ທ່ານທູດລາວຜູ້ໃຫມ່ເຂົ້າຍື່ນສານ ແຕ່ງຕັ້ງຕໍ່ພະນະທ່ານປະທານາທິ ບໍດີແຫ່ງສາລະນະລັດປະຊາທິປະໄຕ ຕີມໍ ແລດສະເຕ

     ໃນວັນທີ 12 ກຸມພານີ້, ຢູ່ນະ ຄອນຫລວງດີລີ ສາທາລະນະລັດ ປະຊາທິປະໄຕ ຕີມໍ ແລດສະເຕ, ທ່ານ ກຸຍຫລີ ອ. ສຸພະເຂດ ໄດ້ ເຂົ້າຍື່ນສານແຕ່ງຕັ້ງຕໍ່ພະນະ ທ່ານ ເຕົາຣ໌ ມາຕັນ ຣວາກ (Taur Matan Ruak) ປະທານາທິບໍດີ ແຫ່ງສາທາ ລະນະລັດປະຊາທິປະໄຕຕີມໍ ແລດສະເຕ ເພື່ອດຳລົງຕຳແໜ່ງເປັນເອກອັກຄະລັ ດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາ ທາລະ ນະລັດ ປະຊາທິປະໄຕ ຕີມໍ ແລດສະເຕ ໂດຍມີສຳນັກ ງານຕັ້ງຢູ່ນະຄອນຫລວງຈາກາຕາສາທາລະນະລັດ ອິນໂດເນເຊຍ.

    ໃນໂອກາດນີ້, ພະນະທ່ານ ປະ ທານາທິບໍດີ ຕີມໍ ແລດສະເຕ ໄດ້ ກ່າວສະແດງຄວາມຊົມເຊີຍຕໍ່ການແຕ່ງ ຕັ້ງໃຫ້ມາປະຕິບັດໜ້າທີ່ອັນສົມກຽດດັ່ງກ່າວ ແລະ ຍິນ ດີຕ້ອນຮັບທ່ານເອກອັກຄະລັດຖະທູດແຫ່ງສາທາລະ ນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ປະຊາທິປະ ໄຕ ຕີມໍ ແລດສະເຕ ແລະ ໄດ້

ອວຍພອນໃຫ້ທ່ານເອກອັກຄະລັດຖະ ທູດ ຈົ່ງປະສົບຜົນສຳເລັດໃນ ການເຄື່ອນໄຫວວຽກງານການທູດຂອງ ຕົນທຸກປະການ. ພ້ອມດຽວກັນນັ້ນ, ປະທານາທິບໍດີຕີມໍ ແລດສະເຕ ຍັງໄດ້ຝາກຄວາມຢື້ ຢາມຖາມຂ່າວມາ ຍັງພະນະທ່ານ ຈູມມາລີ ໄຊຍະສອນ ປະທານປະ ເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ນຳອີກ. ຈາກນັ້ນ, ປະທານາທິບໍດີ ກໍ ໄດ້ແຈ້ງໃຫ້ທ່ານທູດລາວຊາບ ເຖິງສະພາບການສ້າງສາພັດທະ ນາປະ ເທດຊາດ, ຄວາມພະຍາ ຍາມຂອງລັດຖະບານ ຕີມໍ ແລດ ສະເຕ ໃນການຫລຸດຜ່ອນຄວາມທຸກຍາກຂອງ ປະຊາຊົນ, ຜົນກະ ທົບຈາກວິກິດການຂອງໂລກ ແລະ ການປະກອບສ່ວນຂອງຕີມໍ ແລດສະເຕ ເຂົ້າໃນການ ຮ່ວມມືຢູ່ໃນພາກພື້ນກໍຄືສາກົນ.

    ທ່ານເອກອັກຄະລັດຖະທູດ ກຸຍ ຫລີ ອ. ສຸພະເຂດ ໄດ້ກ່າວສະ ແດງຄວາມຂອບໃຈຕໍ່ພະນະທ່ານ ປະທາ ນາທິບໍດີ ທີ່ໄດ້ເຫັນດີຮັບ ເອົາການແຕ່ງຕັ້ງເປັນເອກອັກຄະ ລັດຖະທູດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ປະຊາທິ ປະໄຕ ຕີມໍ ແລດສະເຕ ພ້ອມທັງ ໄດ້ນຳເອົາຄວາມຢ້ຽມຢາມ ຖາມ ຂ່າວ ແລະ ຄຳອວຍພອນອັນປະ ເສີດຂອງພະນະທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສາທາລະນະລັດ ປະຊາທິ ປະໄຕ ປະຊາຊົນລາວ ເຖິງພະນະ ທ່ານ ເຕົາຣ໌ ມາຕັນ ຣວາກ (Taur Matan Ruak) ປະທານາທິບໍດີ ແຫ່ງ ສາທາລະນະລັດ ປະຊາທິ ປະໄຕ ຕີມໍ ແລດສະເຕ ຈົ່ງມີສຸຂະ ພາບເຂັ້ມແຂງ ແລະ ຄວາມຜາ ສຸກ ເພື່ອນຳພາປະຊາຊົນຕີມໍ ແລດສະເຕ ໃຫ້ກ້າວໄປສູ່ຄວາມ ຈະເລີນ ແລະ ວັດທະນາຖາ ວອນຕະຫລອດໄປ. ນອກນັ້ນ, ທ່ານ ເອກອັກຄະລັດຖະທູດລາວ ກໍໄດ້ ກ່າວເຖິງການສ້າງສາພັດທະນາ ຢູ່ສາທາລະນະລັດ ປະຊາທິປະໄຕ ປະຊາຊົນລາວ ແລະ ໄດ້ໃຫ້ຄຳ ໝັ້ນສັນຍາວ່າ: ຈະສືບຕໍ່ປະຕິບັດ ໜ້າທີ່ ຂອງຕົນ ເພື່ອເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງສາ ທາລະນະລັດ ປະຊາທິ ປະໄຕ ປະຊາຊົນລາວ ແລະ ສາທາລະນະ ລັດ ປະຊາທິປະໄຕ ຕີມໍ ແລດສະເຕ ໃຫ້ແຕກດອກອອກຜົນ ເພື່ອ ຜົນປະໂຫຍດຂອງປະຊາຊົນສອງປະເທດ.