ທ່ານນາຍົກລັດຖະມົນຕີລົງພົບປະໂອ້ລົມປະຊາຊົນບ້ານນາຍາງ

           ໃນວັນທີ 25 ກໍລະກົດນີ້,  ທ່ານ ທອງສິງ ທຳມະວົງ ນາຍົກລັດຖະມົນຕີ ພ້ອມຄະນະໄດ້ລົງເຄື່ອນໄຫວຢ້ຽມຢາມ ແລະ ພົບປະໂອ້ລົມປະຊາຊົນບ້ານນາຍາງ ກຸ່ມບ້ານນ້ຳກ້ຽງ ເມືອງນາ ຊາຍທອງ ນະຄອນຫລວງວຽງຈັນ ໂດຍໄດ້ຮັບການ ຕ້ອນ ຮັບຈາກທ່ານ ສຸກັນ ມະຫາລາດ ເຈົ້າຄອງນະຄອນຫລວງວຽງຈັນ, ທ່ານ ບຸນທອງ ພົມມະຈັນ ເຈົ້າເມືອງໆນາຊາຍທອງ ແລະ ການນຳເມືອງ ພ້ອມພໍ່ແມ່ປະຊາຊົນ ບ້ານດັ່ງກ່າວ..

             ການລົງຢ້ຽມຢາມຂອງທ່ານນາຍົກລັດຖະມົນຕີຄັ້ງນີ້ໄດ້ຮັບຟັງການລາຍ ງານສະພາບການພັດທະນາເສດຖະກິດ- ສັງຄົມໂດຍຫຍໍ້ ຈາກທ່ານເຈົ້າເມືອງ ເຊິ່ງໄດ້ ຊີ້ໃຫ້ເຫັນການຈັດຕັ້ງປະຕິບັດວຽກ ງານຕ່າງໆໃນໄລຍະຜ່ານມາ ໂດຍສະເພາະ ການສະກັດກັ້ນ ແລະ ແກ້ໄຂປາກົດການຫຍໍ້ທໍ້ໃນສັງຄົມຕາມທິດສາມສ້າງທີ່ໄດ້ກຳ ນົດເອົາບ້ານຮ່ອງງົວ ແລະ ນາຍາງ, ເສດ ຖະກິດມີການຂະຫຍາຍຕົວຕໍ່ເນື່ອງໃນລະດັບ 9,15%, ປີຜ່ານມາກະສິກອນຜະ

ລິດເຂົ້າໃນເນື້ອທີ່ 12  ພັນກວ່າເຮັກຕາ, ສ້າງ ຕົວແບບໄດ້ 181 ຄອບຄົວ, ມີຊົນລະປະທານ 14 ແຫ່ງສາມາດສະໜອງນ້ຳແກ່ກ ານຜະລິດລະດູແລ້ງ ແລະ ການປູກພືດສຳ ຮອງລວມຍອດລາຍຮັບທົ່ວເມືອງບັນລຸ 700 ກ່ວາຕື້, ສະເລ່ຍລາຍຮັບຕໍ່ຫົວຄົນໄດ້ 10 ລ້ານກວ່າກີບ/ ຄົນ/ປີ. ການນຳເມືອງ ໄດ້ສຸມໃສ່ຜັນຂະຫຍາຍ 4 ບຸກທະລຸຂອງພັກວາງອອກໃນການພັດທະນາຊັບພະຍາ ກອນມະນຸດ, ປະກາດຮັບຮອງບ້ານ ແບບ ຢ່າງສາທາລະນະສຸກ 54 ບ້ານ, ທັງເອົາໃຈໃສ່ຂະບວນການສະກັດ ກັ້ນ ແລະ ປ້ອງກັນພະຍາດໄຂ້ເລືອດອອກ, ແຕ່ເດືອນ 5-7/ 2013 ມີການລະບາດພະຍາດ ໄຂ້ເລືອດອອກຫລາຍສົມຄວນ ທົ່ວ ເມືອງມີ 325 ຄົນ, ເສຍຊີວິດ 1 ຄົນ; ສ້າງຄອບຄົວ ວັດທະນະທຳໄດ້ 7.235 ຄອບຄົວ ແລະ ບ້ານວັດທະນະທຳ 29 ບ້ານ.

     ຈາກນັ້ນ ນາຍບ້ານໆ ນາຍາງ ກໍໄດ້ລາຍງານໃຫ້ທ່ານນາຍົກ ຊາບຕື່ມວ່າ: ບ້ານນາຍາງສ້າງ ຕັ້ງຂຶ້ນມາໄດ້ 124 ປີ ປັດຈຸບັນ ມີ 326 ຫລັງເຮືອນ, 332 ຄອບ ຄົວ, 1.824 ຄົນ, ມີແຫລ່ງທ່ອງທ່ຽວຕາດຊອນ-ດ່ານສູງ ແລະ ອື່ນໆຈຳນວນໜຶ່ງ, ປະ ຊາຊົນ ເຊື່ອມຊຶມແນວທາງນະໂຍບາຍ ຂອງຂັ້ນເທິງໄດ້ດີ, ບໍ່ມີຄອບຄົວທຸກຍາກ, ຢຶດອາຊີບປູກຝັງ-ລ້ຽງ ສັດ 90%, ມີເນື້ອ ທີ່ 125 ເຮັກຕາ, ສະມັດຖະພາບ 3,9 ໂຕນ/ເຮັກຕາ, ຜ່ານມາສາມາດແກ້ໄຂປາກົດ ການຫຍໍ້ທໍ້ຕ່າງໆໄດ້ດີສົມຄວນ.

