ຜົນການສອບເສັງເຂົ້າລັດຖະກອນທົ່ວປະເທດບັນລຸໄດ້ 89,78%

              ການສອບເສັງເຂົ້າລັດຖະກອນພາກຄວາມຮູ້ທົ່ວໄປໃນ ທົ່ວປະເທດຄັ້ງ ວັນທີ 14 ກັນຍາ 2013 ມາຮອດປັດຈຸບັນໄດ້ສຳເລັດການກວດກາບົດສອບເປັນ ທີ່ຮຽບຮ້ອຍແລ້ວໃນຈຳນວນຜູ້ເຂົ້າສອບເສັ ງທັງໝົດ 38,400 ກວ່າຄົນ, ໃນນັ້ນມີ ຜູ້ສາມາດສອບຜ່ານໄດ້ 32,500 ກວ່າຄົນ, ເທົ່າກັບ 89,78%, ຄາດວ່າ, ທາງ ຄະນະກຳມະການຈະມອບບັດລັດຖະກອນໃຫ້ຜູ້ສອບເສັງໄດ້ໃຫ້ສຳເລັດກ່ອນ ວັນທີ 5 ຕຸລາທີ່ຈະມາເຖິງນີ້.

              ທ່ານ ວິໄຊ ພັນດານຸວົງ,  ຫົວໜ້າກົມຄຸ້ມຄອງລັດຖະກອນ, ກະຊວງ ພາຍໃນກ່າວວ່າ:ການສອບເສັງຄັ້ງນີ້ນັບວ່າ ເປັນຄັ້ງທຳອິດທີ່ກະຊວງພາຍໃນໄດ້ຮ່ວມ ກັບຄະນະພັກຄະນະປົກຄອງບັນດາ ແຂວງ ແລະ ນະຄອນຫຼວງຈັດຕັ້ງປະຕິບັດ ແລະ ເຫັນວ່າ:ໄດ້ມີການກະກຽມຢ່າງລະອຽດນັບທັງດ້ານວິຊາການການປ້ອງກັນຄວາມສະຫງົບ, ຄວາມເປັນລະບຽບຮຽບ ຮ້ອຍ , ການອອກຫົວບົດສອບເສັງ ແລະ ການກວດບົດສອບເສັງຂອງຄະນະກຳມະການແມ່ນໄດ້ເອົາໃຈໃສ່ຢ່າງລະອຽດຖີ່ ຖ້ວນ ປາສະຈາກຄວາມຜິດພາດໃດໆ, ເວົ້າລວມແລ້ວການສອບເສັງພາກຄວາມຮູ້ທົ່ວໄປຄັ້ງນີ້ແມ່ນສາມາດດຳເນີນໄປດ້ວຍ

ຄວາມປອດໄພ, ຮັບປະກັນໄດ້ຄວາມເປັນລະບຽບຮຽບຮ້ອຍ, ມີຄວາມໂປ່ງໃສ່ ແລະ ຍຸດຕິທຳ, ແຕ່ຄຽງຄູ່ກັນນັ້ນກໍມີຄວາມ ຍຸງຍາກບາງຢ່າງທີ່ຈະຖືເປັນບົດຮຽນໃນຄັ້ງຕໍ່ໄປເປັນຕົ້ນແມ່ນຄະນະກຳມະການຍາມຫ້ອງສອບເສັງຍັງມີໜ້ອຍບໍ່ພຽງພໍ່ທີ່ ະ ຄວມຄຸມການສອບເສັງ, ຕົວຢ່າງ: ຢູນະຄອນຫຼວງວຽງຈັນມີ ຫ້ອງສອບເສັງເກືອບ 500 ຫ້ອງ, ແຕ່ລະຫ້ອງຈະມີກຳມະການ ຍາມ 2 ຄົນ, ທີ່ມາຈາກຄູ່ອາຈານ, ສຳລັບຜົນການສອບເສັງມາຮອດປັດຈຸບັນທາງຄະນະກຳມະການໄດ້ກວດບົດສອບສຳເລັດ ເປັນທີ່ຮຽບຮ້ອຍແລ້ວ, ໂດຍໄດ້ເລີ່ມປະກາດນັບແຕ່ວັນ 24 ກັນຍານີ້ເປັນຕົ້ນໄປ, ໂດຍຈະຕິດປະກາດຢູ່ພະແນກພາຍໃນ ແລະ ຫ້ອງການພາຍໃນຂອງບັນແຂວງ ແລະ ບັນດາເມືອງຕ່າງໆ, ພ້ອມທັງຈະແຈ້ງຜ່ານສື່ໂຄສະນາ, ເພື່ອໃຫ້ຜູ້ສອບເສັງຜ່ານ ສາມາດຮັບເອົາໃບຢັ້ງຢືນກ່ອນວັນທີ 15 ຕຸລາທີ່ຈະມາເຖິງນີ້.

             ທ່ານ ວິໄຊ ກວ່າອີກວ່າ: ການສອບເສັງເຂົ້າລັດຖະກອນພາກຄວາມຮູ້ທົ່ວໄປເທື່ອນີ້ມີຜົນດີຫຼາຍຕໍ່ສັງຄົມເພາະສາ ມາດເຮັດໃຫ້ນັກສອບເສັງໄວໜຸ່ມເຂົ້າໃຈວຽກບ້ານການເມືອງຫຼາຍຂຶ້ນ, ທັງເປັນການເປີດສິດ, ເປີດໂອກາດໃຫ້ແກ່ຜູ້ບໍ່ມີໂອ ກາດສອບເສັງໄດ້ສອບເສັງ ແລະ ເປັນພື້ນຖານອັນດີໃຫ້ແກ່ຜູ້ສະມັກເຂົ້າປະກອບສ່ວນວຽກງານໃນຂະແໜງການຕ່າງໆອີກ ດ້ວຍ.