ນ້ຳຖ້ວມທາງຍັງສືບຕໍ່ເປັນວົງກວ້າງ ຍ້ອນຮ່ອງລະບາຍນ້ຳອັດຕັນ

         ນັບແຕ່ເລີ່ມເຂົ້າສູ່ລະດູຝົນເປັນຕົ້ນມາ, ເສັ້ນທາງສາຍຫຼັກ ແລະ ທາງຮ່ອມຫຼາຍສາຍ ຢູ່ນະຄອນຫຼວງວຽງຈັນ ໄດ້ເກີດມີ ສະພາບນ້ຳຖ້ວມອັ່ງນັບມື້ຍິ່ງຂະຫຍາຍເປັນວົງກ້ວາງຂື້ນ ອັນໄດ້ສ້າງຄວາມຍຸງ ຍາກໃຫ້ແກ່ການສັນຈອນໄປມາ ແລະ ໄດ້ເກີດມີຫາງສຽງຈົມວ່າຈາກ ສັງຄົມຢ່າງແຜ່ຫຼາຍໂດຍສະເພາະແມ່ນຜູ້ທີ່ຕັ້ງເຮືອນຊານຕາມແຄມທາງທີ່ເກີດນ້ຳຖ້ວມໂ ດຍເຂົ້າເຈົ້າຂໍ ຮ້ອງໃຫ້ພາກສ່ວນກ່ຽວຂ້ອງຈົ່ງເພີ່ມທະວີການເອົາໃຈໃສ່ຕື່ມຕໍ່ການແກ້ໄຂບັນ ຫາດັ່ງກ່າວໂດຍສະເພາະແມ່ນຮ່ອງນ້ຳອັດຕັນທີ່ມີສິ່ງກໍ່ສ້າງໄປສະກັດກັ້ນການລະໄຫຼຂອງນ້ຳໃ ນຕົວເມືອງ.

        ຕໍ່ບັນຫາດັ່ງກ່າວນີ້, ຜ່ານມາສື່ຕ່າງໆກໍໄດ້ນຳສະເໜີອອກຂ່າວຫລາຍຮູບການເພື່ອຂໍ ຄວາມເຫັນໃຈ ຈາກພາກສ່ວນກ່ຽວ ຂ້ອງໃຫ້ພິຈາລະນາແກ້ໄຂ. ນອກຈາກຈະເຮັດໃຫ້ການ ສັນຈອນໄປມາພົບຄວາມຫຍຸ້ງ ຍາກແລ້ວ, ຍັງຈະປັນຕົ້ນເຫດເຮັດໃຫ້ ເສັ້ນທາງເປ່ເພໄວຂຶ້ນກວ່າປົກກະຕິ, ດັ່ງພວກເຮົາເຫັນໃນ ເວລາເກີດມີຝັນຕົກຍາມໃດເສັ້ນທາງເກືອບທຸກຈຸດທີ່ຕ່ຳຢູ່ນະຄອນ ຫຼວງເກີດມີສະພາບນ້ຳຖ້ວມຫົ້ງນັບມື້ຮ້າຍແຮງຂຶ້ນໂດຍ ສະເພາະໃນວັນທີ 24 ກໍລະກົດ, ໄດ້ເກີດຝົນຕົກແຮງ, ຖະໜົນຫຼາຍ ສາຍເຊັ່ນ:ຖະໜົນເສດຖາທິລາດເສັ້ນທາງຮ່ອມຫໍວັດ

ທະນະທຳ, ຖະໜົນສາມແສນໄທຕອນທາງ ບ້ານສີສະເກດ, ທາງບ້ານ ເຈົ້າອານຸ, ເສັ້ນທາງບ້ານສາຍລົມ, ເສັ້ນທາງເຈົ້າສຸພາ ນຸວົງນັບແຕ່ ວັດໄຕນ້ອຍມາຫາບ້ານຫົວເມືອງ ແລະ ຈຸດ ອື່ນໆ ໄດ້ເກີດມີສະພາບນ້ຳຖ້ວມຫົ້ງຢ່າງຕໍ່ເນື່ອງຊຶ່ງສາເຫດຕົ້ນຕໍ ແມ່ນເກີດຈາກຮ່ອງລະບາຍນ້ຳອັດຕັນ, ຂາດຄວາມເອົາໃຈໃສ່ບົວລະບັດເອົາສິ່ງກີດຂວາງອອກຈາກຄອງລະບາຍຈາກພາກ ສ່ວນກ່ຽວຂ້ອງແຕ່ຫົວ ທີ ແລະ ສະພາບແບບນີ້ໄດ້ເຄີຍມີມານັບເປັນ ເວລາ ຫຼາຍປີ, ແຕ່ຍັງບໍ່ທັນສາມາດແກ້ໄຂໄດ້ຢ່າງຂາດຕົວ ແລະ ປັດຈຸບັນ, ບັນຫາດັ່ງກ່າວນັບວ່າເປັນສິ່ງຈຳເປັນທີ່ພາກ ສ່ວນ ກ່ຽວຂ້ອງຈະຕ້ອງໄດ້ຫັນມາແກ້ໄຂຢ່າງ ເອົາຈິງເອົາຈັງ ເພື່ອໃຫ້ ສ.ສະອາດ ທີ່ນະຄອນຫຼວງວຽງຈັນວາງປາກົດຜົນເປັນຈິງ.