ຫາລືຈັດຕັ້ງປະຕິບັດວຽກງານການຮ່ວມມືລະຫວ່າງພາກລັດ ແລະ ພາກທຸລະກິດ

         ເຊົ້າວັນທີ 1 ກໍລະກົດນີ້, ກົມນະໂຍບາຍການຄ້າຕ່າງປະເທດກະຊວງອຸດສາຫະກຳ ແລະ ການຄ້າ ຮ່ວມກັບສະຖາ ບັນ ຄົ້ນຄວ້າເສດຖະກິດອາຊຽນ ແລະ ອາຊີຕາເວັນອອກ (RIA) ໄດ້ຈັດກອງປະຊຸມສຳ ມະນາຂຶ້ນພາຍໃຕ້ຫົວ ຂໍ້: Public Private Partnership (PPP): Utilizing Efficient Infra structure Development Framework ຢູ່ໂຮງແຮມ ເມີກຽວ ນະຄອນຫຼວງວຽງຈັນ ໂດຍການເຂົ້ າຮ່ວມຂອງທ່ານ ນາງ ເຂັມມະນີ ພົນເສນາ ລັດຖະມົນຕີຊ່ວຍວ່າການກະຊວງ ອຸດສາຫະກຳ ແລະ ການ ຄ້າ, ມີທ່ານ Satoshi Kuwahara ທີ່ປຶກສາລະ ດັບສູງຂອງສະຖາບັນຄົ້ນຄວ້າ ERIA ແລະ ພາກ ສ່ວນທີ່ກ່ຽວຂ້ອງທັງພາກລັດ ແລະ ເອກະຊົນ ເຂົ້າຮ່ວມ 60 ທ່ານ.

             ການສຳມະນາດັ່ງກ່າວແມ່ນເພື່ອຊຸກຍູ້ສົ່ງເສີມການຈັດຕັ້ງປະຕິບັດວຽກງານການຮ່ວມມືລະ ຫວ່າງພາກລັດ ແລະ ເອກະຊົນ (PPP) ໂດຍສະເພາະໃນຂອບການຮ່ວມມືດ້ານການພັດທະນາລະບົບພື້ນ ຖານໂຄງລ່າງໃນ ສປປ.ລາວ ທີ່ມີປະ ສິດທິພາບ ແລະ ເພື່ອໃຫ້ທັນກັບສະພາບການພັດທະນາເສດຖະ ກິດໃນພາກພື້ນ ແລະ ສາກົນ.

           ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າກ່າວ​ໃນ​ພິທີວ່າ:ໃນໄລຍະຜ່ານມາ, ສປປ.ລາວ ໄດ້ຈັດຕັ້ງປະຕິບັດບັນດາ ມາດຕະການຕ່າງໆເພື່ອໃຫ້ສອດຄ່ອງກັບລະບຽບການໃນການເຊື່ອມໂຍງກັບເສດຖະກິດພາກພື້ນ ແລະ ສາກົນເປັນຕົ້ນການເຂົ້າຮ່ວມອົງການການ ຄ້າໂລກ, ການເຊື່ອມໂຍງເຂົ້າກັບເສດຖະກິດອາຊຽນ ແລະ ການກະກຽມຄວາມ ພ້ອມໃນການກ້າວສູ່ປະຊາຄົມເສດຖະກິດອາຊຽນປີ 2015. ເພາະສະນັ້ນ ເພື່ອຊຸກຍູ້ໃຫ້ເສດຖະກິດຂອງ ສປປ.ລາວ ມີການ ເຕີບໃຫຍ່ຂະຫຍາຍຕົວຢ່າງໝັ້ນຄົງ ແລະ ເຮັດໃຫ້ ສປປ.ລາວ ບັນລຸເປົ້າໝາຍສະຫັດ ສະວັດດ້ານ ການພັດທະນາປີ 2020 ນັ້ນ ການພັດທະນາພື້ນຖານໂຄງລ່າງເສດຖະກິດຈຶ່ງມີຄວາມສຳຄັນ ແລະ ຈຳເປັນທີ່ສຸດເພື່ອອຳນວຍຄວາມສະ ດວກໃຫ້ແກ່ ການຄ້າພາຍໃນ ແລະ ລະ ຫວ່າງປະເທດ ເຊິ່ງຖືກຕ້ອງ ແລະ ສອດຄ່ອງກັບແຜນແມ່ບົດການເຊື່ອມໂຍງອາຊຽນ ຫຼື Master Plan on ASEAN Connectivity.

