ກອງປະຊຸມລັດຖະມົນຕີທ່ອງທ່ຽວຕາມເສັ້ນທາງແຫ່ງອະລິຍະທຳ
6 ປະເທດ ຄັ້ງທີ 3 ໄດ້ໄຂຂຶ້ນຢູ່ໂຮງແຮມດອນຈັນພາເລດ ນະຄອນຫລວງວຽງຈັນ ໃນວັນທີ
16 ພະຈິກນີ້ ພາຍໃຕ້ຂອບການຮ່ວມມືສົ່ງເສີມການທ່ອງ ທ່ຽວທາງດ້ານວັດ ທະນະທຳ
ໂດຍການເປັນປະທານຂອງທ່ານ ຈະເລີນ ວາລິນທະລາສັກ ລັດຖະ ມົນຕີຊ່ວຍວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ ເຊິ່ງມີບັນດາລັດຖະ ມົນຕີຊ່ວຍ ແລະ ເຈົ້າໜ້າທີ່ອາວຸໂສຂອງ
6 ປະເທດສະມາຊິກອາຊຽນ ຄືກຳປູເຈຍ, ອິນໂດເນເຊຍ, ລາວ, ມຽນມາ, ໄທ ແລະ ຫວຽດ ນາມ
ເຂົ້າຮ່ວມ.
ລັດຖະມົນຕີຊ່ວຍວ່າ ການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ ກ່າວວ່າ: ກອງປະຊຸມເທື່ອນີ້ແມ່ນໄດ້ທົບທວນຄືນການຈັດຕັ້ງປະຕິບັດແຜນງານທີ່
6 ປະເທດໄດ້ມີການຕົກລົງຢູ່ກອງປະຊຸມຄັ້ງທີ 2 ຢູ່ສຽມຣຽບ ປະເທດກຳປູເຈຍ ໃນຕົ້ນປີ
2010 ຜ່ານມາ ໂດຍສະເພາະການປົກປັກຮັກສາ ແລະ ສົ່ງເສີມມໍລະດົກດ້ານວັດທະນະທຳ,
ການທ່ອງ ທ່ຽວ ແລະ ນຳໃຊ້ມໍລະດົກດັ່ງກ່າວໃຫ້ຫລາຍທີ່ສຸດ ເພື່ອແນໃສ່ຍົກລະດັບຊີວິດການເປັນຢູ່ຂອງປະຊາຊົນໃນບັນດາປະເທດອາຊຽນທີ່ນອນຢູ່ໃນຂອບເຂດການຮ່ວມມືໃຫ້ນັບມື້ດີຂຶ້ນ.
ທ່ານ ສູນ ມະນີວົງ ຫົວ ໜ້າກົມພັດທະນາການທ່ອງທ່ຽວ
ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ ກ່າວວ່າ: ກອງປະຊຸມໄດ້ມີການຢືນຢັນການສືບຕໍ່ຈັດຕັ້ງປະຕິບັດແຜນປະຕິບັດງານສຽບຣຽບທີ່ເລີ່ມ
ປະຕິບັດມາແຕ່ປີ 2010-2015 ເຊິ່ງຍັງມີຜົນບັງຄັບໃຊ້ຢູ່, ແຕ່ພວກເຮົາໄດ້ມີການປັບປຸງບາງແຜນງານ
ແລະ ສອດຫ້ອຍບັນດາກິດຈະກຳທີ່ເປັນການສົ່ງເສີມການທ່ອງທ່ຽວດ້ານວັດທະນະ ທຳເຂົ້າໃນແຜນງານດັ່ງກ່າວ.
ນອກຈາກນີ້ ກອງປະຊຸມຍັງໄດ້ຕົກລົງໃຫ້ 6 ປະເທດສະມາຊິກ ເອົາໃຈໃສ່ໃນການຈັດຕັ້ງປະຕິບັດແຜນງານສຽບຣຽມໃຫ້ເຂັ້ມແຂງຂຶ້ນຕື່ມ
ເນື່ອງຈາກວ່າມີຫລາຍຢ່າງທີ່ຍັງບໍ່ທັນຈັດຕັ້ງປະຕິບັດໄດ້ດີເທົ່າທີ່ຄວນ.
