ໃນວັນທີ 24 ກໍລະກົດນີ້, ປກສ
ເມືອງສີສັດຕະນາກ ນະຄອນຫຼວງວຽງຈັນ ໄດ້ມອບສາຍຄໍຄຳ,ແຫວນ ແລະ ປະຫລັກແຂນ
ລວມນ້ຳໜັກ 3 ບາດ ຄືນໃຫ້ເຈົ້າຂອງເດີມຄືນາງ ພຸດດາວັນ ຢູ່ບ້ານນາສ້າງໄພ່
ເມືອງສີໂຄດຕະບອງ ນະຄອນຫຼວງ ວຽງຈັນພາຍ
ຫຼັງເຈົ້າໜ້າທີ່ເກັບກູ້ຊັບດັ່ງກ່າວຄືນໄດ້ຈາກທ້າວ ໄພສິດ ໄຊຍະວົງ
ຢູ່ບ້ານອຸບມຸງ ເມືອງສີໂຄດຕະບອງ ນະຄອນຫຼວງວຽງຈັນ
ຜູ້ຕ້ອງຫາໃນຄະດີລັກຊັບພົນລະເມືອງ.
ເຈົ້າໜ້າທີ່ ປກສ ເມືອງສີສັດຕະນາກ
ກ່າວວ່າ: ຜ່ານການສືບສວນ-ສອບສວນ, ຜູ້ຕ້ອງຫາຮັບສາ ລະພາບວ່າ: ໃນວັນທີ
10 ເມສາ
ຕົນເອງໄດ້ໄປຫຼິ້ນເກມຢູ່ເຂດບ້ານທາດຫຼວງ ຮອດຕອນບ່າຍພໍດີເງິນ ໝົດ
ຈຶ່ງໄດ້ຢືມເອົາລົດເວບໝູ່ເພື່ອຈະກັບມາເອົາເງິນ ຫຼັງໄດ້ລົດແລ້ວກໍຂີ່ອອກມາທາງຕະຫຼາດຫົວຂົວ
ໄດ້ພົບເຫັນແມ່ຍິງລົງ
ຈາກລົດ ໂດຍຍັງຕິດຈັກລົດໄວ້
ຈຶ່ງຂີ່ລົດເຂົ້າໄປຮຽງຂ້າງແລ້ວໄຂປະຕູລົດລັກ ເອົາຖົງ
ທີ່ວາງຢູ່ເບາະນັ່ງຂອງລົດແມ່ຍິງຄົນນັ້ນແລ້ວຂີ່ລົດຈັກໜີໄປ
ເມື່ອກວດເບິ່ງຖົງມີເງິນ 5 ລ້ານກີບ, 20 ພັນບາດ ແລະ ສາຍຄໍຄຳ, ສາຍແຂນ ແລະ
ແຫວນ ລວມ ນ້ຳໜັກ 6 ບາດ.ຈາກນັ້ນ ຈຶ່ງໄດ້ຂີ່ລົດກັບເມືອບ້ານ ແລະ
ໄດ້ນຳເອົາຄຳໄປຂາຍໃຫ້ກັບຊາຍຄົນໜຶ່ງຢູ່ຕະຫຼາດເຊົ້າກ່ອນຈະຖືກເຈົ້າໜ້າ
ທີ່ຈັບດຳເນີນຄະດີ ໃນເວລາຕໍ່ມາ.
ເຈົ້າໜ້າທີ່ ປກສ ເມືອງສີສັດຕະນາກ
ໃຫ້ຮູ້ວ່າ: ຈາກການດຳເນີນຄະດີ,ປັດຈຸບັນທາງເຈົ້າ ໜ້າທີ່ ສາມາດເກັບກູ້ຊັບສິນທີ່ເສຍຫາຍໄດ້ຈຳນວນໜຶ່ງ
ເຊິ່ງໄດ້ສົ່ງມອບໃຫ້ກັບນາງ ພຸດດາວັນ ຜູ້ເສຍຫາຍ, ສ່ວນທີ່ຍັງເຫຼືອແມ່ນພວມສືບຕໍ່ເກັບກູ້ຊັບສິນດັ່ງກ່າວຄືນໃຫ້ເຈົ້າຂອງ.
No comments:
Post a Comment