ອຸຕຸແຈ້ງສະພາບອາກາດໃນອາທິດຕໍ່ໜ້າ

     ກົມອຸຕຸນິຍົມ ແລະ ອຸທົກ ກະສາດຄາດຄະເນວ່າ: ສະພາບ ອາກາດແຕ່ນີ້ຮອດວັນທີ 17 ມິຖຸນາ 2014 ຄວາມກົດດັນອາ ກາດຕ່ຳຈະມີກຳລັງປານກາງ ຫາແຮງພັດຜ່ານແຂວງພາກ ກາງລົງຫາພາກໃຕ້ຂອງລາວ, ສົມທົບກັບມໍລະສຸມຕາເວັນຕົກ ສ່ຽງ ໃຕ້ພັດປົກຄຸມດ້ວຍກຳລັງ ແຮງ, ຊຶ່ງຈະເຮັດໃຫ້ເກີດມີຝົນ ຕົກຟ້າຄະນອງໃນລະດັບຄ່ອຍ ເປັນບໍລິເວນກ້ວາງ ແລະ ຕົກປານ ກາງຫາຕົກໜັກຢູ່ບາງທ້ອງຖິ່ນແຂວງພາກກາງລົງຫາພາກໃຕ້.

     ສະພາບອຸນຫະພູມ ແລະ ຝົນແຕ່ນີ້ຮອດວັນທີ 17 ມິຖຸນາ 2014 ມີຄື: ສະພາບອຸນຫະພູມໃນໄລຍະໜຶ່ງອາທິດຕໍ່ໜ້າ ໂດຍທົ່ວໄປສະພາບອຸນຫະພູມອາ ກາດຈະຢູ່ໃນລັກສະນະຮ້ອນທຳມະດາ ແລະ ອຸນຫະພູມອາກາດຈະເຢັນລົງເລັກນ້ອຍ ໃນໄລຍະກາງຫາທ້າຍອາທິດ; ສະພາບ ຝົນ ໃນໄລຍະນີ້ຈົນຮອດວັນທີ 14 ມິຖຸນາ 2014 ຈະມີຝົນຕົກຟ້າ ຄະນອງໃນລະດັບ ປານກາງຫາ ຕົກໜັກຢູ່ບາງທ້ອງຖິ່ນແຂວງ ພາກກາງລົງຫາພາກໃຕ້ໂດຍສະ ເພາະແຂວງສະຫວັນນະເຂດ, ສາລະວັນ, ຈຳປາ ສັກ, ເຊກອງ ແລະ ອັດຕະປື. ດັ່ງນັ້ນຈຶ່ງ ເຕືອນ ມາຍັງປະຊາຊົນທີ່ອາໃສຢູ່ທ້ອງຖິ່ນດັ່ງກ່າວມີຄວາມລະມັດລະວັງຕໍ່ສະພາບ ນ້ຳຖ້ວມ ແລະ ໃຫ້ມີສະຕິ, ເກັບມ້ຽນວັດຖຸສິ່ງຂອງ ໄວ້ບ່ອນປອດໄພ ແລະ ໃຫ້ຕິດ ຕາມສະພາບອາກາດຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.