ກອງປະຊຸມຄົບຄະນະຂອງຄະນະບໍລິຫານງານສູນກາງພັກຄັ້ງທີ
8 ສະໄໝທີ IX ໄດ້ດຳເນີນ ແຕ່ວັນທີ 2-11 ມິຖຸນາ 2014 ພາຍໃຕ້ການເປັນປະທານ ຂອງສະ ຫາຍ ຈູມມາລີ
ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ.
ກອງປະຊຸມຄົບຄະນະໃນ ຄັ້ງນີ້ີໄດ້ດຳເນີນໄປໃນສະພາບ
ສາກົນ ແລະ ພາກ ພື້ນມີການຜັນ ແປໄປຢ່າງໄວວາ ແລະ ສະຫລັບສັບຊ້ອນ, ສະພາບພາຍໃນປະ ເທດເຖິງມີບາງດ້ານພົບຄວາມຫຍຸ້ງຍາກກໍຕາມ, ແຕ່ທົ່ວ ພັກ, ທົ່ວກອງທັບ ແລະ ທົ່ວ ປວງຊົນລາວທັງຊາດໄດ້ສືບຕໍ່ຕັ້ງໜ້າສຸມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ
IX ຂອງ ພັກ ແລະ ແຜນ ພັດທະນາເສດຖະ ກິດ-ສັງຄົມແຫ່ງຊາດ 5 ປີ ຄັ້ງທີ VII ໂດຍສະເພາະແມ່ນສຸມໃສ່ປະຕິບັດແຜນພັດທະນາເສດຖະ ກິດ- ສັງຄົມ
ສົກປີ 2013-2014 ເປັນຕົ້ນແມ່ນແກ້ໄຂຄວາມຫຍຸ້ງຍາກຂອງເສດຖະກິດມະຫາພາກ, ເງິນເດືອນ, ການຂາດດຸນງົບ ປະມານ ແລະ ອື່ນໆ ໂດຍຕິດພັນຢ່າງແໜ້ນແຟ້ນກັບຂະບວນ ການແຂ່ງຂັນ “ຮັກຊາດ ແລະ ພັດທະນາ” ຊຸກຍູ້ວຽກງານ
3
ສ້າງ, ຂະບວນການສ້າງຜົນງານຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນ ແລະ ວັນສຳຄັນ ທາງປະຫວັດສາດຂອງພັກ,
ຂອງ ຊາດຢ່າງເປັນຂະບວນຟົດຟື້ນ.
ກອງປະຊຸມຄົບຄະນະບໍລິຫານ ງານສູນກາງພັກໃນເທື່ອນີ້ໄດ້ປຶກສາຫາລືວຽກງານຮອບດ້ານ,
ລົງເລິກຕີລາຄາການປະຕິບັດ ແຜນພັດທະນາເສດຖະກິດ-ສັງ ຄົມ 6 ເດືອນຕົ້ນປີ ແລະ ວຽກ ງານຈຸດສຸມໃນ
6 ເດືອນທ້າຍສົກ ປີ 2013-2014 ແລະ ໄດ້ ໃຫ້ທິດຊີ້ນຳຕໍ່ແຜນການວຽກງານສົກປີ 2014-2015,ໃຫ້ທັດສະນະ
ແລະ ທິດຊີ້ນຳຕໍ່ຮ່າງລາຍງານການ ເມືອງກອງປະ ຊຸມ ໃຫຍ່ຄັ້ງທີ X ຂອງພັກ, ຮ່າງແຜນຍຸດທະສາດ
ຮອດປີ 2025 ແລະ ວິໄສທັດ ຮອດປີ 2030 ຕໍ່ຮ່າງແຜນການ 5 ປີ ຄັ້ງທີ VIII ຂອງລັດ. ພ້ອມ ກັນນັ້ນ,
ກອງປະຊຸມຍັງໄດ້ດຳ ເນີນການສຳຫລວດການນຳພາລວມຂອງສູນກາງ ແລະ ການປະຕິບັດ ໜ້າທີ່, ຄວາມຮັບຜິດ
ຊອບການເມືອງຂອງສະຫາຍ ກຳມະການສູນກາງພັກໃນໄລ ຍະ 1 ປີຜ່ານມາ. ກອງປະຊຸມຍັງໄດ້ເປັນ ເອກະພາບ
ແລະ ຕີລາ ຄາວ່າໃນໄລຍະ 1 ປີຜ່ານມາ ເຖິງວ່າສະພາບການສາກົນ ແລະພາກພື້ນມີການຜັນແປໄປຢ່າງສັບສົນ
