ໂດຍປະຕິບັດຕາມການຮ່ວມມືລະຫວ່າງພັກປະຊາຊົນ
ປະຕິວັດລາວ ແລະ ພັກກອມມູນິດຈີນ, ຄະນະຜູ້ແທນຊ່ຽວ ຊານປາຖະກະຖາຂອງສູນກາງພັກກອມມູນິດຈີນ
ນຳໂດຍ ສະຫາຍ ກາວ ຢົງຈົງ ຮອງຫົວໜ້າຫ້ອງການຄົ້ນຄ້ວາປະຫວັດສາດພັກສູນກາງພັກກອມມູນິດຈີນ
ພ້ອມຄະນະໄດ້ເຄື່ອນໄຫວເຮັດວຽກ ແລະ ຢ້ຽມ ຢາມ ສປປ ລາວ ແຕ່ວັນທີ 21-24 ເມສາ
2013 ນີ້.
ໃນຕອນເຊົ້າວັນທີ 22 ເມສາ 2013 ຢູ່ທີ່ຫ້ອງວ່າການສູນກາງພັກ,
ຄະນະຜູ້ແທນຊ່ຽວຊານປາຖະກະຖາຂອງສູນກາງພັກກອມມູນິດຈີນໄດ້ຈັດພິທີປາຖະກະຖາໃຫ້
ບັນດາການນຳພັກ-ລັດຂອງລາວ ເຊິ່ງໄດ້ແຈ້ງໃຫ້ຊາບກ່ຽວກັບຜົນສຳເລັດຂອງກອງປະຊຸມໃຫຍ່ຄັ້ງທີ
18 ຂອງສູນກາງພັກກອມມູນິດຈີນ, ບົດຮຽນການກໍ່ສ້າງຕົວເມືອງນ້ອຍແລະການພັດທະນາເສດຖະ
ກິດຂັ້ນເມືອງຂອງຈີນ, ບົດຮຽນຂອງພັກກອມມູນິດຈີນໃນການກໍ່ສ້າງພັກຂັ້ນຮາກຖານ,
ການເສີມຂະຫຍາຍປະຊາທິປະໄຕແບບປຶກສາຫາລືພາຍໃນພັກ, ບັນຫາພົ້ນເດັ່ນໃນສາກົນ
ແລະ ພາກພື້ນໃນປັດຈຸບັນ ຊຶ່ງການຢ້ຽມຢາມ ແລະ ປາຖະກະຖາຄັ້ງນີ້ຂອງຄະນະຜຸ້ແທນຊ່ຽວ
ຊານຂອງພັກກອມມູນິດຈີນຈະເປັນການປະກອບສ່ວນເຂົ້າໃນການສົ່ງເສີມການແລກປ່ຽນບົດ
ຮຽນທາງດ້ານຕ່າງໆຂອງສອງພັກ-ລັດ ທັງເປັນການປະກອບ
ສ່ວນອັນສຳຄັນເຂົ້າໃນການຮັດແໜ້ນສາຍພົວພັນມິດຕະພາບ ອັນເປັນມູນເຊື້ອແລະການຮ່ວມມືຮອບດ້ານລະຫວ່າງສອງພັກ-ລັດ
ແລະ ປະຊາຊົນສອງຊາດ ລາວ- ຈີນ ໃຫ້ນັບມື້ຂະຫຍາຍ ຕົວຍິ່ງໆຂຶ້ນ.
No comments:
Post a Comment