ຈຳປາສັກເປັນເຈົ້າພາບຈັດກອງປະຊຸມ 5 ແຂວງພາກກາງ ແລະ ພາກໃຕ້

       ແຫຼ່ງຂາວທ້ອງຖິ່ນໃຫ້ ຮູ້ວ່າ: ເຊົ້າວັນທີ 25 ກໍລະກົດນີ້ຢູ່ທີ່ຫ້ອງປະຊຸມໂຮງ ແຮມຈຳປາສັກ ແກຣນ ເມືອງປາກເຊ ແຂວງຈຳປາສັກໄດ້ມີກອງປະຊຸມສະຫຼຸບ ຜົນງານແລະຖອດຖອນບົດຮຽນ ກ່ຽວກັບການກວດກາ ການຄ້າ ໃນບັນດາ5ແຂວງ ພາກກາງ ແລະ ພາກໃຕ້ໄດ້ແກ່ແຂວງຈຳປາສັກ, ສາລະວັນ, ເຊກອງ, ອັດຕະປື ແລະ ແຂວງສະຫວັນນະເຂດ ໂດຍການເຂົ້າຮ່ວມຂອງຫົວໜ້າພະແນກອຸດສາ ຫະກຳການ ຄ້າ 5 ແຂວງດັ່ງກ່າວ.

         ກອງປະຊຸມໄດ້ຮັບຟັງການ ສະຫຼຸບລາຍງານການຈັດຕັ້ງປະຕິບັດກວດກາ ການຄ້າ 6 ເດືອນ ຕົ້ນປີຂອງພະແນກອຸດສາຫະກຳການຄ້າ 5 ແຂວງພາກກາງ ແລະ ພາກໃຕ້ ແລະ ວາງທິດທາງແຜນການດຳເນີນງານ 6 ເດືອນທ້າຍປີ 2013 ກ່ຽວກັບການກວດກາການຄ້າພາຍໃນຈາກ ກົມ ການຄ້າພາຍໃນກໍຄືຢູ່ບັນດາແຂວງ ພາກກາງ ແລະພາກໃຕ້ ເຊິ່ງຜ່ານ ການ ປະຕິບັດວຽກງານວິຊາສະເພາະຕົວຈິງໃນ 6 ເດືອນ ຕົ້ນປີ 2013 ສາມາດກວກາການການ ດຳເນີນທຸລະກິດທີ່ຜິດຕໍ່ລະ ບຽບ ກົດໝາຍການຄຸ້ມຄອງການຄ້າ, ກວດກາການດຳເນີນ

ທຸລະກິດ ທີ່ບໍ່ມີໃບທະບຽນວິສາຫະກິດ ການຄ້າໂດຍສະເພາະສິນຄ້າ ນອກລະບົບທົ່ວປະເທດມີທັງໝົດ 441 ກໍລະນີລວມ ມູນຄ່າເງິນປັບ​ໃຫມ​ຫລາຍ​ກວ່າ​ເກົ່າ 25 ຕື້ກີບ, ສິນຄ້າທີ່ຢຶດໄດ້ແຕ່ຍັງ ຢູ່ໃນຂັ້ນ ຕອນການດຳເນີນຄະດີ 422 ລ້ານ ກວ່າກີບ, ສິນຄ້າທີ່ຖືກຢຶດເປັນ ຂອງລັດທັງໝົດ 367 ລ້ານກວ່າກີບ.

        ທ່ານ ເຫຼື່ອມ ຍົງວົງສິດທິ   ຫົວໜ້າກົມການຄ້າພາຍໃນທັງ ແມ່ນຫົວໜ້າອົງການກວດກາ ການຄ້າຂັ້ນສູນກາງໄດ້ໃຫ້ ທິດຊີ້ນຳ ຄືການກວດກາການຄ້າແມ່ນ ເອົາໃຈໃສ່ປະຕິບັດມະຕິຄຳສັ່ງ ແລະການມອບໝາຍຂອງ ຂັ້ນ ເທິງ ຢ່າງເຂັ້ມງວດ ເຊັ່ນ: ປະຕິບັດຕາມມາດຕາ 24,25 ຂອງດຳລັດ ວ່າດ້ວຍການກວດກາການຄ້າ, ມາດຕາ 5,6 ແລະ ມາດຕາ 7 ຕົກ ລົງວ່າດ້ວຍອົງ ການປະຕິບັດວຽກງານການກວດກາການຄ້າ ເລກທີ2552/ອຄ.ຄພນລົງວັນທີ 14 ທັນວາ 2012  ເຫລົ່ານີ້ເປັນຕົ້ນ.