ແລະ ສະຫລັບສັບຊ້ອນ, ສະພາບການປ່ຽນແປງ ດິນຟ້າອາກາດ, ໄພທຳມະຊາດ, ໂລກລະບາດເກີດຂຶ້ນຢ່າງຕໍ່ເນື່ອງຊຶ່ງໄດ້ສົ່ງ
ຜົນກະທົບທາງລົບຕໍ່ປະເທດເຮົາບໍ່ໜ້ອຍ, ແຕ່ ດ້ວຍຈິດໃຈບຸກບືນຜ່ານຜ່າຄວາມຫຍຸ້ງຍາກ, ເຊີດຊູຄວາມສາມັກຄີເປັນເອ
ກະພາບພາຍໃນພັກ ແລະ ຂອງທົ່ວປວງຊົນ ໂດຍ ສົມທົບແໜ້ນກັບການສະໜັບສະໜູນຈາກປະເທດເພື່ອນມິດ
ແລະ ອົງ ການຈັດຕັ້ງສາກົນຕ່າງໆ, ອັນໄດ້ເຮັດໃຫ້ວຽກງານພັດທະນາເສດຖະກິດ-ສັງຄົມ ຂອງປະ ເທດເຮົາຍັງສືບຕໍ່ຂະຫຍາຍຕົວຢ່າງ
ຕໍ່ເນື່ອງໃນລະດັບ 7,6%, ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນເທົ່າກັບ 1.692 ໂດລາສະຫະລັດ,
ອັດຕາ ຄອບ ຄົວທຸກຍາກຫລຸດລົງຍັງເຫລືອ 10,6% ຂອງຄອບຄົວໃນທົ່ວປະ ເທດ; ຊີວິດການເປັນຢູ່ຂອງປະຊາຊົນເຮົາໄດ້ຮັບການປົວແປງດີຂຶ້ນ,
ປະເທດເຮົາສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ,
ບົດບາດອິດທິພົນຂອງປະເທດເຮົາໄດ້ຮັບການຍົກສູງເດັ່ນຂຶ້ນ ກວ່າເກົ່າ. ແຕ່ຄຽງຄູ່ກັບຜົນສຳເລັດທີ່ກ່າວມານັ້ນ,
ປະເທດພວກເຮົາກໍຍັງມີຫລາຍບັນຫາທີ່ຈະຕ້ອງໄດ້ເອົາໃຈໃສ່ເປັນຕົ້ນ ຄວາມຫຍຸ້ງຍາກທາງດ້ານການເງິນ-ງົບປະມານ,
ການເກັບລາຍຮັບເຂົ້າງົບປະມານບໍ່ໄດ້ຕາມແຜນການ, ການຄຸ້ມຄອງ-ດັດ ສົມຕໍ່ລາຄາສິນຄ້າໃນທ້ອງຕະ
ຫລາດ ຍັງບໍ່ທັນໄດ້ຮັບການແກ້ໄຂເທົ່າທີ່ຄວນ, ການແກ້ໄຂຄວາມທຸກຍາກ, ການຜະລິດເປັນສິນຄ້າຂອງປະຊາຊົນຍັງບໍ່ທັນເປັນຂະບວນທີ່ແຂງແຮງຕໍ່ເນື່ອງແທ້;
ການປັບປຸງຄວາມສັກສິດ ແລະ ປະສິດທິພາບຂອງການຄຸ້ມຄອງລັດ-ຄຸ້ມຄອງສັງຄົມ ມີຫລາຍດ້ານບໍ່ທັນໜັກແໜ້ນເຂັ້ມແຂງ;
ການແກ້ໄຂບັນດາປະກົດການຫຍໍ້ທໍ້ໃນສັງຄົມຍັງບໍ່ທັນມີຄວາມຄືບໜ້າພໍເທົ່າໃດ
ແລະ ອື່ນໆ. ບົນຈິດໃຈດັ່ງກ່າວ, ກອງປະ ຊຸມໄດ້ໃຫ້ທິດຊີ້ນຳສຳລັບການຈັດຕັ້ງປະຕິບັດແຜນພັດທະ
ນາເສດຖະກິດ-ສັງຄົມ 6 ເດືອນທ້າຍປີ 2013-2014 ແລະ ທິດທາງວຽກງານໃນປີ
2014-2015 ກໍຄືການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IX ຂອງພັກ ແລະ ແຜນພັດທະນາເສດຖະ
ກິດ-ສັງຄົມແຫ່ງຊາດ 5 ປີ ຄັ້ງທີ VII ໃນໄລຍະມ້ວນທ້າຍໃຫ້ມີຜົນສຳເລັດ ຊຶ່ງອັນລວມຍັງແມ່ນການຮັບປະກັນໃຫ້ປະເທດຊາດ
