ພິທີເລີ່ມຕົ້ນການກີດຢາງພາ ລາຂອງບໍລິສັດ
Quasa - Geruco ສສ ຫວຽດນາມ ທີ່ເຂົ້າມາລົງ ທຶນຢູ່ລາວ ໄດ້ມີຂຶ້ນໃນເຊົ້າວັນທີ
7 ພຶດສະພານີ້ ທີ່ເມືອງພີນ ແຂວງສະຫວັນນະເຂດ ໂດຍການໃຫ້ກຽດເຂົ້າຮ່ວມຂອງທ່ານ
ສົມສະຫວາດ ເລັ່ງ ສະຫວັດ ກຳມະການກົມການເມືອງສູນກາງພັກ, ຮອງນາຍົກລັດຖະມົນ ຕີ,
ຜູ້ຊີ້ນຳວຽກງານເສດຖະກິດ ແຫ່ງ ສປປ ລາວ, ທ່ານ ສຸພັນ ແກ້ວມີໄຊ ກຳມະການສູນກາງພັກ,
ເລຂາພັກແຂວງ, ເຈົ້າແຂວງສະຫວັນນະເຂດ, ທ່ານ ຫວູວັນຕ່າມ ລັດ ຖະມົນຕີຊ່ວຍວ່າການ
ກະຊວງກະສິກຳ ແລະ ພັດທະນາຊົນນະບົດ ສສ ຫວຽດ ນາມ ພ້ອມດ້ວຍຄະນະອຳນວຍການອຸດ ສາຫະກຳກາວຊູຫວຽດ ນາມ ແລະ ພະນັກງານກ່ຽວ ຂ້ອງສອງຝ່າຍເຂົ້າຮ່ວມເປັນຈຳນວນຫລາຍ.
ໃນບົດລາຍງານຂອງອຳ ນວຍການໃຫຍ່ອຸດສາຫະກຳກາວຊູຫວຽດນາມ
ໃຫ້ຮູ້ວ່າ: ມາຮອດປັດຈຸບັນ ບໍລິສັດຂອງຕົນໄດ້ປະຕິບັດ 7 ໂຄງການປູກຢາງ ພາລາຢູ່ລາວ,
ໃນນັ້ນ ສະເພາະບໍລິສັດຫຸ້ນສ່ວນ Quasa - Geruco ໄດ້ລົງທຶນເຂົ້າໃນໂຄງ ການດັ່ງກ່າວມີປະມານ
33 ລ້ານໂດລາ, ມາຮອດປີ 2014 ນີ້, ບໍລິ ສັດຈະສາມາດກີດຢາງໄດ້ໃນເນື້ອທີ່
700 ເຮັກຕາ, ພ້ອມໄດ້ລົງ ທຶນສ້າງໂຮງງານປຸງແຕ່ງຢາງ ໄລຍະຕົ້ນຜຜະລິດໄດ້
5.000 ໂຕນຕໍ່ປີ.
ໄປຄຽງຄູ່ກັບການລົງທຶນຢ່າງມີປະສິດທິຜົນດັ່ງກ່າວ,
ບໍລິ ສັດຍັງໄດ້ເອົາໃຈໃສ່ປະຕິບັດນະໂຍບາຍຊ່ວຍເຫລືອພັດທະນາ ທ້ອງຖິ່ນໃນເຂດໂຄງການໄດ້ດີຕະຫລອດມາຄືການສ້າງຕາຂ່າຍໄຟຟ້າ,
ຖະໜົນຫົນທາງ, ກໍ່ ສ້າງນ້ຳບາດານ, ສ້າງເຂື່ອນຊົນ ລະປະທານ, ກໍ່ສ້າງໂຮງຮຽນ ແລະ ປົວແປງວັດວາອາຮາມຕ່າງໆໃຫ້ທ້ອງຖິ່ນຢ່າງມີຜົນສຳເລັດ
ແລະ ຊ່ວຍເຫລືອສັງຄົມເຮັດວຽກງານສະຫວັດດີການອື່ນໆ ລວມມີມູນຄ່າຫລາຍກວ່າ
1 ຕື້ກີບ ຫລື ປະມານ 2,3 ຕື້ດົງ (ສະກຸນເງິນຫວຽດນາມ) ພ້ອມນັ້ນບໍລິສັດຍັງໄດ້ເອົາໃຈໃສ່ເຝິກ
ອົບຮົມເຕັກນິກການປູກ ແລະ ກີດຢາງພາລາ, ການຜະລິດກະ ສິກຳອື່ນໆໃຫ້ແກ່ປະຊາຊົນ
ແລະ ແຮງງານລາວຢ່າງເປັນປົກກະ ຕິ.
ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ
ໄດ້ມີຄຳເຫັນສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງບໍລິສັດ ເຊິ່ງຜ່ານໄລຍະ
7 ປີເຂົ້າມາລົງ ທຶນຢູ່ລາວ ສາມາດພັດທະນາເຂດດິນທີ່ໄດ້ຮັບຜົນກະທົບຢ່າງຮ້າຍແຮງຈາກສົງຄາມທຳລາຍໃນເມື່ອກ່ອນໄດ້ມີການປ່ຽນແປງຢ່າງໜ້າຊົມຊື່ນ,
ທ່ານຮອງນາຍົກ ເວົ້າວ່າ: ນີ້ແມ່ນໃບໜ້າປະຫວັດສາດໃໝ່ຂອງແຂວງສະຫວັນນະເຂດ
ເຊິ່ງບັນດາໂຄງ ການລົງທຶນດັ່ງກ່າວສາມາດຊ່ວຍສ້າງວຽກເຮັດງານທຳໃຫ້ປະຊາຊົນນັບຫລາຍພັນຄົນ,
ສ້າງໃຫ້ເຂົາເຈົ້າມີເງື່ອນໄຂສ້າງເສດຖະກິດຄອບຄົວ, ຊ່ວຍຫລຸດ ຜ່ອນການຖາງປ່າເຮັດໄຮ່
ແລະ ປະກອບສ່ວນອັນສຳຄັນເຂົ້າໃນການປົກປັກຮັກສາສິ່ງແວດລ້ອມ, ພັດທະນາເສດຖະກິດທ້ອງຖິ່ນຂະຫຍາຍຕົວ
ແລະ ໃນໂອກາດນີ້, ທ່ານຮອງນາຍົກລັດ ຖະມົນຕີ ໄດ້ຢືນຢັນວ່າ: ອຳນາດການປົກຄອງທ້ອງຖິ່ນຈະເອົາໃຈໃສ່ສ້າງເງື່ອນໄຂສະດວກໃຫ້ບໍລິສັດລົງທຶນຫວຽດນາມສາ
ມາດຂະຫຍາຍ ແລະ ຍົກສູງກິດ ຈະການລົງທຶນຂອງຕົນໃຫ້ມີປະ ສິດທິຜົນ ແລະ ຫວັງວ່າບໍລິສັດຈະປະຕິບັດວຽກງານຂອງຕົນດີຂຶ້ນ,
ປະກອບສ່ວນສຳຄັນເຂົ້າໃນການຮັດແໜ້ນສາຍພົວພັນມິດຕະ ພາບແບບພິເສດ ແລະ ການຮ່ວມມືຮອບດ້ານລະ
ຫວ່າງສອງປະເທດ ລາວ-ຫວຽດນາມ ນັບມື້ແຕກດອກອອກຜົນ ແລະ ງອກງາມຍິ່ງໆຂຶ້ນ.
No comments:
Post a Comment