            ສະຖາບັນ ERIA ໄດ້ດຳ ເນີນການສຶກສາຄົ້ນຄວ້າກ່ຽວກັບ ກົນໄກການພັດທະນາພື້ນຖານໂຄງລ່າງໃນບັນດາປະ ເທດສະມາຊິກອາຊຽນ ໂດຍເນັ້ນໃສ່ການມີສ່ວນຮ່ວມຂອງພາກທຸລະກິດໃນຂົງເຂດວຽກງານການອຳນວຍຄວາມສະດວກ ດ້ານລະບົບໂຄງລ່າງພື້ນຖານຂອງລັດ, ເຊິ່ງການສຶກສາຄົ້ນຄວ້າກ່ຽວກັບ PPP ໃນໄລຍະທີ 1 ຂອງ ERIA ແມ່ນໄດ້ແນ່ໃສ່ ການຈັດຕັ້ງປະຕິ ບັດບັນດາກົນໄກດັ່ງກ່າວຢູ່ ໃນບັນດາ​ປະ​ເທດ: ອິນ​ໂດ​ເນ​ເຊຍ, ມາ​ເລ​ເຊຍ, ຟີ​ລິບ​ປິນ, ​ໄທ ແລະ ຫວຽດ ນາມ. ສຳລັບ​ການ​ຄົ້ນຄວ້າ​ໄລຍະ​ທີ 2 ແມ່ນ​ໄດ້​ແນ່​ໃສ່​ການ​ກະກຽມ​ຄວາມ​ພ້ອມ​ຂອງ ສປປ.ລາວ, ກຳປູ​ເຈຍ ​ແລະ ມຽນມ້າ ​ເຂົ້າ​ໃນ​ການຈັດຕັ້ງປະຕິບັດ​ວຽກງານ PPP.

          PPP ຈະ​ເປັນ​ປັດ​ໄຈ​ສຳຄັນ​ໃນ​ການ​ເສີມ​ຂະຫຍາຍ​ການ​ມີ​ສ່ວນ​ຮ່ວມ​ຂອງ​ພາກ​ທຸລະ​ກິດໃນ​ວຽກ​ງານ​ການ​ພັດທະ ນາ​ພື້ນຖານ​ໂຄງ​ລ່າງ​ຂອງ ສປປ.ລາວ ​ເຊິ່ງ ພາກ​ລັດ​ເອງ​ກໍ​ຈະ​ຕ້ອງ​ໄດ້​ປັບປຸງ​ບັນດາລະ ບຽບ​ການ​ຕ່າງໆເພື່ອ​ສ້າງ​ຄວາ​ມສົນ​ໃຈໃຫ້​ພາກ​ທຸລະ​ກິດ​ເຂົ້າ​ຮ່ວມໃນ​ໂຄງການ​ພັດທະນາ​ຕ່າງໆຂອງ​ລັດ​ໃຫ້​ຫຼາຍ​ຂຶ້ນ ກວ່າ​ເກົ່າ ​ເພາະສະນັ້ນ ກອງ​ປະ ຊຸມ​ດັ່ງກ່າວ​ຈະ​ເປັນ​ໂອກາດ ​ແລະ ​ເວທີ ເພື່ອ​ໃຫ້​ບັນດາ​ຜູ້​ເຂົ້າ​ຮ່ວມ​ທັງ​ໝົດ ​ໄດ້​ຮັບ​ຟັງ​ການ​ບັນ​ລະ​ຍາຍ​ກ່ຽວ​ກັບ​ຄວາມ​ໝາຍ ​ແລະ ຄວາມ​ສຳຄັນ​ຂອງ​ວຽກ​ງານ PPP ໂດຍ​ບັນດາ​ຊຽວຊານ​ທີ່​ມີ​ປະສົບ​ການ​ຈາກ​ສະ​ຖາ​ບັນ ERIA ແລະ ປະ​ເທດ​ອົດສຕາ​ລີ.