ມີສະຖຽນລະພາບທາງດ້ານການເມືອງຢ່າງໜັກແໜ້ນ; ສັງ ຄົມມີຄວາມສະຫງົບ ແລະ ເປັນລະບຽບຮຽບຮ້ອຍ,
ສືບຕໍ່ຍູ້ແຮງການເຕີບໂຕທາງການເສດຖະ ກິດໃຫ້ຂະຫຍາຍຕົວໃນຈັງຫວະໝັ້ນທ່ຽງ ແລະ
ຕໍ່ເນື່ອງ ໄປຕາມທິດພັດທະນາແບບຍືນຍົງ, ຕິດພັນກັບບັນດາຄາດໝາຍສະຫັດສະວັດດ້ານການພັດທະນາ,
ສືບ ຕໍ່ບຸກທະລຸເຂົ້າໃສ່ການຜະລິດເປັນສິນຄ້າ, ແກ້ໄຂຄວາມທຸກຍາກຂອງປະຊາຊົນ
ຕິດພັນກັບການຈັດຕັ້ງປະຕິບັດວຽກງານ 3 ສ້າງ. ພ້ອມກັນນັ້ນ, ກໍເອົາໃຈໃສ່ເຮັດໃຫ້ເສດຖະກິດມະຫາພາກກັບຄືນສູ່ສະພາບປົກກະຕິໂດຍໄວ
ແລະ ແກ້ໄຂປະກົດການຫຍໍ້ທໍ້ໃນສັງຄົມກໍຄືກົງຈັກແຕ່ລະຂັ້ນ ດ້ວຍຈິດໃຈສືບຕໍ່ບຸກທະລຸທັງ
4 ດ້ານໃຫ້ແຂງແຮງ ແລະ ເປັນຮູບປະທຳ; ເພີ່ມທະວີຄວາມສັກສິດ, ເຂັ້ມງວດໃນການຄຸ້ມຄອງລັດ,
ຄຸ້ມຄອງເສດຖະກິດ-ສັງຄົມດ້ວຍກົດໝາຍ; ເສີມຂະຫຍາຍມູນເຊື້ອສາມັກຄີເປັນປຶກແຜນຂອງທົ່ວປວງຊົນລາວ,
ປະກອບສ່ວນຢ່າງຕັ້ງໜ້າເຂົ້າໃນການຈັດຕັ້ງ ປະຕິ ບັດຂະບວນການແຂ່ງຂັນ ”ຮັກຊາດ ແລະ
ພັດທະນາ”; ສ້າງເງື່ອນໄຂອຳນວຍໃຫ້ແກ່ການກະກຽມສະເຫລີມສະຫລອງສອງວັນປະຫວັດສາດ
ໃນປີ 2015 ແລະ ກະກຽມກອງປະຊຸມໃຫຍ່ຄັ້ງທີ x ຂອງພັກ ໃຫ້ກາຍເປັນຂະບວນການຂອງມະຫາ
ຊົນຢ່າງກວ້າງຂວາງ.
ກອງປະຊຸມຄົບຄະນະບໍລິ ຫານງານສູນກາງພັກໄດ້ຮຽກ
ຮ້ອງມາຍັງພະນັກງານ, ສະມາ ຊິກພັກ, ທະຫານ, ຕຳຫລວດ, ປະຊາຊົນທຸກເຜົ່າ, ທຸກຊັ້ນຄົນ,
ທຸກສາຂາອາຊີບ ຈົ່ງເພີ່ມທະວີຄວາມສາມັກຄີເປັນຈິດໜຶ່ງໃຈດຽວ, ຫັນຄວາມເສົ້າໂສກໃຫ້ກາຍເປັນພະລັງ,
ເສີມຂະຫຍາຍນ້ຳໃຈຮັກຊາດ, ຮັກລະບອບໃໝ່, ຄວາມດຸໝັ່ນຂະຫຍັ່ນພຽນ, ສຸມສະຕິປັນຍາ
ແລະ ຫົວຄິດປະດິດສ້າງເຂົ້າໃສ່ພາລະກິດປົກປັກຮັກ ສາ ແລະ ສ້າງສາພັດທະນາປະເທດຊາດ,
ເຮັດໃຫ້ທົ່ວປະເທດສືບຕໍ່ມີສະຖຽນລະພາບທາງດ້ານການເມືອງອັນໜັກແໜ້ນ, ເສດຖະກິດ-ສັງຄົມ
ໄດ້ຮັບການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ເຮັດໃຫ້ຊີວິດການເປັນຢູ່ຂອງປະຊາຊົນມີການຫັນປ່ຽນດີຂຶ້ນ;
ສຳເລັດການປະຕິບັດມະຕິກອງປະຊຸມໃຫຍ່ຄັ້ງທີ IX ຂອງພັກ ແລະ ກ້າວໄປສູ່ກອງປະຊຸມໃຫຍ່
ຄັ້ງທີ X ຂອງພັກຢ່າງມີໄຊ.
No comments:
Post a Comment