ຮອງປະທານສະພາແຫ່ງຊາດລົງ ຊຸກຍູ້ຊີ້ນຳການພັດທະນາຢູ່ສອງ ແຂວງພາກເຫນືອ

     ໃນລະຫວ່າງວັນທີ 8-12 ກຸມ ພານີ້, ທ່ານ ດຣ. ໄຊສົມພອນ ພົມ ວິຫານ ຮອງປະທານສະພາແຫ່ງ ຊາດ ພ້ອມຄະນະ ໄດ້ລົງເຄື່ອນ ໄຫວເຮັດວຽກ ພ້ອມເຜີຍ ແຜ່ຜົນສຳເລັດກອງປະຊຸມສະໄໝສາມັນເທື່ອທີ 4 ຂອງ ສະພາແຫ່ງຊາດ ຊຸດທີ VII. ໃນມື້ທຳອິດໄດ້ໂອ້ລົມນາຍ ແລະ ພົນທະຫານກອງບັນຊາການທະຫານແຂວງ ຊຽງຂວາງ. ຈາກນັ້ນ ໄດ້ສືບຕໍ່ເຄື່ອນ ໄຫວເຮັດວຽກຢູ່ແຂວງຫົວພັນ ເຊິ່ງຄະນະໄດ້ ລົງຕິດຕາມກວດ ກາໂຄງ ການກໍ່ສ້າງທາງ ແລະ ສະຖານທີ່ສ້າງສະໜາມບິນໜອງ ຄ້າງ ພ້ອມໄດ້ໂອ້ລົມປະຊາຊົນກຸ່ມບ້ານໜອງຄ້າງ; ຢ້ຽມຢາມປະຊາຊົນບັນດາເຜົ່າເຂດລາວຮຸ່ງ ກຸ່ມບ້ານແກ້ວແວ່ນ ແລະ ໂອ້ລົມພະນັກງານຫລັກແຫລ່ງ ແລະ ປະ ຊາຊົນກຸ່ມບ້ານມອງນ້ຳ ເມືອງຊຽງຄໍ້; ຢ້ຽມຢາມປະຊາຊົນກຸ່ມບ້ານໂພນຫອງ; ໂອ້ລົມການນຳ ຂັ້ນມືອງ, ພະນັກງານ-ລັດຖະ ກອນຢູ່ເທສະບານເມືອງວຽງໄຊ; ມອບເຄື່ອງໃຊ້ຫ້ອງການໃຫ້ອະນຸ ສອນສະ ຖານປະທານ ໄກສອນ ພົມວິຫານ ຢູ່ເມືອງວຽງໄຊ.

    ໃນໂອກາດດັ່ງກ່າວ, ຮອງປະ ທານສະພາ ຍັງໄດ້ໂອ້ລົມການ ນຳຂັ້ນແຂວງ, ພະນັກງານອ້ອມ ຂ້າງແຂວງ ແລະ ຄະນະນຳຂອງ ໂຮງໝໍແຂວງ ໃນນີ້ ນອກຈາກ ເຜີຍແຜ່ຜົນສຳເລັດກອງປະຊຸມ ສະໄໝສາມັນເທື່ອທີ 4 ແລ້ວ ຍັງ ໄດ້ໃຫ້ຮູ້ເຖິງຜົນສຳເລັດກອງປະ ຊຸມສະໄໝວິສາມັນເທື່ອທີ 1 ຂອງ ສະພາແຫ່ງຊາດ ຊຸດທີ VII ກ່ຽວ

