ທະນາຄານການຄ້າຕ່າງປະເທດ ລາວກຽມອອກບັດເອທີເອັມໃສ່ ບັດນັກສຶກສາວິທະຍາໄລເຕັກນິກແຂວງວຽງຈັນ

            ໃນສົກຮຽນປີ 2013- 2014 ນີ້, ນັກສຶກສາວິທະຍາໄລ ເຕັກນິກແຂວງ ວຽງຈັນຈະໄດ້ນຳໃຊ້ບັດນັກສຶກສາ ແລະ ບັດ ATM ຂອງທະນາຄານການຄ້າຕ່າງ ປະເທດລາວ ມະຫາຊົນ ໃຫ້ເປັນ ບັດດຽວເພື່ອເຮັດໃຫ້ນັກສຶກສາສາມາດນຳໃຊ້ເຂົ້າ ໃນ ການບໍລິຫານທາງດ້ານການເງິນທີ່ສະດວກສະບາຍຂຶ້ນ, ທັງເປັນການອຳນວຍ ຄວາມສະດວກໃຫ້ແກ່ວິທະຍາໄລໃນການ ເກັບ ຄ່າພັນທະຕ່າງໆຈາກນັກສຶກສາ. ຊຶ່ງການນໍາໃຊ້ບັດດັ່ງກ່າວຄະນະຮັບຜິດຊອບວິທະຍາໄລເຕັກນິກຂອງ ແຂວງ ໄດ້ ເຊັນບົດບັນ ທຶກຄວາມເຂົ້າໃຈກັບທະນາຄານການຄ້າຕ່າງປະເທດລາວມະຫາຊົນສາຂາວັງວຽງມີຂຶ້ນໃນວັນທີ 24 ກໍລະກົດ 2013 ຢູ່ທີ່ວິທະຍາໄລເຕັກນິກແຂວງວຽງຈັນ.

         ທ່ານນາງ ສຸໄພພອນ ມະ ໂນທຳ ຮອງຜູ້ອຳນວຍການ ໃຫຍ່ທະນາຄານການຄ້າຕ່າງປະເທດລາວມະຫາຊົນໄດ້ກ່າວ ວ່າ: ໂຄງການຮ່ວມນີ້ເປັນການຫັນປ່ຽນບັດນັກສຶກສາໃນວິທະຍາ ໄລເຕັກນິກແຂວງວຽງຈັນໃຫ້ ເປັນບັດດຽວກັບບັດ ATM ຂອງ ທຄຕລ ເປັນການຕໍ່ຍອດຄວາມສຳເລັດຂອງໂຄງການຕົ້ນແບບທີ່ ທຄຕລ ໄດ້ດຳເນີນໃນໄລຍະຜ່ານມາກັບຫລາຍໆສະ ຖາບັນການສຶກສາເປັນຕົ້ນແມ່ນ: ສະ ຖາບັນການທະນາຄານຂອງທະ ນາຄານແຫ່ງ ສປປ ລາວ, ມະຫາ ວິທະຍາໄລແຫ່ງຊາດ, ມະ ຫາວິທະຍາໄລສະຫວັນນະເຂດ, ມະ ຫາວິທະຍາໄລສຸພານຸວົງ, ມະຫາ ວິທະຍາໄລຈຳປາສັກ ແລະ ວິທະ ຍາໄລອີກ 12 ແຫ່ງ ໃນຂອບເຂດ ທົ່ວປະເທດ; ອັນເປັນການປະ ກອບສ່ວນສຳຄັນທີ່ຊ່ວຍສ້າງ ຄວາມທັນສະໄຫມໃຫ້ແກ່ການຄຸ້ມຄອງ ບັດນັກ ສຶກສາ; ນອກນີ້ ຍັງເຮັດໃຫ້ນັກສຶກສາລາວກ້າວ ທັນເທັກໂນໂລຊີການທະນາຄານຄືກັນກັບເຂົາເຈົ້າໄດ້ຄຸ້ນເຄີຍ ກັບເທັກໂນ ໂລຊີປະເພດອື່ນໆ ແລະ ມີຄວາມປອດໄພກວ່າການຖືເງິນສົດ; ນອກຈາກເປັນບັດປະຈຳ ຕົວຂອງນັກສຶກສາແລ້ວ ຍັງສາມາດນຳໃຊ້ບັດດັ່ງກ່າວໃນການ ຖອນເເງິນສົດ ແລະ ສຳລະສິນ ຄ້າຢູ່ພາຍໃນ ແລະ ຕ່າງປະເທດ ຕື່ມອີກ.