ເຈົ້າໜ້າທີ່ ປກສ ນະຄອນ ຫລວງວຽງຈັນ ເປີດເຜີຍວ່າ:
ປັດຈຸບັນ, ສະພາບຂີ້ລັກ, ງັດແງະ ແລະ ປຸ້ນຈີ້ຊີງຊັບໄດ້ກັບມາເກີດຂຶ້ນຫລາຍ, ພາຍຫລັງໄລຍະໜຶ່ງໄດ້ຫລຸດຜ່ອນລົງ
ຄືອາທິດຜ່ານມານີ້ ເຈົ້າໜ້າທີ່ສາມາດມ້າງຄະ ດີດັ່ງກ່າວໄດ້ຫລາຍກວ່າ 70 ເລື່ອງ,
ກັກຕົວຜູ້ຕ້ອງຫາມາດຳເນີນຄະດີໄດ້ກວ່າ 90 ຄົນ ແລະ ສາມາດເກັບກູ້ຜົນເສຍຫາຍມີລົດ
ຈັກ 16 ຄັນ ແລະ ເງິນ-ຄຳອື່ນໆອີກຈຳນວນໜຶ່ງ. ຫລັງສຸດຄືວັນທີ 8 ມິຖຸນານີ້, ມີຄົນຮ້າຍໄດ້ເຂົ້າ ງັດເຮືອນປະຊາຊົນຫລັງໜຶ່ງຢູ່ບ້ານສະພານທອງເໜືອ
ເມືອງສີສັດຕະນາກ ນະຄອນຫລວງວຽງຈັນ ລັກຄຳໄປ 10 ກວ່າບາດ, ໂທລະສັບມືຖື 1 ໜ່ວຍ
ແລະ ເງິນສົດອີກຈຳນວນໜຶ່ງ ແລະ ເມື່ອວັນທີ 6 ມິຖຸນາ, ຄົນຮ້າຍໄດ້ເຂົ້າລັກເອົາລົດຈັກຂອງພົນລະເມືອງຜູ້ໜຶ່ງຢູ່ບ້ານທະຫານອາ
ກາດ ເມືອງສີໂຄດຕະບອງ ແລ້ວຫລົບໜີໄປ ເຊິ່ງປັດຈຸບັນກຳລັງເຈົ້າໜ້າທີ່ເລັ່ງສືບສວນ-ສອບສວນ
ເພື່ອນຳຈັບຕົວຄົນຮ້າຍມາດຳເນີນຄະດີໃຫ້ໄດ້ໂດຍໄວ.
ເຈົ້າໜ້າທີ່ໃຫ້ຮູ້ວ່າ: ສະພາບຫຍໍ້ທໍ້ດັ່ງກ່າວສ່ວນຫລາຍມີໜໍ່ແໜງມາຈາກບັນຫາຢາເສບຕິດ,
ໄພສັງຄົມ ແລະ ການບໍ່ມີວຽກເຮັດງານທຳຂອງຊາວໜຸ່ມຈຳ ນວນໜຶ່ງ. ສະເພາະອາທິດຜ່ານມາ
ຢູ່ນະຄອນຫລວງວຽງຈັນມີຄະດີຕ່າງໆເກີດຂຶ້ນທີ່ຍັງແກ້ບໍ່ຕົກຈຳນວນ 50 ກວ່າເລື່ອງ,
ໃນນັ້ນ ມີລົດເສຍຫາຍເຖິງ 15 ຄັນ ເຊິ່ງເປັນບັນຫາໃຫ້ເຈົ້າໜ້າທີ່ຈະຕ້ອງໄດ້ເພີ່ມທະວີຕ້ານ
ແລະ ສະ ກັດກັ້ນ ແລະ ແກ້ໄຂໃຫ້ຫລຸດຜ່ອນລົງ.
No comments:
Post a Comment