ລາວ-ຫວຽດນາມ ແລະ ຣາຊະອານາຈັກໄທ ແລກປ່ຽນບົດຮຽນດ້ານການພັດທະນາທຸລະກິດຂະໜາດນ້ອຍ ແລະ ກາງ

        ເພື່ອຮອງຮັບການເຂົ້າເປັນປະຊາຄົມເສດຖະກິດອາຊຽນ ໃນປີ 2015, ສູນກາງຊາວໜຸ່ມ ປະຊາຊົນ ປະຕິວັດລາວ, ໄດ້ເປັນເຈົ້າພາບຈັດກອງປະຊຸມສຳມະນາເພື່ອແລກປ່ຽນບົດຮຽນດ້ານ ການພັດທະນາທຸລະກິດຂະໜາດ ນ້ອຍ ແລະ ຂະ ໜາດກາງລະຫວ່າງສາມປະເທດລາວ- ຫວຽດ ນາມ ແລະ ຣາຊະອານາຈັກໄທ ຂຶ້ນ ໃນວັນ ທີ 28 ມິຖຸນາຜ່ານມານີ້, ຢູ່ນະ ຄອນຫລວງ ວຽງຈັນ.         

         ໃນກອງປະຊຸມ, ຜູ້ຕາງໜ້າຂອງສາມປະເທດດັ່ງກ່າວ, ຕ່າງກໍໄດ້ລາຍງານຄວາມອາດສາ ມາດການເຄື່ອນໄຫວຂອງ ບັນດາຫົວໜ່ວຍທຸລະກິດຂະໜາດນ້ອຍ ແລະ ກາງຢູ່ພາຍໃນປະເທດ ຂອງຕົນກໍຄືບັນດານະໂຍບາຍຕ່າງໆຂອງລັດຖະບານທີ່ ມີຕໍ່ບັນດາຫົວໜ່ວຍທຸລະກິດດັ່ງກ່າວ, ພ້ອມນັ້ນກໍແມ່ນການປະກອບສ່ວນຂອງເຂົາເຈົ້າຕໍ່ກັບການພັດທະນາເສດຖະກິດ- ສັງ ຄົມຂອງຊາດ, ໂດຍ ສະເພາະແມ່ນການປະ ກອບສ່ວນ ສ້າງວຽກເຮັດງານທຳໃຫ້ແກ່ສັງຄົມ, ການແກ້ໄຂຄວາມທຸກຍາກຂອງ ປະຊາຊົນຢູ່ຕາມທ້ອງຖິ່ນ ຕ່າງໆໃຫ້ມີການປ່ຽນແປງດີຂຶ້ນ, ພ້ອມນັ້ນກໍໄດ້ຍົກ

ໃຫ້ເຫັນຄວາມຫຍຸ້ງຍາກແລະສິ່ງທ້າທາຍ ຕ່າງໆຕໍ່ກັບບັນດາຫົວໜ່ວຍທຸລະກິດດັ່ງກ່າວ ຢູ່ແຕ່ລະປະເທດໃນໄລຍະການພັດທະນາ, ໂດຍສະເພາະ ແມ່ນບັນຫາແຫລ່ງ ທຶນ, ເຕັກນິກວິຊາການ ແລະ ກຳລັງແຮງງານພ້ອມຄວາມອາດສາມາດດຳເນີນທຸລະກິດຂອງເຂົາເຈົ້າ.         

          ນັກສຳມະນາກອນໄດ້ຢືນ ຢັນວ່າ: ຈະເພ່ີມທະວີຄວາມພະ ຍາຍາມຂອງ ຕົນໃນການກ້າວ ສູ່ປະຊາຄົມອາຊຽນ ປີ 2015 ເພື່ອ ສ້າງເປັນ ຂົງເຂດເສດຖະກິດທີ່ມີຄວາມອາດສາມາດແກ້ງ ແຍ່ງ ແຂ່ງຂັນສູງນັ້ນໃຫ້ມີພື້ນຖານເສດຖະກິດທີ່ໝັ້ນ ຄົງ ແລະ ແໜ້ນໜາ. ດັ່ງນັ້ນບັນດາຫົວ ໜ່ວຍທຸລະກິດຂະໜາດນ້ອຍ ແລະ ຂະໜາດກາງແຕ່ລະປະເທດຕ້ອງໄດ້ຍົກສູງຄວາມ ອາດສາມາດຂອງຕົນໃຫ້ຫລາຍຂຶ້ນເພື່ອຫລຸດ ຜ່ອນສະ ພາບຫລຸດໂຕນກັນ ນັບທັງລະດັບຄວາມສາມາດ, ກຳລັງແຮງງານ ແລະ ເຕັກໂນໂລຊີ ທ່ີທັນສະໄໝ, ຄຽງຄູ່ກັນນັ້ນ ກໍຕ້ອງເພ່ີມ ທະວີການ ຮ່ວມມືຊ່ວຍເຫລືອ ເຊິ່ງກັນ ແລະກັນ, ນັບທັງບົດຮຽນ ແລະ ປະສົບການຕ່າງໆ ເພື່ອກະຕຸກຊຸກຍູ້ການຜະລິດໃຫ້ຂະຫຍາຍຕົວ ເພື່ອເຮັດໃຫ້ໄລ ຍະຫ່າງຂອງອົງການພັດທະນາລະ ຫວ່າງປະເທດອາຊຽນດ້ວຍກັນໃຫ້ຍັບເຂົ້າໄກ້ກັນເທື່ອລະກ້າວ.