          ໂອກາດນີ້,ທ່ານນາຍົກ ລັດ ຖະມົນຕີ ໄດ້ກ່າວສະແດງຄວາມ ຍ້ອງຍໍຊົມເຊີຍ ຕໍ່ຄະນະນຳເມືອງ ນາຊາຍທອງ ກໍຄື ບ້ານ ນາຍາງ ທີ່ຍາດໄດ້ຜົນສຳເລັດຫລາຍດ້ານ, ພ້ອມທັງຍົກໃຫ້ເຫັນສະພາບການ ສ້າງສາພັດທະນາປະເທດຊາດທີ່ມີການ ປ່ຽນແປງຢ່າງໄວວາ, ພັກ-ລັດຖະບານໄດ້ສຸມໃສ່ແກ້ໄຂຄວາມທຸກຍາກໃຫ້ປະຊາຊົນ ຢ່າງຕັ້ງໜ້າ ແລະ ມີຜົນສຳເລັດ, ນຳເອົາ ຄວາມຢູ່ດີກິນດີ ແລະ ຄວາມຈະເລີນສີວິໄລມາໃຫ້ປະຊາຊົນ. ຢ່າງໃດກໍຕາມ,ທ່ານໄດ້ ເນັ້ນໃຫ້ອຳນາດການປົກຄອງຕະ ຫລອດຮອດປະຊາຊົນທຸກຄົນຕ້ອງສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອວິລະຊົນທີ່ອົງອາດກ້າຫານໄວ້ໃຫ້ດີທີ່ ສຸດ ເນື່ອງຈາກວ່າ ບ້ານນາຍາງໃນອະດີດແມ່ນບ້ານວິລະຊົນມີຜົນງານດີເດັ່ນໃນການຊ່ວຍເຫລືອຜູ້ນຳອອກຈາກຄຸກໃນເມື່ອ ກ່ອນ, ພັດທະນາໃຫ້ເປັນບ້ານແບບຢ່າງ ແລະ ເປັນບ້ານວິລະຊົນ ໃນເງື່ອນໄຂໃໝ່; ສຸມໃສ່ພັດທະນາເມືອງຕິດພັນກັບທິດນຳ 3 ສ້າງ ກໍຄື ການສ້າງບ້ານໃຫ້ ເປັນຫົວໜ່ວຍພັດທະນາ; ເພີ່ມທະວີການເມືອງ ແນວຄິດໃຫ້ເລິກເຊິ່ງກວ່າເກົ່າ, ເຊື່ອມຊຶມ ແລະ ກຳແໜ້ນລະບຽບຂອງພັກ-ກົດໝາຍຂອງລັດ, ເອົາໃຈໃສ່ວຽກງານປ້ອງກັນ ຊາດ-ປ້ອງກັນຄວາມສະຫງົບໃຫ້ໜັກແໜ້ນກວ່າ ເກົ່າ, ແກ້ໄຂປາກົດການຫຍໍ້ທໍ້ໃຫ້ທັນການໃນໝູ່ຊາວໜຸ່ມ-ເຍົາວະຊົນລົງເລິກເຖິງຄອບຄົວ; ຊຸກຍູ້ການຜະລິດເປັນສິນຄ້າຢ່າງ ແຂງແຮງ, ຕ້ອງມີສ່ວນຮ່ວມພັດທະນາແຫລ່ງທ່ອງທ່ຽວທີ່ມີແລ້ວໃຫ້ດີກວ່າເກົ່າສາມາດດຶງດູດນັກທ່ອງທ່ຽວໃຫ້ຫລາຍ, ນຳ ໃຊ້ທ່າແຮງທີ່ໃຫ້ເກີດອດກອອກຜົນ (1 ກຸ່ມບ້ານ ຫລື 1 ບ້ານ 1 ຜະລິດຕະພັນ),ພ້ອມກັນເຮັດອະນາໄມປ້ອງກັນໄຂ້ເລືອດ ອອກທີ່ອາດຈະເກີດຂຶ້ນອີກຮອບສອງ; ບັນຫາທີ່ສຳຄັນຍິ່ງແມ່ນເອົາໃຈໃສ່ ແລະ ພັດທະນາລະບົບການເມືອງໃຫ້ມີຄວາມໜັກ ແໜ້ນເຂັ້ມແຂງ. ໜ່ວຍພັກຕ້ອງເປັນເຈົ້າການວາງແຜນແກ້ໄຂບັນຫາທີ່ເກີດຂຶ້ນ, ສະມາ ຊິກຕ້ອງເປັນແບບຢ່າງໃນການຈັດຕັ້ງ ນຳພາພັດທະນາຄອບຄົວ, ພັດທະນາບ້ານກໍຄືການແກ້ໄຂຄວາມທຸກຍາກຂອງປະຊາຊົນ.