ນອກຈາກນີ້ ກອງປະຊຸມຍັງໄດ້ສ້າງແຜນປະຕິບັດງານວຽງຈັນ ເພື່ອແນໃສ່ສ້າງຄວາມເຂັ້ມແຂງໃຫ້ປະເທດສະ
ມາຊິກໃນການສົ່ງເສີມການທ່ອງ ທ່ຽວທາງດ້ານວັດທະນະທຳ ໂດຍໃນນີ້ໄດ້ມີການກຳນົດຫລາຍແຜນງານຍ່ອຍ
ເພື່ອຈັດຕັ້ງປະຕິ ບັດຮ່ວມກັນເຊັ່ນ: ແຕ່ລະປະເທດສະມາຊິກຕ້ອງຕັ້ງໜ່ວຍປະສານງານ
ເພື່ອຕິດຕໍ່ພົວພັນເຊິ່ງກັນ ແລະ ກັນໃຫ້ເປັນປົກກະຕິ, ມີການຈັດກອງປະຊຸມລະດັບເຈົ້າໜ້າທີ່ອາວຸໂສ
ແລະ ລະດັບລັດຖະມົນຕີປີລະຄັ້ງ, ການຮ່ວມມືທາງດ້ານອະລິຍະທຳ ໂດຍໃຫ້ມີການແລກ
ປ່ຽນບົດຮຽນນຳກັນໃນລະດັບຕ່າງໆທາງດ້ານການຄຸ້ມຄອງວັດທະນະທຳ, ການທ່ອງທ່ຽວໃນແຫລ່ງອະລິຍະທຳ,
ການພັດທະ ນາວັດທະນະທຳ ເພື່ອຮັບໃຊ້ການ ທ່ອງທ່ຽວ, ສ້າງຜະລິດຕະພັນການ ທ່ອງທ່ຽວດ້ານວັດທະນະ
ທຳໃຫ້ຫລາກຫລາຍ ເພື່ອໃຫ້ເຊື່ອມຕໍ່ການທ່ອງທ່ຽວໃນ 6 ປະເທດດັ່ງກ່າວ ແລະ ການສະໜັບ
ສະໜູນການທ່ອງທ່ຽວແບບອະ ນຸລັກປະຊາຊົນ ແລະ ຜູ້ປະກອບການທຸລະກິດມີສ່ນວຮ່ວມ,
ສ້າງຕະຫລາດການທ່ອງທ່ຽວ ແລະ ປູກຈິດສຳນຶກໃຫ້ສັງຄົມມີສ່ວນຮ່ວມໃນການອະນຸລັກແຫລ່ງ
ທ່ອງທ່ຽວທາງດ້ານວັດທະນະ ທຳໃຫ້ມີຄວາມຍືນຍົງ.
ໃນໂອກາດດັ່ງກ່າວ, ຄະ ນະຜູ້ແທນຈາກ
6 ປະເທດທີ່ເຂົ້າ ຮ່ວມກອງປະຊຸມ ກໍໄດ້ເຂົ້າຮ່ວມຊົມພິທີແຫ່ຜາສາດເຜິ້ງໃນບຸນນະ
ມັດສະການພະທາດຫລວງ ແລະ ໃນຄ່ຳຄືນຂອງມື້ດຽວກັນ ກໍໄດ້ເຂົ້າຊົມການສະແດງຈາກນັກສິ
ລະປິນ 6 ປະເທດຢູ່ເວທີກາງເດີ່ນທາດຫລວງ ດ້ວຍຄວາມປະທັບໃຈ ແລະ ເບີກບານມ່ວນຊື່ນ.
No comments:
Post a Comment