ກັບການຮັບຮອງເອົາການກໍ່ສ້າງ ທາງລົດໄຟ ແຕ່ບໍ່ເຕັນຫານະຄອນ ຫລວງວຽງຈັນ, ຍົກໃຫ້ເຫັນຜົນ ສຳເລັດຂອງກອງປະຊຸມອາແຊັບ 7 ທີ່ລາວໄດ້ຮັບກຽດເປັນເຈົ້າ ພາບໃນທ້າຍປີ 2012 ຜ່ານມາ. ພ້ອມນັ້ນ ທ່ານຍັງໄດ້ມີຄຳເຫັນຊີ້ ນຳ ໂດຍໄດ້ເນັ້ນໃຫ້ແຕ່ລະເມືອງ ເອົາໃຈໃສ່ຈັດຕັ້ງປະຕິບັດເນື້ອໃນຈິດໃຈຂອງ ມະຕິເລກທີ 03/ກມສພ ວ່າດ້ວຍການຫັນ ແຂວງເປັນຫົວໜ່ວຍຍຸດທະສາດ, ຫັນເມືອງເປັນຫົວໜ່ວຍເຂັ້ມ ແຂງຮອບດ້ານ, ຫັນບ້ານເປັນບ້ານພັດ ທະນາ ແລະ ຄຳສັ່ງວ່າດ້ວຍການ ສ້າງບ້ານໃຫ້ເປັນຫົວໜ່ວຍພັດ  ທະນາ, ສ້າງບ້ານໃຫຍ່ໃຫ້ກາຍ ເປັນຕົວເມືອງນ້ອຍຢູ່ຊົນນະບົດ ແນໃສ່ຂະຫຍາຍ 4 ບຸກທະລຸຕາມມະຕິກອງ ປະຊຸມໃຫຍ່ຄັ້ງທີ IX ຂອງພັກ ເພື່ອເຜີຍແຜ່ໃຫ້ປະຊາ ຊົນກຳໄດ້ຈິດໃຈດັ່ງກ່າວ; ໃຫ້ປະຊາຊົນທຸກທົ່ວໜ້າ ຈົ່ງຮັກສາມູນເຊື້ອຄວາມດຸໝັ່ນຂະຫຍັນຜະລິດໃຫ້ຫລາຍກາຍເປັນສິນຄ້າເພື່ອສ້າງເສດຖະກິດຄອບຄົວຂອງ ຕົນໃຫ້ດີຂຶ້ນເລື້ອຍໆ; ເອົາໃຈໃສ່ສະກັດກັ້ນປາກົດການຫຍໍ້ທໍ້ໃນສັງຄົມ, ຫລິ້ນກິນຟຸມເຟືອຍ, ການຄ້າ ຢາເສບຕິດ; ເອົາໃຈໃສ່ຮັກສາອະ ນາໄມ, ກິນຢູ່ສະອາດ ແລະ ເຝົ້າ ລະວັງພະຍາດຕິດແປດ; ປົກປັກຮັກສາ ຊັບພະຍາກອນປ່າໄມ້ທີ່ ເປັນຊັບສົມບັດຂອງຊາດຂອງ ແຂວງ ກໍຄືຂອງເມືອງ. ພ້ອມກັນນັ້ນ ກໍໃຫ້ປະຊາຊົນເ ປັນຫູເປັນຕາຊ່ວຍອຳນາດການປົກຄອງປົກ ປັກຮັກສາປ່າໄມ້ໃຫ້ຍືນຍົງ.

    ໃນແຕ່ລະບ່ອນທີ່ລົງຢ້ຽມ ຢາມ, ຮອງປະທານສະພາ ຍັງໄດ້ ນຳເອົາເຄື່ອງຊ່ວຍເຫລືອທີ່ໄດ້ຮັບຈາກບໍລິສັດ ບໍ່ທອງອິນເຕີກໍ່ ສ້າງ ມີຜ້າຫົ່ມຈຳນວນ 200 ຜືນ ມູນຄ່າ 19 ລ້ານກວ່າກີບ, ບໍລິສັດ ບຸດມີໄຊກໍ່ສ້າງມີຕຳລາ ຮຽນມູນ ຄ່າ 10 ລ້ານກີບ, ບໍລິສັດວຽງ ພອນໄຊກໍ່ສ້າງ ມີຕຳລາຮຽນ ມູນ ຄ່າ 5 ລ້ານກີບ, ບໍລິສັດໄຊຍາພິນ ມີຕຳລາຮຽນ ແລະ ເຄື່ອງກິລາ ມູນຄ່າ 5 ລ້ານກີບ ແລະ ບໍລິສັດ ບໍ່ສາຍຄຳກໍ່ສ້າງ ມີເຄື່ອງກິລາ ມູນຄ່າ 5 ລ້ານກີບລວມມູນຄ່າທັງໝົດ44ລ້ານກວ່າກີບ.ຈາກນັ້ນຄະນະຍັງໄດ້ສືບຕໍ່ເຄື່ອນໄຫວເຮັດວຽກຢູ່ແຂວງຊຽງ ຂວາງຕື່ມອີກ.