທ້າວ ຫັດສະດີ ຫຼື ຕີນ້ອຍ ພ້ອມພັກພວກ 2 ຄົນ ກໍ່ເຫດປຸ້ນຊັບພົນລະເມືອງ 3 ຄັ້ງ, ກຸ່ມທ້າວ ວິໄຊ ຫຼື ດ່ອນ ພ້ອມພັກພວກ 6 ຄົນ ກໍ່ເຫດປຸ້ນ ຊັບ ແລະ ຊີງຊັບ 3 ຄັ້ງ, ກຸ່ມ ທ້າວ ວັດທະນາ ຫຼື ຕົ້ນ

ຊື້ຂາຍອາວຸດ ເສີກ ແລະ ນັກເລັງອັນທະ ພານ, ກຸ່ມທ້າວ ຫງຽນວັນຮວາງ ພ້ອມ ພັກພວກ 1 ຄົນ ກໍ່ເຫດລັກຊັບ 14 ຄັ້ງ, ກຸ່ມ ທ້າວ ຈັກກະພັນ ຫຼື ຈອນ ນີ ພ້ອມພັກພວກ 7 ຄົນ ເຄີຍ ເຄື່ອນໄຫວ ກໍ່ເຫດ ຂີ້ລັກ-ງັດແງະ ມາແລ້ວ 34 ຄັ້ງ, ກຸ່ມ ທ້າວ ອານຸ ສາ ຫຼື ໄກ່ ພ້ອມພັກພວກ 3 ຄົນ ກໍ່ເຫດລັກລົດຈັກ 18 ຄັ້ງ, ກຸ່ມ ທ້າວ ເທບນິລັນ ຫຼື ໂດ່ ພ້ອມພັກ ພວກ 4 ຄົນ ກໍ່ເຫດງັດແງະ, ກຸ່ມ ທ້າວ ປີໂນ ຫຼື  ວ່າງ ພ້ອມພັກ ພວກ 4 ຄົນ ແລະ ກຸ່ມ ທ້າວ ສະ ຫວັດ ພ້ອມພັກພວກ 3 ຄົນ ກໍ່ເຫດ ຊີງຊັບມາແລ້ວ 11 ຄັ້ງ.

             ທ່ານ ຮອງກອງບັນຊາ ການ ປກສ ເມືອງດັ່ງກ່າວ ຍັງ ໃຫ້ຮູ້ວ່າ:ເຖີງວ່າພວກເຮົາໄດ້ເຮັດ ຢ່າງຕັ້ງ ໜ້າໃນການຕິດຕາມກວດກາ, ປ້ອງກັນຄວາມສະຫງົບ ແລະ ສຸມໃສ່ແກ້ໄຂປະກົດ ການຫຍໍ້ທໍ້ພາຍ ໃນ   ເມືອງເພື່ອຮັບປະກັນຄວາມສະຫງົບໃນສັງ ຄົມ ແຕ່ການຈັດຕັ້ງປະຕິບັດມາດຕະການຄຸ້ມ ກໍຄືການແກ້ໄຂ ປະກົດການຫຍໍ້ທໍ້ຍັງໄດ້ເຮັດບໍ່ໄດ້ຢ່າງຕໍ່ເນື່ອງ ແລະ ຍັງມີບາງການກະທຳເພີ່ມຂື້ນມີບາງການກະທຳຜິດເປັນ ອັນຕະເພີ່ມຂື້ນເຊັ່ນ : ການເຄື່ອນໄຫວປຸ້ນຊັບ-ຊີງຊັບ, ການຄຸ້ມຄອງບັນດາເປົ້າໝາຍທີ່ມີການເຄື່ອນໄຫວກໍ່ ການກະທຳຜິດທາງອາຍາແມ່ນຍັງບໍ່ທັນສາມາດເກັບກຳໄດ້ຢ່າງລະອຽດ ເຮັດໃຫ້ເປົ້າໝາຍຍັງສາມາດສືບຕໍ່ ເຄື່ອນໄຫວຢ່າງຕໍ່ເນື່ອງບາງລາຍກໍຍັງມີການໃຊ້ອາວຸດມີດ, ງ້າວ ແລະ ປືນເຂົ້າໃນການກະທຳຜິດ ຊຶ່ງເຮັດໃຫ້ ເປັນໄພອັນຕະລາຍຕໍ່ສັງຄົມຊຶ່ງບັນຫາທັງໝົດນີ້ ກຳລັງ ປກສ ເມືອງສີສັດຕະນາກ ຈະຕ້ອງໄດ້ຮີບຮ້ອນແກ້ໄຂ ໃຫ້ໝົດໄປ.